1 SAMWELI 13:5 - Bibliyeeda Ghaydit

⁵ Ng'ata ghabwat geat fuga Filisti gang'uchi sea Israeli, nea gwandeawa mutukwaji sagalamnyooji diktam ea damanamughuush, ea fuga faraasajeega sagalamnyooji lah, ea lugooda deena iseaskweanda ghuuta basooda aba seang'ayda; ghapka ak gooduuw aba Mikmashi, ea ghwahita gayeewda Bet-afeni.

1 SAMWELI 13:5 Mawu Ofanana

GIING'EETA 22:17

aba huumwa gaydagoonyi ghawooda, ak gaydanung' ghwasaang'ayiit jeataang'u ea gwadeena miinga humng'eeda ea iseaskweanda ghuuta basooda. Nea jeacheangaagu gayghwajoar weajoodiga nyaawa,

2 SAMWELI 17:11

Ak girgweageedeanyu ea gideaba gayghabwat geat buuneesean bea Israeli gil aba headaang'u, ghang'eada Dani ea ghwahita Beer-sheba, ea gwadeena eemeeda iseaskweanda ghuuta basooda, ak giideayeewi geaw ng'ucheeda.

1 SUGOODIGA 20:27

Ak geeguursa fuga Israeli, ak geang'ata, ak gaweay gang'uchi; ak fuga Israeli gooduuw aba madeeda nyaawa nea gawuurji hawanyooji iyeenya bea nooga, nea fuga Shaamu gwadukuta ng'eanyiida.

2 DAMANYOOJIGA 1:9

Ea NG'UTAMIIDA was ASEETA, nung' ghwahit neajeeda ghayi irukusi Dawdeeda was bwaabwa aba gideaba ninung' dawas sugoocheanda aba badayda fuga saang'a deena birjeanda ng'eanyiida.

ISAYA 10:28

Weajoocheanda nischeeng'na Rimoni ak ak ea nihidu mujiineeda Ayati nea gwasku Migroni ak sareandaanyi gwanung'usa Mikmashi.

ISAYA 48:19

Ak Jeataang'u gwachi gaygawuurji iseaskweanda, nea jeacheengaagu gawuurji gheanyanga iseaskweanda; gheawunga nyaawa gwachi mayghang'at, nea mwajealas uhuuda aba madeedeanyu.”

YEREMIYA 15:8

Naanung' ghwasaang'ayiit mooneeda masinung'weega nyaawa, ea gaburdeawa iseaskweanda jeeda basooda ak ea neajaksi heeda gadeemga mideawa diibiga was orjooga nyariida askweari; ak hean geajeagu sawanadeeda ea beelda jea gwasham saawa.

HOSEYA 10:5

Fuga abiita Samariya gayghaboadan aba badayda meayda Bet-afeni. Ak fugaaschi gaygagiisan aba badaydaanyi, nea ashoohoodigaaschi hiseada gaygoonyahuushi aba badaydaanyi, ea badayda giigheambiitaanyi siheeli sea niny.

HOSEYA 4:15

Ghamneawa eara hiseada, ea Israeli, adiidu ginung' goodiiy Yuda. Adiidu gooweayi Gilgali, ak adiidu goodiiyeesi Besafeni, ak adiidu ghoayaaji habeawooda, “Aba gidabiideata NG'UTAMIIDA.”

HOSEYA 5:8

Aghuuda durumbeati aba ng'eanyiida Gibea, ea durumbeati aba Rama. Anung' ghwanya nyeashta aba Bet-afeni; aboadana, ea Benjamini!

Ruumi 9:27

Eara Isaya ghwanya ghuuta aba badayda Israeli nea gwayi: “Nea mooneeda Israeli earapeadi saang'a ea gwadeena iseaskweanda basooda, eang'ay gea jea eelealu;

YOSHUWA 11:4

Ak gwardu jarooda sea dabita nyaawa sean, ea lugooda haw, mooneeda nyaawa gawuurji iseaskweanda ghuuta basooda, ea faraasajeega saang'a ea mutukwajeega.

YOSHUWA 18:12

Moonghooda nyaawa aba wiilooda ng'eanyiida ghayeawa ghang'eada Yordani; hean gawa moonghooda ea gwascheeng'sa wiilooda ng'eanyiida ghayeawa mida gayeewda Yeriko, ak gwascheeng'sa ng'eanyiida heayeeniga biyeara; ak gamuudeana dareapcheeda Bet-afeni.

YOSHUWA 7:2

Ng'ata goojeakta Yoshuwa buuneeda ghang'eada Yeriko ea ghwahita Ayi, neekeewa Bet-afeni, mida gayeewda Beteli, ak gwayeesha saawa, “Ascheang'da ak goosikteawi ng'eanyiida.” Ghwascheang'da buuneeda ak gaweay gwasikteawa Ayi.

FUGA LAJA GIRGWEAGUUTKA 7:12

Nea fuga Midiyani, ea Amaleki, ea fuga ng'eanyiida ghayeawa ea niiduuw aba moangoachi, gawuurji deashamga aba seang'ayda nyaawa, nea ngamiyajeega nyaawa ea manda mooneeda nyaawa, geegala iseaskweanda ghuuta basooda, aba seang'ayda nyaawa.

1 SAMWELI 13:11

Ak gwayeesha Samweli, “Ang'iing'i nisini naaha?” Ghwalamda Sawli ak gwayeesha, “Iyaadaayi nea ghwadardaawa buuneeda heedeanyu, ea gideaba miihini askwearjoojiga hit ghayi irugu, ea gideaba ghabwat geat fuga Filisti aba Mikmashi,

1 SAMWELI 13:2

Ak ghwaloat Sawli fih sagalamnyooji samwagu bea Israeli; ak gwandeawa Sawli fih sagalamnyooji iyeenya aba Mikmashi ea aba jeeda ng'eanyiida heayeeniga bea Beteli, nea gwandeawa Yonatan fih sagalamnyeanjagi aba Gibeya mida dooshta Benjamini; ak ghwanung' Sawli gabiikta ghoah fuga abit.

1 SAMWELI 14:23

Hean gwalealu NG'UTAMIIDA Israeli eaweedida; ak gawa ng'ucheeda ea ghwasuut Bet-afeni.

1 SAMWELI 14:52

Abeeda gwanda ng'ucheeda ng'waan sea fuga Filisti aba damanyoojiga sean bea Sawli; nea iissa iidaah Sawli siida wassean mideawa uurda, ghana siida wassean daruus, iissa gwandeayi sea niny.

1 SAMWELI 17:1

Damandida abeeda fuga Filisti ghabwada geat lugweega nyaawa aba ng'ucheeda, ak gabassa geat Soko, mida ng'eanyiida Yuda, ak gawus aba dageascheeda Soko ea dea Aseka, mida Efes-damimu.

1 SAMWELI 7:13

Ak geajoar fuga Filisti ak ea mudu gaweay jeeda ng'eanyiida Israeli. Ak goobiida geatinda NG'UTAMIIDA geeshta fuga Filisti damanyoojiga sean mideewa Samweli.