1 SAMWELI 1:11 - Bibliyeeda Ghaydit

¹¹ Ak ghwaak habeawooda nea gwayi, “Ea NG'UTAMIIDA bea lugweega, inyeeda aba huumwa gayng'ula sawanadeeda hudaang'u bea gadiyeeda, ak giipkaachaan aniini, ak ea adagwarooseey hudaang'u bea gadiyeeda, ak giidawi hudaang'u bea gadiyeeda baleanda, ak abeeda gaydaadaw niny NG'UTAMIIDA aba jeeda eaweagaaschi sean, ak ea manda janaweeda jea eareaghwa uhuudaanyi.”

1 SAMWELI 1:11 Mawu Ofanana

GIING'EETA 28:20

Hean ghwaak Yakobo habeawooda, nea gwayi, “ASEETA iijea dandeawa, ak ghoahaaghwanaan aba naweani aayaachiin, ak gagoonan hamita jea daak ea hang'weaka jea deakwa,

GIING'EETA 29:32

Gagweayiit Leya ak gwaji baleanda, ak gaguura gheawungaaschi Rubeni; aba gideaba gwayi, “Nih nidaah NG'UTAMIIDA sawanadeedeanyu; asi aba huumwa ghamneawa siyeedeanyu gayghabwariinyan.”

GIING'EETA 30:22

Iidu ghoapkaat ASEETA Raheli, ak ghwasha mooshtaanyi bea ASEETA hean ghwanung' gootina jeeda.

GIING'EETA 8:1

Muchu ghoapkaat ASEETA Nuhu ea diyeanga sean ea dugwa sean mideayeesa niny jeeda maleambooda. Ng'ata ghwanung' ASEETA ghaghuudu jeameeda aba badayda ng'eanyiida, ak ghwasuunyaada beega;

2 SAMWELI 16:12

Abeeda gwadeepa ghwadaah NG'UTAMIIDA sawanadeedeanyu, ak abeeda gawalu NG'UTAMIIDA gea miyaasiin aba mooshteawi iteanyuun askweareani.”

NYIIGHEEGA 25:18

Ng'ula ghabasteanyu ea sawanadeedeanyu, ak gisamsi riing'eegeasu sean.

RITEAYDA 4:31

Iidu ghamwas buuneeda, hean nea geayiiy gideaba nibareasa NG'UTAMIIDA fuga Israeli, ea gideaba nidaah sawanadeeda nyaawa, hean gabuy iheenga nyaawa ak geaghadoawan.

GHWASIILDEANGA 31:2

Gaydarukuneey naaha orjeedeanyu? Gaydarukuneey naaha orjeedeanyu ghayi eajiili? Gaydarukuneey naaha ang'iing'eeda ghayi eamuscheey aba heeda ASEETA.

REEKUSIINDA 5:4

Ang'iing'i irasi ASEETA gida, ea adiishiing'di giidaydeayda; aba gideaba niny mayghamwas fuga dasheahi; asi, adayda gida iradi.

NG'ASHEEGA LAWI 27:2

“Eeshiina fuga Israeli, Iigeanda siida radanyeanda abeeda gurooruunatkeaba fiisu gaygaba NG'UTAMIIDA aba mooneeda lapiyeeda jea eatayda,

IITOODA 21:2

Ghwarat Israeli gida aba heeda NG'UTAMIIDA nea gwayi, “Inyas giyiini fiisu geatingeasu aba huumwa abeeda gaydanyarjeaweada muuchi mujiinajeega nyaawa.”

IITOODA 6:11

ak gayghoadayda ashoohoocheanda agi eaghadoawanda aba badayda riing'eeda ak ghoadayda niirja aba badayda haleanjeeda ghadooweeda sighwarda, ak gaygwasin giiduupcheeda aba badaydaanyi, aba gideaba gwasin riing'eeda aba badayda siida meah, ak gayghoamiidu uhuudaanyi eaweedida,

IITOODA 6:5

“Askwearjoojiga sean rada gida ak ghwasajaada, adaghwareakghu uhuudaanyi aba weembe; ea ghwahita eawoojigiga, jea ghoamiina geaw aba heeda NG'UTAMIIDEAN, ak gayghaghaydiit, ak gayghwanung'waada buudeega uhuudaanyi gwaheetu ea gageawiidi.

IITOODA 6:8

Askwearjoojiga sean sajaadawa, niny ea ghaydit aba heeda NG'UTAMIIDA.

FUGA LAJA GIRGWEAGUUTKA 11:30

Hean gweaksa Yefta habeawooda NG'UTAMIIDA, ak gwayeesha, “Inyas gajiina fuga Amoni geatingeasu,

FUGA LAJA GIRGWEAGUUTKA 13:5

ng'ula gaynyasa durumanata ak gayjiila baleanda. Nea ea adiidu geereakghu uhuuda, aba gideaba niny gayghoah siichea gagadiiyeesa ASEETA gidang'eada jeepcheanduumeadaanyi; ak gayghoang'eat lealnooda Israeli aba geatinga fuga Filisti.”

1 SAMWELI 1:10

Hean gwasawana muuchi ak ghamwaash NG'UTAMIIDA, nea gooyeawda muuchi.

1 SAMWELI 1:12

Damanda mwaasha ghawooda aba madeeda NG'UTAMIIDA, gang'ula Eli ghuutaanyi.

1 SAMWELI 1:19

Muchu ghang'eat ng'eat sakteayda duw ak ghamwaash NG'UTAMIIDA; amang'ata ghwayam geat gabiikta gheanyaawa mida Rama. Ak gwandeayi Elikana sea gatmoadaanyi was Hana, ak ghoapkaat NG'UTAMIIDA niny;

1 SAMWELI 1:22

Iidu ea mawa Hana, aba gideaba gwayeesha siyeadaanyi, “Geaghus eeyi bwak ea ghwashukghu baleanda, abeeda gaydaat niny, madeeda NG'UTAMIIDA, ak goobiida hoowa damanda manda muudeanooda.”

1 SAMWELI 1:27

Aniini ghayi ghaamwaashchi ASEETA aba badaydeaba jeebi; ak ea nigoonan NG'UTAMIIDA gideamusch niny.

1 SAMWELI 1:28

Ak ghamneawa ghaadawji NG'UTAMIIDA; nea aba gidayang'da eaweagaaschi ghaadawji, gaygaba NG'UTAMIIDA.” Ak ghamwaash NG'UTAMIIDA aba hoowa.

1 SAMWELI 2:20

Hean gabadiischeesa Eli Elikana sea gatmoadaanyi, nea gwayi, “Gagasa gagooneegwa NG'UTAMIIDA diibiga aba gatmooni aba badayda siileeda ghayi adaw NG'UTAMIIDA”; ak abeeda gaygabiikta gheanyaawa.