1 SAMWELI 12:22 - Bibliyeeda Ghaydit

²² Aba gideaba NG'UTAMIIDA mwoamu gwahista fugaaschi, aba hawunda gheawungaaschi gagasa NG'UTAMIIDA ghwanung' ahuwa fugaaschi.

1 SAMWELI 12:22 Mawu Ofanana

1 SUGOODIGA 6:13

Ak gaydeabiida bugusta diibiga Israeli, ak ea maygwaroosean fugeasu was Israeli.”

1 SUGOODIGA 8:57

NG'UTAMIIDA was ASEETEANYA gagasa goobiida heedeanya, gawuurji gidaghayi abiideata heeda ghweanigaasa; adiidu ghwanung'waneasa heeda ghana gwajaktaneasa;

2 SUGOODIGA 14:27

Nea NG'UTAMIIDA ea miigwayi gaydanung' goosha fuga Israeli aba badayda ng'eanyiida. Hean ghoaghu saawa nea ghaweat Yeroboamu was orjeeda Yehoashi.

2 SUGOODIGA 21:14

Ak gaydajakta boosteanga heareegeasu, ak ghaadawji weajoodiga nyaawa. Ak gayghoah easanga ea fuga ng'uta aba heeda weajoodiga nyaawa sean.

1 DAMANYOOJIGA 28:9

“Nea ang'iing'i, Sulemani, orjeedeanyu, nala ASEETA gweanu, ak gigadiyeesi aba guroorooda miy, nea ghaamwanyi jeadaang'u; aba gideaba NG'UTAMIIDA gagaseadayi gurooruunatka sean, nea ghwanal ng'asheega sean ea fugheerga; nea gigasayi niny, ak gaydaaha; nea iinung'usi heeda gaygwajaktaneey damanda manda muudeanooda.

2 DAMANYOOJIGA 15:2

ng'ata gawa jarooda gwaroonyi Asa, ak gwayeesha, “Aleeysean iita, ea Asa, sea fuga sean bea Yuda ea Benjamini. NG'UTAMIIDA gwandeayi sea agooga, nea eara agooga goondeayi sea niny. Nea iyoogaseadi niny, gajanyasa, ama inyas gajajakta niny, abeeda eara niny gaygwajaktaneegwa.

NEHEMIYA 9:17

ak ghaheawa gwasissa mureeda, nea moapkaada ng'asheega deamdeameadi ghayi iisini aba bugusta nyaawa; ak ea mararsiina gil ghoahang'waay iheenga nyaawa nea ghwaloat ashoohooda uurji gili jea ghoaghuumda soomjeandumeeda Misri. Ak ang'iing'i guwoosi ASEETA hidaat aba samsiinda, ea dagheerjeanduumeeda ea samsiinda, nea mii wusis nyaras nea mayghwayamwa bariinyeagaaschi, ak ea miigwanung'usa heeda saawa.

NYIIGHEEGA 106:8

Ng'ata gwalealu saawa aba gheawungaaschi, ak abeeda ghwanung' eanal uurdaanyi haw.

NYIIGHEEGA 94:14

Aba gideaba NG'UTAMIIDA maygwahista fugaaschi; ak ea mayghwanung'wa heeda hearaniischoadaanyi;

RITEAYDA 32:12

Inyas ginung' goosha, gaygwayi fuga Misri, ‘Gooruuta gwasima ng'asheanda muy ak gwanuus saawa aba uhuuda giijeeda, ak ghwanung', goosha ghang'amwa badayda ng'eanyiida’? Eaniyean yamwa nyarastaang'u ng'waan ak ginung'waadi ng'asheanji muyiin aba badayda fugaagu.

ISAYA 37:35

Aba gideaba gaydafur mujiineani, daaghu aba badaydeanyu, ea aba badayda Dawdi was siideanyu bea gadiyeeda.”

ISAYA 41:17

Damanda gaseewa beega fuga barbari ea gea mandeawana gil, ak ea mwanyasa, ak ea nijeama ng'ushapkeaka nyaawa aba muwooshta aniini geawooschi NG'UTAMIIDA gaydasha ghuusiga nyaawa, aniini geawooschi ASEETA Israeli maydanung'wa heeda saawa.

ISAYA 42:16

Gaydeadu fuga ng'oowi aba naweeda mwanala saawa, ak gaydaadoabiiw nea mwanala naweeda sik, ak gaydanung' ghoah misaneeda weeshinda aba madeanyaawa nea ng'eanyiida heeda mida burguutka gaydanung' ghoah miyng'eanyajeanda ghwadoabiiw Nih gichea dasin gil, nea saawa ea maydanung'wa heeda.

ISAYA 43:25

“Asi aniini geawooschi ASEETA samiisa riing'eagaagu, ak geasinyi nih aba gideaba geabaysi nea geabwaageaw, ak ea maygudu daapkaat riing'eagaagu.

ISAYA 43:7

giliwas sih siguursiina gheawungeasu nea ghayi ghaabwachi aba giigheambiiteanyu geasinyi aniini, huumwa gil geasinyi aniini.”

ISAYA 48:11

Geasinyi ng'asheanji nea gabwageaw, ghwasaan iijea eefool gheawungeasu? Giigheambiiteanyu maydaadaw siinuut.

ISAYA 49:15

“Heapi gatmooda ghoamu gwaroosa jeaptaanyi duu gwareeri? Ak ea mayghabwayda dea jihi? Asaha, saawa gayghoamu gwaroosa, ak aniini ea maygwaroosean.

ISAYA 63:8

Aba gideaba gwayi aba huumwa suh fugeasu gil, orjooga meaka gheanyanga buuneeda; ak gaydoaw lealnoocheanda nyaawa.

YEREMIYA 14:21

Adiidu gijaktaneasa, aba mureeda gheawungaagu adiidu gifooli hoorgeadaang'u bea gheambalmeeda mideawa gharbeeda; apkaada neajeadaang'u ghayi iheeleesi sea aseasa nea adiidu ginyarji.

YEREMIYA 14:7

“Earapeadi ramaseanyeeka muuwu aba badahuukaasa, Yamni geaw, Ea NG'UTAMIIDA, aba bariinyeagaagu aba gideaba ramaseanyeekaasa aasaang'a muuchi, Nea ea sisinneey riing'eeda.

YEREMIYA 14:9

Ghwasaan anda guwuurjeewi siida niroat uhuuda guwuurjeewi siida daruus moamu gwalagu gheeda? Nea ang'iing'i, Ea NG'UTAMIIDA, gindi bugusteanya nea geeguuruuneasa aba gheawungaagu; adinung'useasa heeda.”

HEAREEGA 5:20

Ghwasaan anda mudapkaadeasa ea ghoah damanda manda muudeanooda, ghwasaan anda ginung'useasa heeda ea ghoah gidageaw?

ESEKIELI 20:14

Ak geasinyi ng'asheanji aba gheawungeasu, aba gideaba ea meang'udana ririnnyeanda aba madeeda eemoojiga, ghayi earuudu aba madeeda nyaawa.

ESEKIELI 20:9

Ak geasinyi ng'asheanji aba gheawungeasu, aba gideaba ea meang'udana ririnnyeanda aba madeeda eemoojiga ghayi mideayi sea saawa ghayi eahiimsi geaw saawa ak gearuuni ng'eanyiida Misri.

MALAKI 1:2

“Aniini ghaabwariinyeegwa,” Gwarugu NG'UTAMIIDA. Ak gooyeenyi agooga, “Gibwariiydaneasaan?” “Neada Esawu ea mii orjeeda geenyea Yakobohi?” Gwarugu NG'UTAMIIDA. “Iidu ghaabwariinyi Yakobo,

Mattayo 11:26

ea Bwaabwa nih gweagu gideaba gidubwariiydi, ang'iing'i gil.

Yohaana 15:16

Aniini moaloadaan agooga, ghaaloacheagwa aniini ak ghaanung' aweayeena ak goojiili haghweega jea ghwashng'u; ak abeeda gagooneegwa Bwaabwa gida wassean iyoomuschi aba gheawungeasu.

Ruumi 11:1

Asi gaydaanyaashta, Heapi! ASEETA niheawa buuneadaanyi? Manda! Aba gideaba eara aniini geawooschi siida Israeli, was siyagi aba jeeda jeata Abrahamu, was siida dooshta Benjamini.

Ruumi 11:29

Haleanjeeda sigu ea guurnooda moamu ghwayamwa.

1 Goriinto 4:7

Ghwadaa ng'eaha gida wasean sajaadawaat aba jeedeang'wa? Ak goondeawi naaha ghayi moanyasi? Ama ghayi oanyaschi, ghwasaan inyas ghoaghwarji geat ea gawuurji gili meegooneegwa?

Efeeso 1:12

aseaseeda ghayi sibean earara Gristo aba mwadi siitoobiiweasa ak geegeaneasa eepiidana nea geeduumsheesi giigheambiitaanyi.

Efeeso 1:6

aba duumsheesiinda giigheambiita dagheerjeanduumeeda gooneasa mwadaagha aba naweeda Orjeedaanyi bwariiy.

GIIPKEATA DIIGHEANDA 14:2

Aba gideaba agooga goowooschi fuga ghaydidi aba heeda NG'UTAMIIDA was ASEETEANG'WA, nea NG'UTAMIIDA ea nigwalneegwa ahuwa fugaaschi jea goombaliischi aba bugusta eemoojiga sean mida badayda ng'eanyiida.

GIIPKEATA DIIGHEANDA 31:17

Ak eaweecheanji gaydanyareas aba badahuuka nyaawa, ak gaydanung'wa heeda, ak gaydafuy gheamamdeanyu aba heanyaawa ak gajeayaak nea ghwanyas ng'asheega munyas saang'a ak gajeeyi, hean eaweecheanji gajeeyi, ‘Ng'asheesu munyasiin geanyaschi aba gideaba ASEETA manda jeedeanya?’

GIIPKEATA DIIGHEANDA 31:6

Adaruusiita nea goobea gurooruunatka meanyi, adaghang'udeagwa giyoonda nea adoawali saawa; aba gideaba NG'UTAMIIDA was ASEATAANG'U niny dea iideayeewi gil, mayghoashoanyaneey nea maygwanung'seey heeda.”

GIIPKEATA DIIGHEANDA 31:8

NG'UTAMIIDA niny gaygoosheedeaweey ak gajandeayeena, mayghoashoanyaneey nea maygwanung'seey heeda, adibeali nea adihirbabani.”

GIIPKEATA DIIGHEANDA 7:6

“Aba gideaba agooga goowooschi eemeeda NG'UTAMIIDA was ASEETA: NG'UTAMIIDA was ASEETA nighwaleagwa ahuwa fugaaschi jea gwahearaniischi, mida bugusta eemoojiga mida badayda ng'eanyiida.

GIIPKEATA DIIGHEANDA 9:5

Nea mii doobiiwnataang'u gil ghanea doobiiwnata gurooroadaang'u gil gideaba ghamneawa gajuna jeeda ng'eanyiida nyaawa ak giimbaliischi, gweagu ramaseanyeeka eemoojisu abeeda NG'UTAMIIDA was ASEATAANG'U hean gwariteawa madeadaang'u, ak ghoahang'waay ng'asheanda abeeda aksa NG'UTAMIIDA habeawooda ghweanigeagwa was Abrahamu, ea Isaka ea Yakobo.

Filippi 1:6

Ak geasikteawi siidida ang'eat gadiyeeda miy aba jeedeang'wean gayghoahiit aba eaweeda Yesu Gristo.

Ebraniya 13:5

Ak giheeleewi eaweagaagu bariinyeega lapiya, ak gagasa ghoahiinyi gida indeawi aba gideaba gwayi, “Aniini manda gichea daraay ghana danung'useey heeda.”

YOSHUWA 7:9

Aba gideaba fuga Ganaani ea fuga sean bea ng'eanyiida gayghwayiiy iidi, ak gaygwaneaweeseasa, ak gayghwasach gheawungaasa aba jeeda ng'eanyiida; ak gaysina naaha aba hawunda gheawungaagu?”

1 Betro 2:9

Nea agooga goowooschi eemeeda siloat, ashoohoocheanduumeeda ambaliischi, eemeeda ghaydidi, was fuga ASEETA, ak abeeda goorukwiidi sinaweagaaschi deamdeameadi was dea guurneegwa arinana jeeda misaneeda ak gooweayi jeeda weeshindaanyi haw.