1 SAMWELI 12:5 - Bibliyeeda Ghaydit

⁵ Ak gwayeesha niny saawa, “NG'UTAMIIDA muushoocheanda gil aba badahuukeagwa, nea siidaanyi simwaar ea muushoocheanda gil askweareani, gideaba manda gida wassean naanyasi geatindeanyu.” Ak gwayi saawa, “Niny muushoocheanda.”

1 SAMWELI 12:5 Mawu Ofanana

GIING'EETA 31:50

Asi ang'iing'i isimi haweegeasu ng'asheega munyas ghana gheana gadeem suuk ak giroabi haweegeasu, earapeadi mwaanali, apkaada gideaba ASEETA muushoocheanda gil aba dageascheadaang'u ea deanyu.”

AYUBU 16:19

Eara ghamneawa, ng'ula muwshoocheandeanyu gwanda humng'eeda, nea dea jea ghaweadan gwanda heetiyeada.

AYUBU 42:7

Hean nea ghoahiit NG'UTAMIIDA balooldeaba ng'asheesu aba heeda Ayubu, ghwalamda NG'UTAMIIDA ak gwayeesha Elifasi bea Demani, “Naanyareekseey muuchi, ea fiisu asiyeenya iduupcheewiin aba gideaba agooga mii arukuta ng'asheega huumwa bea badaydeanyu, gawuurji gidarukuteayda Ayubu was siideanyu bea gadiyeeda.

NYIIGHEEGA 17:3

Ang'iing'i ginali gurooroodeanyu, ak ea nihidu heedeanyu eawa, ak ea nisikteawean, ak nisimnyean, ea maydeaksean munyinda; nea mii darukuna ghuuteanyu ng'asheanda mwahida.

RITEAYDA 22:4

Gidida jagwat siidideanjiin iisinyasa geatingaaschi nea majeek ii heeyda gil ghanea digeeda ghanea gisilleanda gil, abeeda gayghoadaw siida bea haleanjeeda gajeawala duu iyeenya.

Yohaana 18:38

Gwayeesha Bilato niny, “Huumeanda naaha gil?” Iing'ata rukunoodeaba ng'asheesu gabiikta gicha heeda fuga Yahudi mida jarooda ak gwayeesha, “Aniini mwaadaahi giidiinyeandeaba siisi.

Gadiyeeda Giijasoodiga 23:9

Hean ghoahaada giijuureanda; ak ghamiinaada ng'oorshoodiga mwaatkwa bea Farisaayo ak ghoaniikgh nea gwayi, “Aseasa meadaahi gilimuy aba heedeaba siisi. Siisi iideepa ea niibalool guroorooda ghana malaykajeanda abeeda gwanda naaha?”

Gadiyeeda Giijasoodiga 24:16

Iissa aniini ghaanyaschi sawanadeeda galeagasean ak ghaanyaschi fughareeda miy aba heeda ASEETA ea heeda buuneeda.

Gadiyeeda Giijasoodiga 24:20

Ghana nung'waada fiisu gwarugu ramaseanda deaksean aba damanda ghayi eamiinaadawi aba madeeda girgweageeda,

1 Goriinto 4:4

Aba gideaba aniini mwaanali gida wasean aba badaydeanyu, ak ghanyea meesiksean. Ng'utamiida dea jea goorgweaksean.

2 Goriinto 1:12

Aba gideaba aseasa geaghwari geat ng'asheanji, nea gidida muuwu fughareengaasaan gil ak ghoah gissibeadi aba jeeda ng'eanyiida, ak gabiissa ghwaraanya muuchi aba heedeang'wa, aba ghaydidanda ea badita ASEETA bea huumwa, nea mii aba weaghuumeeda ng'eanyiida gil geaghus aba dagheerjeanduumeeda ASEETA.

1 SAMWELI 12:4

Ak gwayi saawa, “Ang'iing'i mii areadeasa gil ghana sawaneasa ghana geanda gida wassean aba geatinda siida wassean.”

1 SAMWELI 26:9

Ghwalamda Dawdi ak gwayeesha Abishayi, “Adiidu gibwari niny; aba gideaba gajea ng'eaha siida jea gooheaksa geadi siida amwaar NG'UTAMIIDA ak ea mwanyasa giidiinyeanda?”