1 SAMWELI 13:13 - Bibliyeeda Ghaydit

¹³ Ng'ata gwayeesha Samweli Sawli, “Ang'iing'i gisini leendeeda; ang'iing'i miing'waanyi diigheanda NG'UTAMIIDA was ASEATAANG'U, ghayi rukuneey; aba gideaba gwachi gaygwasinyi NG'UTAMIIDA huwa sugoocheanda Israeli damanda manda muudeanooda.

1 SAMWELI 13:13 Mawu Ofanana

GIING'EETA 31:28

Ak ea minung' daghat orjoogeasu ea haweegeasu? Ng'asheanji gisini leendeeda.

2 SAMWELI 24:10

Hean gwasawana jeeda Dawdi iing'ata iitooda buuneeda. Ak gwayeesha Dawdi NG'UTAMIIDA, “Aniini neasinyi giidiinyeanda haw aba gili easinyiin. Asi ghamneawa, Ea NG'UTAMIIDA, geamuscheey ang'iing'i, geanda giidiinyeanda siidaang'u bea gadiyeeda; aba gideaba neasinyi leendeeda haw.”

1 SUGOODIGA 18:18

Ng'ata gwayeesha, “Aniini miideaneayi fuga Israeli, giineayi ang'iing'i ea ghaheang'wa, aba gideaba naanung'waadi digheanyeeka NG'UTAMIIDA ak ghoayaachi geeshta Baali.

1 SUGOODIGA 21:20

Gwayeesha Ahabu Eliya, “Ninyaschaan, Ea weajoocheandeanyu?” Hean gwayeesha Eliya, “Naanyascheey, aba gideaba nishaaydi geaw aba heeda siida muy aba madeeda NG'UTAMIIDA.

1 DAMANYOOJIGA 10:13

Ak ghami Sawli aba nyoota mureeda; aba gideaba masisiina mureeda NG'UTAMIIDA aba gideaba mwaang'waanya ng'asheanda NG'UTAMIIDA, nea goobalool meanga, nea gagasa weeta.

2 DAMANYOOJIGA 16:9

Aba gideaba gheanyanga NG'UTAMIIDA inyeesa gang'ula bwadaw ea mwadi aba jeeda ng'eanyiida sean, ghoahiimu uurdaanyi aba badahuuka fuga doobiiweadi aba headaanyi. Ang'iing'i nisini leendeeda aba ng'asheanji; aba gideaba gidang'eada ghamneawa gaynyasa ng'ucheeda.”

2 DAMANYOOJIGA 19:2

Nea Yehu was orjeeda Hanani was meang'nyeanda gawa gwaroonyi niny, ak gwayeesha, “Ang'iing'i gajamuusa weada fuga munyas nea gibwariinyi fuga sit NG'UTAMIIDA? Abeeda aba ng'asheanji, nyarasta leabu heeda NG'UTAMIIDA gaygoobisa badaydaang'u.

AYUBU 34:18

Gaygwayeesha ng'eaha sugoocheanda, ‘Ang'iing'i miracheewani gil’, ghana fuga siiwal gheanyanga, ‘Agooga goowooschi munyas’;

GHWASIILDEANGA 12:8

Siida gajeegwarsa aba giteena fughareadaanyi, nea siida mideawa hang'ooynata uhuuda gajeefool.

GHWASIILDEANGA 19:3

Siida iibeagu geaw aba leendeadaanyi abeeda gaygoogeal nyarastaanyi heeda NG'UTAMIIDA.

ISAYA 39:5

Hean ghwalamda Isaya ak gwayeesha Hesekiya, “Asi iinya ng'asheanda NG'UTAMIIDA bea lugweega:

YEREMIYA 18:10

Nea inyas gwasin munyinda aba madeedeanyu, nea mooleeysiina ghuuteanyu, abeeda gaydaduukuuna sinooda ng'asheega miyaasiin ghayi jea dasisa saawa.

1 SAMWELI 1:22

Iidu ea mawa Hana, aba gideaba gwayeesha siyeadaanyi, “Geaghus eeyi bwak ea ghwashukghu baleanda, abeeda gaydaat niny, madeeda NG'UTAMIIDA, ak goobiida hoowa damanda manda muudeanooda.”

1 SAMWELI 13:12

geayi, ‘Asi ghamneawa gayghwahidu fuga Filisti gwararang'eesean aba Gilgali, nea mii dagasa dea duukusa geaw NG'UTAMIIDA’; ak ghaadaayi gideaba ghwahit giidaydeayda haleanjeeda ghadooweeda sighwarda.”

1 SAMWELI 15:11

“Aniini neagiisanyi aba gideaba naanung' ghoah Sawli sugoocheanda; aba gideaba nifuurnean badayda ak ea meana geeshteanyu, ak ea moang'waanya diigheanyeekeasu.” Hean ghwanyareas Samweli; ak gooyeawusa NG'UTAMIIDA eaweesean.

1 SAMWELI 15:22

Ak gwayi Samweli, “Neada NG'UTAMIIDA ghabwariiy muuchi haleanjeeda ghadooweeda sighwarda, gawuurji gheawalmeeda ghuuta NG'UTAMIIDA? Ng'ula, mureeda ghang'al lukghumeeda, nea iing'da ghang'al nagheeda lagweendiga.

1 SAMWELI 15:28

Gwayeesha Samweli niny, “Nibwaash NG'UTAMIIDA sugoocheanduumeeda Israeli ak gooheeleeweey askweareani, ak ghoadaw giischeewdaang'u, was siida miy ng'alnyi.

1 SAMWELI 16:1

Gwayeesha NG'UTAMIIDA Samweli, “Gaygiisana, aba badayda Sawli ea ghoah eeju, aba gideaba naaheawi niny ea moawa sugoocheanda jea goombal Israeli? Anyiida gujaweadaang'u nagheeda, ak guwi; gaydanung' una heeda Yese aba Betlehemu, aba gideaba naaloachi orjeanagi aba jeeda orjoagaaschi ghoah sugoocheanda.”

1 SAMWELI 26:21

Ghwalamda Sawli ak gwayi, “Neasinyi ng'asheega munyas; biikni, orjeedeanyu Dawdi, aba gideaba maygudu dasimaneey gidamuy, aba gideaba eaweegeasu ghang'alda aba madeeda gheanyangaagu askweareani; ng'ula, aniini neasinyi leendeeda, neasinyi ng'asheanda muy muuchi.”