1 SAMWELI 11:1 - Bibliyeeda Ghaydit

¹ Muchu gawa Nahashi bea eemeeda Amoni ak ghwascheang'da ak ghoang'waay Yabesh-gileyadi; ak gwayeesha gwayi fuga sean bea Yabeshi Nahashi, “Eesina duupcheeda sea agooga, ak gajeegadiyeeseegwa.”

1 SAMWELI 11:1 Mawu Ofanana

GIING'EETA 26:28

Gwayeesha saawa, “Aseasa sidaayi muuchi gideaba ang'iing'i gindeawi NG'UTAMIIDA; ak geeyeenyi, gidabal gwanda dageascheedeanya hiing'weanda, asi eesina neajeeda sea agooga,

2 SAMWELI 10:1

Iimuchu nea ghang'ata ng'asheesu ghami sugoocheanda Amoni, ak ghoang'waay gheambalmeeda orjeedaanyi siguura Hanuni.

2 SAMWELI 10:2

Ak gwayi Dawdi, “Aniini gaydasissa mureeda Hanuni orjeeda Nahashi, gawuurji gidaghayi sinda ghwaan mureeda aba heedeanyu.” Hean goojeakta Dawdi fugaaschi bea gadiyeeda gageandeawa salgheang'da aba badayda ghwaan. Ak ghapka fuga gadiyeeda Dawdi jeeda ng'eanyiida fuga Amoni.

2 SAMWELI 17:27

Iimuchu nea ghwahita Dawdi Mahanaimu, ghapka roonyeeda Shoebi was orjeeda Nahashi, leabu mujiineeda Raba mida ng'eanyiida Amoni, sea Makiri orjeeda Amieli leabu Lodebari, sea Barsilayi, leabu Rogelimu mida ng'eanyiida Gileyadi.

2 SAMWELI 2:5

Ng'ata goojeakta Dawdi giijasoodiga heeda fuga ng'eanyiida Yabesh-gileyadi nea gwayeesha, “Gagasa gagooneegwa NG'UTAMIIDA ghawooda, aba gideaba noosisi sugoocheandeang'wa ng'asheega miyaas, nea Sawli gil ak goobunyi.

1 SUGOODIGA 20:34

Hean gwayeesha Ben-hadadi, “Mujiinajeega ghayi geanda bwaabwa aba heeda gweanu gaydaaghuumu; ak gaysisiina geaw gealga sisheahiideawa haleanjeeda aba Dameski, gawuurji gidasinda bwaabwa aba Samariya.” Ng'ata gwayeesha Ahabu, “Abeeda gaydasikseey aba neajeeni” Hean gwaneaji sea niny ak ghwanung' gawa.

1 DAMANYOOJIGA 10:11

Hean nea ghwayiiy buuneesean mida Yabesh-gileyadi ng'asheega sean sima Sawli,

1 DAMANYOOJIGA 10:12

ghang'eatng'eat buuneesean meanyi, ak gageanda musta Sawli ea muscheeka orjoagaaschi, ak gweadu Yabeshi. Ak gabung'sa geaka nyaawa guumda sawacheanda aba Yabeshi, ak gooluulda geat eawooji ispwa.

AYUBU 41:4

Ak gaygwasin neajeeda sea ang'iing'i, geanda nung' ghoah siidaang'u bea gadiyeeda damanda manda muudeanooda?

RITEAYDA 23:32

Adisini neajeeda sea saawa, ghana aseecheeka nyaawa.

ISAYA 36:16

Adooleeysiit Hesekiya, aba gideaba gwayi sugoocheanda Ashuru, “Abeaha hoyyoo aba heedeanyu, ak goomang'awu apkaana heedeanyu. Abeeda gaygaba siisi ak haghweega sabiiboadaanyi ea haghweega meaghayeandaanyi, nea gaba siisi leah beega healadeadaanyi.

YEREMIYA 40:11

Iidu nea ghwayiiy fuga sean bea Yahudi mida Moabu ea gea mida bugusta orjooga Amoni, ea gea mida Edomu, ea gea mida jeeda ng'eanyiisean, gideaba sugoocheanda Babeli ninung'wa heeda Yuda gheaptanga, ak Gedaliya orjeeda Ahikamu orjeeda Shafani ea niidaw hawunda jea goombal saawa.

YEREMIYA 40:14

“Heapi gindeawi iita gideaba Baali was sugoocheanda fuga Amoni niijeagu Shumwaheeli orjeeda Netaniya gwanuusnyi?” Ak Gedaliya orjeeda Ahikamu ea mamwasa ng'asheega nyaawa.

ESEKIELI 17:13

Ama ng'ata gageanu fiisu ng'ay bea jeata sugoocheanda. Ak gawa neajeeda sea niny ak gweaksa habeawooda ak gageanda fuga mideawa uurjeenga bea ng'eanyiita.

GIIPKEATA DIIGHEANDA 23:3

“Manda siida Amoni ghana siida Moabu jea gawa jeeda fuga bwatgeat bea NG'UTAMIIDA; eara ghwahita seaygeedeaba damanamughuush manda aba jeenyaawa jea gawa jeeda fuga bwatgeat bea NG'UTAMIIDA ea ghoah damanda manda muudeanooda;

FUGA LAJA GIRGWEAGUUTKA 10:7

Gwayeesa nyarasta NG'UTAMIIDA heeda fuga Israeli, ak ghwayiin geatinga fuga Filisti, ea geatinga orjooga Amoni.

FUGA LAJA GIRGWEAGUUTKA 11:4

Iidu gang'uchi fuga Amoni sea Israeli.

FUGA LAJA GIRGWEAGUUTKA 21:8

Ng'ata gwayi, “Aneeda gil aba jeeda eemoojiga Israeli dea miighoan madeeda NG'UTAMIIDA aba Mispa?” Ng'ula miighoan akaleala jeeda museasooda leabu Yabesh-gileyadi, ghwahidu heeda guuyeeda.

1 SAMWELI 12:12

Ama oadaayi Nahashi was sugoocheanda Amoni nea ghwaan ang'ucheewana, gooyeeshiinean, ‘Manda, gayghoahaaghwaneasa sugoocheanda,’ nea NG'UTAMIIDA was ASEETEANG'WA ea sugoocheandeang'wa.

1 SAMWELI 14:47

Iimuchu nea niing'waay Sawli sugoocheanduumeeda ng'eanyiida Israeli, gang'uchi sea weajoodigaaschi sean aba meadajeega sean, ak gang'uchi fuga Moabu, ak gang'uchi fuga Amoni, ea fuga Edomu, ak gang'uchi sugoodiga Soba, ea fuga Filisti; nea heeda ng'ucheesa sean gwajooriischi.