1 SAMWELI 13:2 - Bibliyeeda Ghaydit

² Ak ghwaloat Sawli fih sagalamnyooji samwagu bea Israeli; ak gwandeawa Sawli fih sagalamnyooji iyeenya aba Mikmashi ea aba jeeda ng'eanyiida heayeeniga bea Beteli, nea gwandeawa Yonatan fih sagalamnyeanjagi aba Gibeya mida dooshta Benjamini; ak ghwanung' Sawli gabiikta ghoah fuga abit.

1 SAMWELI 13:2 Mawu Ofanana

2 SAMWELI 20:1

Ghayi gwanda siisi marachi gil, siguura gheawungaaschi Sheba, was orjeeda Bikri, bea eemeeda Benjamini; ak ghaghuut durumbeati, nea gwayi, “Aseasa manda gideanya aba heeda Dawdi, ak ea meendeawani hearaniischooda aba heeda orjeeda Yese; daba siisi weah jeeda maheemajeandaanyi, Ea Israeli!”

2 SAMWELI 21:6

asi agoaneasa orju ispwa ikaaschi, ak geerati aba madeeda NG'UTAMIIDA aba Gibeoni aba uhuuda giijeeda NG'UTAMIIDA.” Ak gwayi sugoocheanda, “Gaydaadayda.”

2 SAMWELI 23:29

ea Heledi was orjeeda Baana bea eemeeda Netofati, ea Itayi was orjeeda Ribayi bea Gibeya bea orjooga Benjamini,

ESRA 2:27

Fuga Mikmashi, ea bughala ea diktam ea iyeenya.

NEHEMIYA 11:31

Fuga Benjamini earaga goobiita Geba ea Mikmashi, ea Aiya, ea Beteli, ea gharang'weakaaschi,

YOSHUWA 18:28

Sela, ea Haelefu, ea Yebusi (nea Yerusalemu), Gibea ea Giriati, ea Yearimu, mujiinaji damanang'wan sea gharang'weakaaschi. Nih gichea gwahearan eemeeda Benjamini gil ea fugeaba gheanyi.

YOSHUWA 22:6

Ng'ata ghoadaw Yoshuwa ghawooda saawa, ak ghwanung' gaweay saawa; ak gaweay gealga nyaawa.

FUGA LAJA GIRGWEAGUUTKA 19:12

Gwayeesha siidaanyi haw, “Aseasa majeayamwa geat ak geeweayi jeeda mujiineeda rabasta, mawoosa diibiga Israeli, hean gajeang'ata ea eahita Gibea.”

1 SAMWELI 10:26

Eara Sawli gawa gheanyi aba Gibeya, ak goodeayi niny sea fuga mideawa uurjeenga was gea niwaas gurooruunatka nyaawa ASEETA.

1 SAMWELI 10:5

Iimuchu gaynyuunyi Gibeyaheeda ASEETA mida lugooda Filisti; ak abeeda iihidu mujiini, gayroonyeewana mughuusheanda sibanga nea ghwararang'aana heeda sibata ASEETA nea gwandeawa gidoondooriida, ea bundiida, ea furiimbu, ea haleanjeeda sibara bea duumda aba madeanyaawa, nea ghwaramoaran.

1 SAMWELI 13:1

Sawli abeeda gheareemaneeda gil, damanda miighoaweewa sugoocheanda; ak goombal Israeli gweanyeew iyeenya.

1 SAMWELI 13:11

Ak gwayeesha Samweli, “Ang'iing'i nisini naaha?” Ghwalamda Sawli ak gwayeesha, “Iyaadaayi nea ghwadardaawa buuneeda heedeanyu, ea gideaba miihini askwearjoojiga hit ghayi irugu, ea gideaba ghabwat geat fuga Filisti aba Mikmashi,

1 SAMWELI 13:15

Hean ghang'eat Samweli, ak ghwascheang'da ghabeawa Gilgali ea ghwahita Gibeya mida ng'eanyiida Benjamini. Ak gwayiida Sawli fuga mideawa, ak ghwahita fih bughalaji lah.

1 SAMWELI 13:16

Goobiida Sawli sea orjeedaanyi was Yonatan, sea fuga mideawa ak goobiida Geba mida Benjamini; nea fuga Filisti gooduuw aba Mikmashi.

1 SAMWELI 13:23

Ak gaweay lugooda Filisti ea gwasik seawadeeda Mikmashi.

1 SAMWELI 13:5

Ng'ata ghabwat geat fuga Filisti gang'uchi sea Israeli, nea gwandeawa mutukwaji sagalamnyooji diktam ea damanamughuush, ea fuga faraasajeega sagalamnyooji lah, ea lugooda deena iseaskweanda ghuuta basooda aba seang'ayda; ghapka ak gooduuw aba Mikmashi, ea ghwahita gayeewda Bet-afeni.

1 SAMWELI 14:31

Ak geabwar fuga Filisti eaweedida ghang'eada Mikmashi ea ghwahita Aiyaloni. Nea buuneeda gwasawana muuchi aba jalooda;

1 SAMWELI 14:5

Ak ghamiinaada lagheaneeda geaw wiilooda ng'eanyiida ghayeawa mida madeeda Mikmashi, nea niirja gwanda wiilooda ng'eanyiida biyeara mida madeeda Geba.

1 SAMWELI 14:52

Abeeda gwanda ng'ucheeda ng'waan sea fuga Filisti aba damanyoojiga sean bea Sawli; nea iissa iidaah Sawli siida wassean mideawa uurda, ghana siida wassean daruus, iissa gwandeayi sea niny.

1 SAMWELI 15:34

Muchu gawa Samweli ng'eanyiida Rama; nea ghwascheang'da Sawli gawa gheanyi mida Gibeya.

1 SAMWELI 24:3

Ng'ata ghwahidu heeda gwaleeda neekeewa hilgweanda gisilga mida ghuuta naweeda; ak gawa Sawli jeeda ghwariishta. Nea abeeda gwanda Dawdi ea fugaaschi hoowa nea goobiitpiit aba jeeda gwaleeda.

1 SAMWELI 26:2

Hean ghang'eat Sawli ak ghwararang'aada ak gawa dareapcheeda Sifu, sea fih sagalamnyooji samwagu siloat bea Israeli, gagasa Dawdi aba dareapcheeda Sifu.

1 SAMWELI 8:11

Gwayeesha, “Suh ng'asheega jea gwasinneegwa sugoocheanda jea goombaleegwa: gaygageanu orjoogeagwa ak ghwanung' gafur mutukwajeagaaschi nea ghoah fuga faraasajeagaaschi, nea gwasalda aba madeeda mutukwajeagaaschi;