1 SAMWELI 12:12 - Bibliyeeda Ghaydit

¹² Ama oadaayi Nahashi was sugoocheanda Amoni nea ghwaan ang'ucheewana, gooyeeshiinean, ‘Manda, gayghoahaaghwaneasa sugoocheanda,’ nea NG'UTAMIIDA was ASEETEANG'WA ea sugoocheandeang'wa.

1 SAMWELI 12:12 Mawu Ofanana

GIING'EETA 17:7

Ak gaydasin neajeedeanyu sea jeacheangaagu galanya aba seaygoojiga nyaawa aba neajeeda maygamuudean, ak gaydoaw ASEETA aba headaang'u ea aba jeacheangaagu.

NYIIGHEEGA 74:12

Nea ASEETA ea sugoocheandeanyu ghang'eada garayi, sina ng'asheega lealeanooda aba jeeda ng'eanyiida.

ISAYA 33:22

Aba gideaba NG'UTAMIIDA dea jea gooheeleeweasa gil, NG'UTAMIIDA dea ambaleasa gil NG'UTAMIIDA sugoocheandeanya gil, ak gaygwalealneasa.

YEREMIYA 40:11

Iidu nea ghwayiiy fuga sean bea Yahudi mida Moabu ea gea mida bugusta orjooga Amoni, ea gea mida Edomu, ea gea mida jeeda ng'eanyiisean, gideaba sugoocheanda Babeli ninung'wa heeda Yuda gheaptanga, ak Gedaliya orjeeda Ahikamu orjeeda Shafani ea niidaw hawunda jea goombal saawa.

HOSEYA 13:10

Gwanda yeenu ghamneawa sugoocheandeang'wa jea ghaweanyi; gwanda yeenu fugeagwa hees sean jea gafureegwa– gea ghayi ooyeenyi, “Goonean sugoocheanda ea fuga hees”?

IITOODA 23:21

Niny mang'ula ng'asheega munyas bea Yakobo, ghana ghwadaah daghoosta aba Israeli. NG'UTAMIIDA was ASEATAANYI, gwandeayi sea niny, nea nyeashta haw bea sugoocheanda gwanda bugusta nyaawa.

FUGA LAJA GIRGWEAGUUTKA 8:23

Gwayeesha Gideoni saawa, “Aniini maydaahaaghwaneegwa ghana orjeedeanyu; agooga gayghoahaaghwaneegwa NG'UTAMIIDA.”

FUGA LAJA GIRGWEAGUUTKA 9:18

ak agooga ghamneawa ea noong'eesi gheeda bwaabwa, ak ghoabwarji orjoagaaschi, ea fih laadam ea damanamughuush aba uhuumba lagheaneanagi, ak ghamneawa ea noombiichi Abimeleki orjeeda gwealeadaanyi ghoah sugoocheanda jea ghoahaaghwa fuga Shekemu, aba gideaba niny orjeeda giyeang'wa gil,

1 SAMWELI 10:19

Amadu askweareani ea noofooli ASEETEANG'WA, ghayi lealnaneegwa habitkwajeegeagwa sean ea sawanaduutka; ak gooyeenyi agooga, ‘Manda! Ambiineasa sugoocheanda.’ Asi ghamneawa ayaada geat heeda NG'UTAMIIDA aba dooshingeagwa ea geengeagwa.”

1 SAMWELI 8:3

Iidu orjoagaaschi ea mwaada geeshta ghwaan, ak ghwayam geat gagasa lapiya; iissa geeseawa nea gahuta gitoabiiw.