1 Goriinto 8:4 - Bibliyeeda Ghaydit

⁴ Hean aba iita agita hamita siitaw sanaamu, geanali gideaba, “sanaamu mayghwashng'u,” ea gideaba “manda ASEETA nuut geaghus akaleala.”

NEAJEEDA EESH BEA BUUNEESSEAN

⁴ Hean aba iitta agitta hamitta siittaw haleanjeeda mawosa aseetta, geanalli gideaba, “Gidamawosa aseetta mayghwashng'u,” ea gideaba manda Aseetta nuut geaghus akkalealla.

1 Goriinto 8:4 Mawu Ofanana

NYIIGHEEGA 86:10

Aba gideaba ang'iing'i guwoosi haw nea gisinayi ng'asheega deamdeameadi, ang'iing'i guwoosi ASEETA nea gibwaageaw.

ISAYA 37:16

“Ea NG'UTAMIIDA bea lugweega, ASEETA Israeli mida badayda hoorgeeda gheambalmeeda, ak giibiiti heeda laabwa hoowa geeruubajeanda, ang'iing'i geaghusnyi guwoosi ASEETA sugoodiga sean bea badayda ng'eanyiida, ang'iing'i ghayi gibwadi humng'eeda ea ng'eanyiida.

ISAYA 37:20

Asi ghamneawa, Ea NG'UTAMIIDA was ASEETEANYA, lealnaneasa geatingaaschi, ak ghwanal sugoodiga sean bea badayda ng'eanyiida gideaba ang'iing'i guwoosi NG'UTAMIIDA nea gibwaageaw.”

ISAYA 41:24

Ng'ula, agooga goowuurjeewi gidamwadaagha, ak eara gadiyeedeang'wa gaba mwadaagha, nea eara dea loadeagwa ak ghabwadeagwa agooga noosinyi gidamuy.

ISAYA 44:24

Gwayi NG'UTAMIIDA was lealnoocheandaang'u, sinyi nea miyeejiilnyi: “Aniini geawooschi NG'UTAMIIDA ghayi sin haleanjeeda sean, ghayi ghaabwachi humng'eeda nea gabwageaw, ak ghaabwachi ng'eanyiida aba uurdeanyu abeeda geandeawi ng'eaha?–

ISAYA 44:6

Gwayi NG'UTAMIIDA was sugoocheanda Israeli was lealnoocheandaang'u was NG'UTAMIIDA lugweega: “Aniini geawooschi dea madeeda ak geawooschi dea huuydean; ak ea manda aseeta nuut geakghusan.

ISAYA 45:14

Gwayi NG'UTAMIIDA: “Meanang'oocheanduumeeda Misri, ea haleanjeeda Gushi, ea gea fuga Sheba was fuga geawi, gayghapka headaang'u ak gayghoah gaagu, gaygweadu geashtaang'u; ak gayghapka nea sirada aba munyaloali, ak gayghaghadoawanyi aba madeadaang'u Ak gayghamwas nea gwayi, ‘Aba huumwa gindeawi ASEETA, ak ea manda nuut geaghus niny.’”

ISAYA 45:5

Aniini geawooschi NG'UTAMIIDA, ak ea manda nuut, ASEETA nuut mandana geakghusan; geamajeekcheeweey, earapeadi minalaan,

YEREMIYA 10:10

Ak NG'UTAMIIDA ea ASEETA huumwa, niny ASEETA mideawa eaweega gil nea ea sugoocheanda manda muudeanooda gil. Aba nyarastaanyi inyeesa gwasim ng'eanyiida nea eemoojiga ea mayghoamu ghoamuughu nyarastaanyi.

YEREMIYA 10:14

Gilinyoo ea siida gil aadasha nea gwanya fughareeda; nea siida geariir adeanyi dahaabu gayghoabwaasbwaasi sanaamajeagaaschi; aba gideaba sanaamajeagaaschi gaba ng'uya, nea jeesinga nyaawa ea manda eaweega.

Marko 12:29

Hean gwayeesha Yesu, “Dea madeeda nih gil, ‘Eaniyean aleaydiit Israeli! Ng'utamiida ASEETEANYA gil, Ng'utamiida niny gil nea gaba geaw;

Gadiyeeda Giijasoodiga 14:15

Nea geeyi, “Buuneeda, ghwasaan anda goosinyi ng'asheesu? Aseasa geawooschi buuneeda mideawa searoojiga uurjeewaneegwa, ak geapkaanyi eerukuneegwa giijasta miy, ak ghoanung'waadi haleanjeeni bea mwadaaghaan, ak gooyamsi geat ASEETA majeek ghayi bwat humng'eeda ea ng'eanyiida ea basooda ea haleanjeeda sean mida jeeda.

Gadiyeeda Giijasoodiga 15:20

ak ging'oorsi gideaba adoayaaji hamichoojiga mideawa ririnnyeanda sanaamu ak ghwasaja geat hiseadayeanduumeeda ea gida siing'waay ghuuta ea foojeanda.

Gadiyeeda Giijasoodiga 19:26

Ak ghamneawa gajayiinya nea gajadeaksiina geat ng'asheega ak ea meakghusa aba Efeso niriikghta googuul ng'eanyiisean bea Asiya niny nighurghur fuga saang'a nea ghwayam fughareenga buuneeda nea gwayi aseecheekiga sisna geatingean mii aseecheeka huumwa gil.

1 Goriinto 8:1

Asi ghamneawa aba iita hamichoojiga siitaw ASEETA; geanali gideaba “Aseasa eesa sean geandeawi fughareeda.” “Fughareeda” iissa ghaghwar geaw, nea bariinyeega iissa gwadeegu.

1 Goriinto 8:10

Aba gideaba siida iidaanyi, ang'iing'eeda mideawa fughareeda, nea giipteadi ak giyeagiischi aba jeeda gheeda sibata sanaamu, neada ea majiidu gwayeesa jihi, iing'arng'ar fughareadaanyi, ak ghwaak hamita siitaw maloonghajeega?

1 Goriinto 8:11

Nea aba fughareadaang'u geenuus siida ng'arng'ar, was orjeeda giyeang'wa ghayi meah Gristo aba badaydaanyi.

Galattiya 4:8

Ak aba damandida ghayi mii analana ASEETEAN, abeeda googadiyeesi fuga mawoosa aseecheeka;

Efeeso 4:6

ASEETA ea agi was Ghweandeanya eesa sean, ak ghang'ataawa sean ak gagadiiy aba jeedeaba sean ak gwanda jeeda buuneesean.

GIIPKEATA DIIGHEANDA 3:24

‘Ea NG'UTAMIIDA was ASEETA, ghamneawa niing'eadi ahiimsiina soomjeandaang'u hawundaang'u ea geatindaang'u bea uurda, nea mandana humng'eeda ghana ea ng'eanyi gil aseeta ammu gwasin gadiyoojiga hees iisini ang'iing'i?

GIIPKEATA DIIGHEANDA 32:39

“‘Daaha ghamneawa gideaba, Aniini, ea Aniini geawooschi, ak ea manda aseeta nuut murdeedeanyu; gaydanuus ak gaydeaduudu; gaydasawan ak gaydaahaap; ak ea manda siida jea ghoamu ghoaghu aba geatindeanyu.

GIIPKEATA DIIGHEANDA 4:35

Agooga siihiimneegwa ng'asheesu, gideaba gaynala gideaba NG'UTAMIIDA ASEETA gil, geeghus niny ak ghwahit.

GIIPKEATA DIIGHEANDA 4:39

hean nala gidang'eada ghamneawa, ak giyiini gurooroadaang'u, gideaba NG'UTAMIIDA ASEETA gil, mida humng'eeda ea ng'eanyiida; manda nuut.

GIIPKEATA DIIGHEANDA 6:4

“Ea Israeli, aleaydiit gideaba: NG'UTAMIIDA was ASEETEANYA niny NG'UTAMIIDA asagi gil,

1 Dimotteo 1:17

Mureeda ea gheambiida daba sugoocheanda eaweega manda muudeanooda was dea maygamutmudan, ak ea miidaach, niny ASEETA bwaageawi, ea ghoah eaweega manda muudeanooda. Amin.

1 Dimotteo 2:5

Aba gideaba ASEETA ea agi, ak eara dea aduupchi buuneeda ea ASEETA ea agi, niny siida was Gristo Yesu;

Yuuda 1:25

heeda ASEETA bwaageaw, lealnoocheandeanya aba naweeda Yesu Gristoyda was Ng'utamiideanya, daba giigheambiita niny, ea hawunda, ea sugoocheanduumeeda, ea gheambalmeeda, dea ghayi ng'eada garayi, ea ghoah ghamneawa, ea ghoah damanda manda muudeanooda. Amin.