1 SAMWELI 11:11 - Bibliyeeda Ghaydit

¹¹ Eaweedida ghabwaashaada Sawli buuneeda ak ghwanung' ghoah geenga samwagu; iimuchu sakteayda duw gang'eesa museasooda, ak ghabwar fuga Amoni ea ghang'waaniit daknooda; ak fuga ghuh ghwadarda, ea eamudu gwandeayi fih iyeenya.

1 SAMWELI 11:11 Mawu Ofanana

GIING'EETA 22:14

Hean gang'asa Abrahamu hoowa gheawunga siyi gaygwanyagu NG'UTAMIIDA; ak ghoah gissiguura ea ghoah ghamneawa, “Aba uhuuda giijeeda NG'UTAMIIDA gajeenyagu.”

2 SAMWELI 18:2

Ak ghwanung' Dawdi gaweay lugooda, nea nibwaash geenga ghoah samwagu, geahagi goombal shirikarajeanda haw siguura Yoabu, nea geedeaba iyeenya goombal shirikarajeanda haw siguura Abishayi was orjeeda Seruya, was orjeeda geenyea Yoabu, nea geedeaba samwagu ghwanung' goombal shirikarajeanda siguura Itayi bea eemeeda Giti. Ak gwayeesha sugoocheanda buuneeda, “Eara aniini gajeeteayeena sea agooga.”

NYIIGHEEGA 46:1

ASEETA aba heedeanya dea simng'awiisi gil ea uurda, niny musanyeanda niny weeteanya bea galeagasean aba damanda sawanadeeda.

RITEAYDA 14:24

Muchu sakteayda ghoang'wearna NG'UTAMIIDA jeeda daraneedida bea beastean ea shamooghooda ak goong'weersa ng'eanyi ghwadaah shirikareeda fuga Misri, ak ghwanung' ghang'ut hirbabandeeda shirikareeda fuga Misri,

Mattayo 7:2

Aba gideaba gidoorgweakiisiindi buuneeda, abeeda gajeergweaksiinduneegwa agooga, ak gidooteeniidi agooga eara agooga gajeeteeneegwa.

Yakkobo 2:13

Aba gideaba girgweaksiinda mayghabwayda siida mandeawana baydeayda; asi baydeayda iissa ghwajoar girgweageeda.

FUGA LAJA GIRGWEAGUUTKA 1:7

Hean gwayi Adoni-beseki, “Sugoodi laadam ea damanamughuush ghayi silajaada geatinga nyaawa ea mooringa hees inyeesa gooliim hamichoojiga aba uuta measeedeanyu: gawuurji gideasinyi, ak ghamneawa ea niwaldaawaan ASEETA.” Ng'ata geeyeadu niny Yerusalemu, ak gameewsa hoowa.

FUGA LAJA GIRGWEAGUUTKA 4:16

Hean ghwaat Baraka geeshta mutukwajeega ea lugooda ea ghwahita Haroshet-hagoyimu, ak lugooda sean bea Sisera gahuuyda ng'aniipnata ng'utkeaka, nea manda siisi siipuut.

FUGA LAJA GIRGWEAGUUTKA 7:16

Ng'ata ghwalach fugiga was bughalaji samwaguun ghoah geen samwagu, ak gaba siisi siyiin durumbeati geatindaanyi ea sirbiida manda beega, ea beascheeka siyiin jeesinga sirbajeega.

FUGA LAJA GIRGWEAGUUTKA 7:20

Ghaghuut durumbeati lugweegiga asamwaguun, ak gwanyarjeawi sirbajeega, ng'ata ghoang'waanyaada gheaboonyanga aba geatinda ghaadaam nea ghaghuut durumbeati nea ghoang'waanya geatinda dugwa, nea gwayeena, “Ng'uta NG'UTAMIIDA ea dea Gideoni!”

FUGA LAJA GIRGWEAGUUTKA 9:43

Ng'ata gageanu fugaaschi, ak ghaghwal ghoah lugwi samwagu, ak gwasham fuga mida madameega; ak ghwadaah, ging'ulayi buuneeda gwarina jeeda mujiini; ak ghang'eat gang'uchi sea saawa, ak ghwajoar.

1 SAMWELI 11:2

Ng'ata gwayeesha Nahasheeda Amoni saawa, “Aba ng'asheanji gaydasin duupcheeda sea agooga, ak gaydalootiida gheanyangeagwa sean bea geatinga dugwa, ak ghaanung' ghabwaspwas fuga sean bea Israeli.”

1 SAMWELI 14:47

Iimuchu nea niing'waay Sawli sugoocheanduumeeda ng'eanyiida Israeli, gang'uchi sea weajoodigaaschi sean aba meadajeega sean, ak gang'uchi fuga Moabu, ak gang'uchi fuga Amoni, ea fuga Edomu, ak gang'uchi sugoodiga Soba, ea fuga Filisti; nea heeda ng'ucheesa sean gwajooriischi.