1 SAMWELI 12:21 - Bibliyeeda Ghaydit

²¹ ak ea adooyamsi geat haleanjeeda mwadaagha mwoamu gwanyakneegwa gil ghana gwalealneegwa, aba gideaba haleanjeeda mwadaagha.

1 SAMWELI 12:21 Mawu Ofanana

2 SUGOODIGA 17:15

Nea geaheawa huumeanyeakaaschi, ea neajeadaanyi ghayi sin sea ghweaniga nyaawa; nea maduupa eara, rukusiinda siitaw saawa. Ak geabwat sanaamajeega ng'uyeega, ak ghoah fuga ng'uyeega, nea ghwaat geeshta eemoojiga neaweesa saawa, ghayi rukusa NG'UTAMIIDA gideaba adagwasinda giduurji saawa.

ISAYA 41:29

Ng'ula, aseecheeka seaniin gaba reengaweega; manda gida jea ghoamu gwasin; sanaamu ak ea ng'arng'ari ak ea mandeawana uurjeenga.

ISAYA 45:20

“Abwada geat nea goobea geat ak ghoapkaanyi aneekiida nea gooteanyi, agoogeeda ghayi siipuudeagwa bea eemoojiga! Was gea mandeawana fughareenga sareeni geeta was sanaamu, inyeesa ghamwaash ASEETA maygwalealu fih

ISAYA 46:7

Sanaamu inyeesa geesareena gheatkweaka nyaawa, amahit geamiinda aba heeda gasa saawa; ak gaygoobiita hiji nea maygoosiipteawa earahay hiji midean. Nea iisiiyeawusa ea mayghwasha ghuuta siida, nea mayghoamu ghaweat siida aba jeeda sawanadeadaanyi.

YEREMIYA 10:15

Nea ea mandeawana sheayeeda, duguuga budeayda gil, nea damanda jea eayaaga ghoorjooda gaygoosha sean.

YEREMIYA 10:8

Saawa ea dasheahi nea gwanya fughareani inyas geanal aba sanaamajeega sisna geediga.

YEREMIYA 14:22

Aba jeeda aseecheeka ng'uyeega bea eemoojiga, gwanda gea jea ghoamu gweadu roopta? Nea eara humng'eeda ghoamu ghwahiing'u shishiyda? Heapi ang'iing'i, Ea NG'UTAMIIDA ea muwoosi ASEETEANYA? Aseasa geedukuseeyi aba gideaba ang'iing'i gisinayi haleanjeeni seaniini.

YEREMIYA 16:19

Ea NG'UTAMIIDA, ang'iing'i guwoosi uurdeanyu ea hilgweandeanyu, heechea damng'awsa damanda sawanadeeda, gayghapka headaang'u eemoojiga sean gayghapka meadajeega sean bea ng'eanyiida ak gaygwayi: “Ghweanigaasa mahearana eara gil geaghus ng'uyeega, haleanjeeda mwadaagha marachi gil.

YEREMIYA 2:13

aba gideaba fugeasu nisin riing'ooji iyeenya: ninung'wanaan heeda, aniineeda was eenda mideawa beega eaweega, ak gagurgursa geat healatka, healatka seaweadi jeesin moamu goodiiw beega.

YEREMIYA 2:5

Gwayi NG'UTAMIIDA: “Ghweanigeagwa ghwadaah munyinda naaha aba heedeanyu bwak ea ghang'amwa heedeanyuun? ak ghwaat geeshta haleanjeeda marachi gil, ak hean eara saawa ghoah fuga marachi gil

YONA 2:8

Fuga bada sanaamajeega ninung'waada bariinyeega nyaawa bea huumwa aba headaang'u.

YONA 2:9

Nea aniini aba ghuuta haleanjeeda badiischooda gaydagoonyi lukghumajeega; gida ghayi eayeaksi habeawooda gaydagoonyi. Lealeanooda gwaleabu heeda NG'UTAMIIDA!”

HABAKUKI 2:18

Sanaamu gwarachi naaha nea siida sin gang'oora, gida sisna gharinyeanda, was giinealshoocheanda ng'uyeega? Neada siida sin gayghwayiin gidida siniin damanda sina haleanjeeda mawoosa aseecheeka mabaloola!

Gadiyeeda Giijasoodiga 14:15

Nea geeyi, “Buuneeda, ghwasaan anda goosinyi ng'asheesu? Aseasa geawooschi buuneeda mideawa searoojiga uurjeewaneegwa, ak geapkaanyi eerukuneegwa giijasta miy, ak ghoanung'waadi haleanjeeni bea mwadaaghaan, ak gooyamsi geat ASEETA majeek ghayi bwat humng'eeda ea ng'eanyiida ea basooda ea haleanjeeda sean mida jeeda.

1 Goriinto 8:4

Hean aba iita agita hamita siitaw sanaamu, geanali gideaba, “sanaamu mayghwashng'u,” ea gideaba “manda ASEETA nuut geaghus akaleala.”

GIIPKEATA DIIGHEANDA 11:16

Asi afura geat adiidu gwareenganeegwa gurooruunatkeagwa, ak ghoayamnyi geat ak ghoaghadoawanyi aseecheeka suuk nea ghoabwachi,

GIIPKEATA DIIGHEANDA 30:17

Ak inyas ghwayam geaw gurooroadaang'u, ak ea miyiing'sheeni, nea guwi bwada aseecheeka suuk, nea gigadiyeesi saawa,

GIIPKEATA DIIGHEANDA 32:21

Sing'udanaan lachng'eanyiida aba gida mii aseeta; niinyareasan aba sanaamooda nyaawa. Ak gaydang'uda saawa lachng'eanyiida aba gea mawoosa buuneeda, ak gaydaanyareas saawa sea eemoojiga dasheahi.