1 SAMWELI 13:9 - Bibliyeeda Ghaydit

⁹ Ng'ata gwayi Sawli, “Ayeani heedeanyu haleanjeeda ghadooweeda sighwarda, ea haleanjeeda ghadooweeda bea hoyyoo.” Ak ghoadayda haleanjeeda ghadooweeda sighwarda.

1 SAMWELI 13:9 Mawu Ofanana

2 SAMWELI 24:25

Ak ghwadeas Dawdi heeda wagiida bea NG'UTAMIIDA, ak ghoadayda haleanjeeda ghadooweeda jea eaghwarda ea haleanjeeda ghadooweeda bea hoyyoo. Hean ghamwas NG'UTAMIIDA gidasimus aba badayda ng'eanyiida, ak geateal dawni aba jeeda Israeli.

1 SUGOODIGA 3:4

Hean gawa sugoocheanda Gihoni ghoadayda lukghumajeega aba hoowa, aba gideaba hoowa heetiyeada gil haw; ghoadayda Sulemani haleanji sagalamda sigwariida aba heeda wagiida

NYIIGHEEGA 37:7

Siinda aba madeeda NG'UTAMIIDA, ak giimuughu niny nea giihang'waanyi; adinyareeksi siida iinyagaada aba naweadaanyi, ghana siida sina ng'asheega munyas!

GHWASIILDEANGA 15:8

NG'UTAMIIDA ghwasit lukghumeeda siida muy seara, ak gahoosan iimwaash ASEETA siida doabiiwaat.

GHWASIILDEANGA 20:22

Adiyeeshi geaw, “Gaydawalda gidamuy.” Amuukghuni NG'UTAMIIDA ak gayghaweanyi

GHWASIILDEANGA 21:27

Ng'utamiida ghwasit lukghumeeda siida muy seara, mayghwaraanya muuchi iyadayda nea gabada gea munyas.

GHWASIILDEANGA 21:3

Sinooda ng'asheega miyaasiin doobiiweadi gayghwanung' gahoosan NG'UTAMIIDA ea ghang'al lukghumajeega.

ISAYA 66:3

“Fiisu gwasinda ng'asheega gidagasiida saawa, gagoonan lukghumeeda deeda, nea aba hich gwanuus buuneeda ak ghaghadoawanda; inyeesa gagoonan haleanjeeda sisapa geadi bea ghadooweeda was dayeenda gisilleanda, nea gwahirja gheata gudeeda; inyeesa gweanean haleanjeeda sisapa geadi bea ghadooweeda was booga, ea foojeanda bicheanda, inyeesa ghaghwarda geeta ng'andit aba madeedeanyu ak gaweay ghabwat sanaamu. Ak suh ea niloat naweeda nyaawa nea gabwageat, nea aba jeesinga nyaawa gahoosassa munyasnacheeka nyaawa.

GIIPKEATA DIIGHEANDA 12:5

Agooga gajagasa jeeda jea ghwaloat NG'UTAMIIDA was ASEETEANG'WA aba bugusta eemoojigeagwa sean heeda jea ghwayiin gheawungaaschi headaanyi bea giibinda, ak gajuna ghadoawana,

GIIPKEATA DIIGHEANDA 12:6

ak gajayaada hoowa haleanjeeda sisabwa geadi sighwarda ea lukghumajeagaagu, ea gilagi bea gilatamanamughuush ea haleanjeeda ghadooweeda bea geatingeagwa, ea haleanjeeda ghadooweeda bea heeleesiinda, ea haleanjeeda ghadooweeda mwas gurooruunatkeagwa, ea gilinyoo ea duweacheeda dugweagwa gil ea dea noogeagwa;

1 SAMWELI 14:18

Ghwalamda Sawli ak gwayeesha Ahiya, “Eani hiji sandakwajeanda neajeeda bea ASEETA.” Aba gideaba sandakwajeanda neajeeda bea ASEETA goodeayi sea fuga Israeli eaweedida.