1 SAMWELI 13:14 - Bibliyeeda Ghaydit

¹⁴ Ak ghamneawa sugoocheanduumeadaang'u ea nimuudean; aba gideaba niloat NG'UTAMIIDA siida gasa gurooroadaanyi; ak ea nigeanu NG'UTAMIIDA siida jea ghoah sugoocheanda jea goombal fugaaschi, aba gideaba miing'waanyi ng'asheega rukuneey NG'UTAMIIDA.”

1 SAMWELI 13:14 Mawu Ofanana

2 SAMWELI 5:2

Ghayi aba damwan, nea Sawli ea sugoocheanda ahaaghwaneasa gil, ang'iing'i gil dea aruudu fuga Israeli ak ghwanung' ghapka ghoah; ak gwayeeshiineey NG'UTAMIIDA, ‘Gayhuuwa sugoocheanda Israeli.’”

2 SAMWELI 6:21

Hean ghwalamda Dawdi ak gwayeesha Mikali, “Aniini ghaang'waschi nea geasisi NG'UTAMIIDA mureeda, was dea loadan aba hoorgeeda ghweandaang'u ea fugeaba gheanyi sean, ak ghwaloadan doaw sugoocheanda jea ghoahaaghwa Israeli, was fuga NG'UTAMIIDA, ak gaydahoosan aba madeeda NG'UTAMIIDA.

2 SUGOODIGA 20:5

“Biikta ak giyeeshi Hesekiya was siida ambal fugeasu. Gwayi NG'UTAMIIDA was ASEETA Dawdi was ghweandeang'wa; naayiinyi musiischoadaang'u, ak ea naadaayi dabeakaagu ng'ula gaydanung' haabwa; ak eaweedeaba samwagu gaysiyeang'da una gheeda NG'UTAMIIDA.

1 DAMANYOOJIGA 10:13

Ak ghami Sawli aba nyoota mureeda; aba gideaba masisiina mureeda NG'UTAMIIDA aba gideaba mwaang'waanya ng'asheanda NG'UTAMIIDA, nea goobalool meanga, nea gagasa weeta.

NYIIGHEEGA 78:70

Ghwaloat Dawdi was siidaanyi bea gadiyeeda, ak gageandeawa jeeda hilgweanda gisilga;

GHWASIILDEANGA 27:24

Aba gideaba meanang'oocheanduumeeda maba damanda manda muudeanooda, eara shiipka heapi gaygoobiida seaygoojiga seani?

ISAYA 39:5

Hean ghwalamda Isaya ak gwayeesha Hesekiya, “Asi iinya ng'asheanda NG'UTAMIIDA bea lugweega:

Gadiyeeda Giijasoodiga 13:22

Iidu nea geegeanda niny, hean ghwaloat Dawdi ghoah sugoocheanda nyaawa; hean gamuuwu ng'asheega badaydaanyi nea gwayi, ‘Naanyaschi aba jeeda Dawdi orjeeda Yese siida mwas guroroodeanyu, ak nih ea siichea gwasin ng'asheega sean eagasayi dasin.’

Gadiyeeda Giijasoodiga 7:46

ghayi nyas alooheeda aba madeeda ASEETA ak gamus beata gawa gagasa heechea goobiida ASEETA Yakobo.

Ebraniya 2:10

Aba gideaba ghwahit aba headaanyi, niny ea aba heeda dea ghayi abiideewa haleanjeeda sean, ak gweadu orjooga sean heeda giigheambiita ak ghoah gidamadeeda jea gagadiyeata bea lealeanoodean aba sawanadeeda.

1 SAMWELI 15:23

Aba gideaba heeheeweega gawuurji sea riing'eeda beeneetkweanduumeeda, nea hang'ooynata uhuuda gawuurji ghwarjeeda ea badooda sanaamu. Aba gideaba niheawi ng'asheanda NG'UTAMIIDA, ak eara niny ea niheawa ea muwoosi sugoocheanda.”

1 SAMWELI 15:26

Iidu gwayeesha Samweli Sawli, “Aniini maydabiikta sea ang'iing'i; aba gideaba niheawi ng'asheanda NG'UTAMIIDA, ak ea niheawaneey NG'UTAMIIDA ea muhuuwi sugoocheanda Israeli.”

1 SAMWELI 15:28

Gwayeesha Samweli niny, “Nibwaash NG'UTAMIIDA sugoocheanduumeeda Israeli ak gooheeleeweey askweareani, ak ghoadaw giischeewdaang'u, was siida miy ng'alnyi.

1 SAMWELI 16:1

Gwayeesha NG'UTAMIIDA Samweli, “Gaygiisana, aba badayda Sawli ea ghoah eeju, aba gideaba naaheawi niny ea moawa sugoocheanda jea goombal Israeli? Anyiida gujaweadaang'u nagheeda, ak guwi; gaydanung' una heeda Yese aba Betlehemu, aba gideaba naaloachi orjeanagi aba jeeda orjoagaaschi ghoah sugoocheanda.”

1 SAMWELI 16:12

Ng'ata goojeakta siida, ak geeyeadu. Ak ea eesh, aamiy aba leanga nea gheareemaneeda majeegi. Ak gwayi NG'UTAMIIDA, “Ng'eada ak gimwaari; aba gideaba siida nihi.”

1 SAMWELI 2:30

Ng'ata gwayi NG'UTAMIIDA was ASEETA Israeli: ‘Aniini gearugu gideaba gheang'u ea ghaheang'wa gayghapka nea gaweay aba madeedeanyu damanda manda muudeanooda’; ak ghamneawa gwayi NG'UTAMIIDA: ‘Gagasa gwasheagiidanean ng'asheanji; aba gideaba fuga sinnean mureeda gaydasissa, nea fugiga foolaniin gaydafool.

1 SAMWELI 24:20

Ak ghamneawa, ging'ulayi, aniini ghaanali gideaba aba huumwa gayhuuwa sugoocheanda, ea gideaba ng'eanyiida Israeli gaygamnyeen aba geatingaagu.

1 SAMWELI 25:30

Iidu nea gwasissa NG'UTAMIIDA ng'utamiideanyu ng'asheega miyaasiin ghayi rugu aba badaydaang'u, ak ghwaloanyi huwa sugoocheanda Israeli,

1 SAMWELI 9:16

“Numuji damanda uurji nih gaydeajeagu siida jea gwaleabu ng'eanyiida Benjamini, ak gajamwaara niny ghoah siida haw jea goombal fugeasu was Israeli. Gayghaweat fugeasu aba geatinda fuga Filisti; aba gideaba naadaayi sawanadeeda buuneedeanyu, aba gideaba nihidu shooka nyaawa heedeanyu.”