1 SAMWELI 10:22 - Bibliyeeda Ghaydit

²² Iidu geebiikta eegasa aba heeda NG'UTAMIIDA, “Gudugwanda sih nuudi?” Gwayeesha NG'UTAMIIDA, “Ng'ula, ghafuy geaw aba jeeda dabita.”

1 SAMWELI 10:22 Mawu Ofanana

GIING'EETA 25:22

Iidu gang'uchi saleahooga mida jih; ak gwayi, “Asi iisunu, ghwasaan inyas gwasunu ng'asheesu aba heedeanyu?” Hean gawa ak ghamwaash NG'UTAMIIDA.

2 SAMWELI 2:1

Iimuchu nea ghang'ata ng'asheesu seaniin, ghoanyaash Dawdi NG'UTAMIIDA, gideaba, “Gaydaweesa mujiineeda wassean bea Yuda daang'waay?” Gwayeesha NG'UTAMIIDA, “Asaha una.” Ghwalamda Dawdi ak gwayeesha, “Gaydaang'waay aneeda?” Gwayeesha NG'UTAMIIDA, “Hebroni.”

2 SAMWELI 21:1

Iimuchu ghang'eat geejeeda gweanyeew samwagu aba damanda Dawdi, iing'ata gweanyi ak ghwahidu gweanyi; ak ghamwaash Dawdi NG'UTAMIIDA, “Sawli ea fugeaba gheanyi gaba riing'a niihiida foojeanda, aba gideaba nibwar fuga Gibeoni.”

IITOODA 27:21

Ak gayghamiinaada aba madeeda Eliyasari was ashoohoocheanda, ak gaygwarukusa niny gideagasayi nea gwarukusiina Urimu ea Dumimu aba madeeda NG'UTAMIIDA; ak aba ng'asheandaanyi gaygwarita, nea aba ng'asheandaanyi gayghapka ghoah; niny sea fuga sean bea Israeli, sea girgweageeda sean.”

Lukka 14:11

Aba gideaba siisi nyooh goodiing'u geaw gajeahiing'u nea dea hiing'u geaw gajeetiing'u.”

FUGA LAJA GIRGWEAGUUTKA 1:1

Iing'ata miyeeda Yoshuwa goobearsa fuga Israeli NG'UTAMIIDA, “Gaygoosheeda ng'eaha gwadiyeada aba badaydeanya gaweay heeda fuga Ganaani, gang'uchi sea saawa?”

FUGA LAJA GIRGWEAGUUTKA 20:18

Ng'ata ghang'eatng'eat fuga Israeli, ak gaweay Beteli, ak ghamwaash ghoabwaarda aba heeda ASEETA; ak gwayeesha, “Gaygoosheeda ng'eaha aba heedeanya gawa ng'ucheeda aba badayda fuga Benjamini?” Hean gwayeesha NG'UTAMIIDA, “Gaygoosheeda Yuda.”

FUGA LAJA GIRGWEAGUUTKA 20:23

Hean gwadiyeada fuga Israeli ak gooyeawdi aba madeeda NG'UTAMIIDA ea ghoah shing'ada, ak goobearsa NG'UTAMIIDA nea gwayeesha, “Gaydawa dariikghta dang'uchi sea Benjamini was orjeeda giyeanya?” Ak gwayeesha NG'UTAMIIDA, “Asi aweayeena ang'ucheewana.”

FUGA LAJA GIRGWEAGUUTKA 20:28

ak Finehasi, was orjeeda Eliyasari bea Haruni, abeeda gamiineadayi aba madeeda sandakweani eawoojigiga), ak gwayi, “Gaydawa gicha dang'uchi sea Benjamini was orjeeda giyeanya, ghana jea danung'waada?” Gwayeesha NG'UTAMIIDA, “Asi adiyeada, aba gideaba numuji gaydayiin geatingaagu.”

1 SAMWELI 10:21

Hean gweadu dooshta Benjamini sea fugaaschi gwaneekiit, ea fuga gheeh Matri siloat; iidu aba huuydeanda gweadu fuga gheeh Matri gwaneekiit nea gapkeana agi, ak gealoat Sawli was orjeeda Gishi. Iidu nea geegasa niny, ea meanyasa.

1 SAMWELI 14:37

Ak ghoanyaash Sawli ASEETA, “Gaydararang'aada daat geeshta fuga Filisti? Gajiina saawa geatinga fuga Israeli?” Ak ea mwasha niny ghuuta eaweedida.

1 SAMWELI 15:17

Gwayeesha Samweli, “Earapeadi uwoosi mwanang' aba madeeda gheanyangaaguun, neada ang'iing'i ea muwoosi siida haw aba jeeda eemeeda Israeli? Ang'iing'i ghoamwaarnyi NG'UTAMIIDA huwa sugoocheanda jea goombal Israeli.

1 SAMWELI 22:10

ak gamus NG'UTAMIIDA aba badaydaanyi, ak ghoadaw hamichoojiga, ak ghoadaw ng'uta Goliyati was siida Filisti.”

1 SAMWELI 23:9

Hean gwajeeng'u Dawdi gideaba Sawli gabada ng'asheega munyas aba badaydaanyi; ng'ata gwayeesha Abiyatari was ashoohoocheanda, “Eani hiji hang'da siratiisa hamarjoojiga ashoohoocheanda.”

1 SAMWELI 30:7

Hean gwayeesha Dawdi Abiyatari was ashoohoocheanda, was orjeeda Ahimeleki, “Eanean hang'da jea deakwealsa hamarjoojiga.” Ak gweadu Abiyatari hang'da jea eekwealsa hamarjoojiga ashoohoocheanda heeda Dawdi.

1 SAMWELI 30:8

Ak ghoanyaash Dawdi NG'UTAMIIDA, gideaba “Gaydamaseaw lugoodida? Gaydaradu?” Ak ghwasha nea gwayeesha niny, “Maseawa; aba gideaba huumwa gayrani ak gajareada sean.”

1 SAMWELI 9:21

Ghwasha Sawli nea gwayeesha, “Neada aniini ea meawoosi siida dooshta Benjamini, mwanang' aba jeeda dooshinga Israeli? Nea fugeasu ea mii manang'eewa buuneesean bea dooshta Benjamini? Ghwasaan abeeda inyas goorukunean ng'asheesu?”