1 SAMWELI 1:3 - Bibliyeeda Ghaydit

³ Iissa gwascheeng'iida siisi gilakweay nea gabeewa mujiineadaanyi gawa ghadooweeda nea ghoadaw lukghumeeda NG'UTAMIIDA bea lugweega aba Shilo, nea abeeda orju iyeenya bea Eli, was Hofni ea Finehasi ea ashoohoodiga NG'UTAMIIDA.

1 SAMWELI 1:3 Mawu Ofanana

NYIIGHEEGA 78:60

Ng'ata gwanung'usa heeda giibindaanyi aba Shilo, was giibindaanyi abiita aba bugusta buuneeda.

RITEAYDA 23:14

“Gaysinnean ghweelmeeda niba samwagu aba jeeda gweayda.

RITEAYDA 23:17

Fugaagu was headiga gaygaweay madeeda NG'UTAMIIDA was ASEETA niba samwagu aba jeeda gweayda.

RITEAYDA 34:23

Aba jeeda gweayda headigaagu gaygaweay niba samwagu madeeda NG'UTAMIIDA was ASEETA, was ASEETA Israeli.

Lukka 2:41

Nea Ghwaan ea ghaamwat gabadiini gilakweay Yerusalemu aba damanda ghweelmeeda Basaaka.

GIIPKEATA DIIGHEANDA 16:16

“Niba samwagu aba jeeda gweayda gayghapka headiga sean madeeda NG'UTAMIIDA was ASEATAANG'U was heeda jea ghwaloat niny, aba ghweelmeeda mukaatajeega meematawiita ea ghweelmeeda lajita booga ea ghweelmeeda udahabeaschajeega. Adiidu ghapka madeeda NG'UTAMIIDA nea ghaghus geatinga;

YOSHUWA 18:1

Hean ghabwat geat fuga sean bea Israeli aba ng'eanyiida Shilo, ak geamiinda maheemajeanda siroondooscheesa aba hoowa; nea abeeda ea nijoar fuga Israeli fugeaba ng'eanyiita.

FUGA LAJA GIRGWEAGUUTKA 18:31

Hean geemiinda sanaamu ghayi sin Mika damanda sean gheata mideawa gheeda sibata ASEETA aba Shilo.

FUGA LAJA GIRGWEAGUUTKA 21:19

Ng'ata gwayeesha, “Ang'ula gwanda ghweelmeeda NG'UTAMIIDA gilakweayi aba Shilo, mida meatkweeda wiilooda ng'eanyiida ghayeawa bea Beteli, meatkweeda ghayeawa bea naweeda bwara ng'eada Beteli ea gagul Shekemu, nea ea wiilooda ng'eanyiida biyeara bea Lebona.”

1 SAMWELI 1:21

Iimuchu ghang'eat siida siguura Elikana sea fugeaba gheanyi sean ak ghwascheang'da gaweay heeda NG'UTAMIIDA ghoadayda lukghumeeda, nea ghoadayda eara aba badayda habeawooda ghayi ak.

1 SAMWELI 1:9

Iing'ata agiischooda ea leeshooda aba Shilo, ghang'eat Hana. Abeeda Eliheeda was ashoohoocheanda goopteada aba hoorgeeda mida murdeeda ghamarjeanda gidaghuuta gheeda sibata ASEETA was NG'UTAMIIDA.

1 SAMWELI 14:3

Nea Ahiya orjeeda Ahitubu, was orjeeda geenyea Ikabodi, was orjeeda Finehasi, was orjeeda Eli, was ashoohoocheanda NG'UTAMIIDA aba Shilo, abeeda gookweali eefoodi. Abeeda buuneeda mwanala gideaba Yonatan nuwa.

1 SAMWELI 2:19

Nea iissa ghaamwat gwasissa niny hang'da mwanang' gul ng'eanyi gilakweay ak gweasa, damanda siyeang'daawa sea siyeadaanyi ghoadayda lukghumeeda giliwas gweay.

1 SAMWELI 2:34

Ak gili jea gabussa orjoagaagu asiyeenyean, Hofni ea Finehasi, gayghoah gwadeagooda aba headaang'u: ak gaygameewa duwaawi aba eaweecheanjagi.

1 SAMWELI 3:13

Ak gearukusi niny gideaba niriikghta dalas uhuudeaba gheanyi ea ghwahita damanda manda muudeanooda, aba badayda munyasnacheeka nal, aba gideaba orjoagaaschi niing'eawi ASEETA, ak ea mwanung' gwaduukuuna saawa.

1 SAMWELI 4:11

Ak geayaat sandakwajeanda ASEETA; nea orjooga asiyeenya bea Eli was Hofni ea Finehasi, gealajaada gheatkweaka.

1 SAMWELI 4:4

Hean geecheakta buuneeda gaweay Shilo, ak gweadu aba hoowa sandakwajeanda neajeeda bea NG'UTAMIIDA bea lugweega, mida uhuuda geeruubajeanda; nea orju iyeenya bea Eli, was Hofni ea Finehasi, abeeda gwanda heeda sandakwajeanda neajeeda bea ASEETA.