1 SAMWELI 12:3 - Bibliyeeda Ghaydit

³ Ak aniini geandi hiji; ak ghoahuuyi muushoodiga aba madeeda NG'UTAMIIDA ea madeeda siidaanyi simwaar. Neada ea neageandi deedeabeang'a? Ghana neageandi digeedeabeang'a? Ghana ea ng'eaha siida naareachi gidaanyi? Ak ea neasawanyi ng'eaha? Ak ea neageandeawi geatindeabeang'a haleanjeeda seawshooda ak ghwanung' gang'oowiidi gheanyangeasu? Asi amuuwuuni aba badaydeanyu ak gaydawalu.”

1 SAMWELI 12:3 Mawu Ofanana

2 SAMWELI 22:22

Aba gideaba naang'waanyi ng'asheega NG'UTAMIIDA, ak ea miidaheeli ASEETEANYU.

NEHEMIYA 5:11

Ooteelsiina saawa ghamneawa madameega nyaawa, ea sabiibajeega nyaawa, ea madameega nyaawa bea saytuunajeega ea gealga nyaawa, ea lapiyeedida apughalaan, ea booga, ea difaayi, ea nagheeda oogeandeawi heedeaba saawaan.”

NYIIGHEEGA 15:5

nea meadayiida lapiyeadaanyi nea gagasa gooheadeesa gil, ak ea mageaniida haleanjeeda seawshooda aba sawanda siida manda giidiinyeanda. Siida sina ng'asheesu majeegeanda damanda manda muudeanooda.

RITEAYDA 20:17

“Adishisi ghaang' gheeda gischeewoocheandaang'u, adishisi ghaang' gatmooda gischeewoocheandaang'u ghana soomjeandaanyi, ghana hudaanyi bea gadiyeeda, ghana deadaanyi, ghana digeadaanyi, ghana gili wassean mideawa gischeewoocheandaang'u.”

RITEAYDA 22:4

Gidida jagwat siidideanjiin iisinyasa geatingaaschi nea majeek ii heeyda gil ghanea digeeda ghanea gisilleanda gil, abeeda gayghoadaw siida bea haleanjeeda gajeawala duu iyeenya.

RITEAYDA 23:8

Adiing'waanyi lapiyeeda seawshooda, aba gideaba seawshooda gayghwanung' gang'oowiidi gheanyanga fuga ang'wearu ak ghwadatas girgweageeda fuga doobiiweadi.

GHWASIILDEANGA 15:27

Siida gasa haleanjeeda aba naweeda mwadoabiiwa, gayghwanung' ghoabita fugeaba gheanyi jeeda sawanadeeda, nea dea sit haleanjeeda hayapta gayghwanyas eaweega.

NG'ASHEEGA LAWI 6:4

ama sin siyagi riing'eeda ak ghwanyas giidiinyeanda, gayghoadealda gidageanda aba giireeta, ghana gidanyas aba ghabasta, ghana haleanjeeda siitaw goodiiw, ghana gidaroat ghayi nyas,

NG'ASHEEGA LAWI 6:5

ghana gida wassean aksa habeawooda aba ng'uyeega; gayghoadealda gidida nea ghoanyiit, ak gayghwayiin uhuuda gideaba muut, ak ghoadaw ninyeeda was dea bea gida, aba eaweeda adaydaawa haleanjeadaanyi ghadoawana giidiinyeanda.

IITOODA 16:15

Hean ghwanyareas Musa muuchi, ak gwayeesha NG'UTAMIIDA, “Adumwasi haleanjeeda nyaawa bea ghadooweeda; aniini miidageandeawa saawa eara digeanagi, ak ea mii dasawan eara siyagi aba jeenyaawa.”

Mattayo 22:21

Geeyeesha, “Gaba Gaysari.” Gwayeesha saawa, “Haleanjeeda Gaysari oatawa Gaysari, ak gea ASEETA ghoatawji ASEETA.”

Lukka 19:8

Ghang'eat Sakayo ghamiinaada ak gwayeesha, “Ng'ula, Ng'utamiida, gaydalach bugusta haleanjeedeanyu ak ghaadawji fuga barbari, ak iimida siida naareachi gida aba fughareeda, gaydeadeelsa niba aang'waan.”

Gadiyeeda Giijasoodiga 20:33

Ak ea mii dashissa ghaang' lapiyeeda siida ghana dahaabu ghana eagweega.

2 Goriinto 12:14

Nih ghamneawa deaba samwagu nea geawooschi hidaat aba wunooda heedeang'wa. Ak ghanyea maydoaw sareenda, aba gideaba miidagasa haleanjeedeang'wa, ghaaghuschi gassoodeang'wa agooga; aba gideaba mamiisiina diibiga gideaba gaygoodiiwsheesa ghweaniga nyaawa, ea gheamadiga nyaawa, geaghus goodiiwsheesa ghweaniga ea gheamadiga diibiga nyaawa.

GIIPKEATA DIIGHEANDA 16:19

Adiidu gighwani huumeanda doabiiwaat, adiidu gisini shiitmeeda; nea adigeandi haleanjeeda seawshooda, aba gideaba seawshooda iissa gwadukuta gheanyanga siida bwaraawu ak ghwayam girgweageeda fuga doobiiweadi.

1 Desaloniikke 2:10

Agooga goowooschi muushoodiga, ak gwasunu eara ASEETA, ea gidaghaydita ea gidadoabiiwaata ak gabiissa ea meeyeateena ghuut searoojigaasa aba heeda fugeagwa mideawa masaweega;

1 Desaloniikke 2:5

Aba gideaba moang'wa eerukuna ng'asheega ghwaroodeaba geat, aba gidoanaldi, ghana shidoodeaba ghaang', nea ASEETA ea muushoocheanda gil;

1 Betro 5:2

Oahaaghwana mughuusheanda fuga ASEETA ghayi siiteaganeegwa, nea goomiineadaysi, nea meediing'seegwa, asina aba gidoogasiidi nea adoosinyi aba gideaba googasayi lapiyeeda baspaseega, asi asina nea goomajeekchi,

1 SAMWELI 10:1

Ng'ata gageanu Samweli gideeshteayda nagheeda ak goodalealsa uhuuda Sawli, ak ghwasam gheata nea gwayeesha, “Neada ea mii ghoamwaarnyi NG'UTAMIIDA huwa sugoocheanda jea goombal fugaaschi was Israeli? Ak gajambala fuga NG'UTAMIIDA ak gaylealni aba geatinga weajoodiga nyaawa neaweesa. Ak gili gayghoah gwadeagooda aba headaang'u gideaba nimwaarnyi NG'UTAMIIDA huwa sugoocheanda jea ghoahaaghwa fugaaschi.

1 SAMWELI 12:4

Ak gwayi saawa, “Ang'iing'i mii areadeasa gil ghana sawaneasa ghana geanda gida wassean aba geatinda siida wassean.”

1 SAMWELI 12:5

Ak gwayeesha niny saawa, “NG'UTAMIIDA muushoocheanda gil aba badahuukeagwa, nea siidaanyi simwaar ea muushoocheanda gil askweareani, gideaba manda gida wassean naanyasi geatindeanyu.” Ak gwayi saawa, “Niny muushoocheanda.”

1 SAMWELI 2:35

Ng'ata gaydaloosa geaw ashoohoocheanda doabiiwaat, jea gwasinda ng'asheega gidagasiida mida jeeda gurooroodeanyu ea jeeda fughareedeanyu; ak gaydadeeksa gheeda huumwa, ak gaygawa gah nea gwarita aba madeeda siideanyu simwaar damanda manda muudeanooda.

1 SAMWELI 24:11

Daaha bwaabwa, daaha weasta hang'daang'u iishuubayi geaw gwanda geatindeanyu; gwachi gajea naabwarjeey amadu ghaalaji weeleeda hang'daang'u, nea geagasayi nala gideaba manda gidamuy ghana washta geatingeasu. Aniini meandeawani riing'eeda aba badaydaang'u, earapeadi igasayi bwaraaniin.

1 SAMWELI 24:6

Ghwalamda ak gwayeesha fugaaschi, “Gagasa ghwanung' NG'UTAMIIDA ea measimani ng'asheanji ng'utamiideanyu, was dea ghayi amwaar NG'UTAMIIDA, ak geaheaksi geatindeanyu niny aba gideaba niny siida amwaar NG'UTAMIIDA.”

1 SAMWELI 24:7

Ak goobaloola Dawdi fugaaschi ng'asheesu ak ea mwanung' ghabwar Sawli. Hean ghang'eat Sawli ak ghabeawa jeeda gwaleeda, ak gawa heechea gawa.

1 SAMWELI 26:11

Ghaheawa NG'UTAMIIDA gideaba gaydeaheaksa geatindeanyu siida amwaar NG'UTAMIIDA; asi geanda ng'uta mida deascheeda uhuudaanyi, ea sirbiida beega ak ginung' eeweaya.”

1 SAMWELI 26:9

Ghwalamda Dawdi ak gwayeesha Abishayi, “Adiidu gibwari niny; aba gideaba gajea ng'eaha siida jea gooheaksa geadi siida amwaar NG'UTAMIIDA ak ea mwanyasa giidiinyeanda?”