1 Goriinto 5:8 - Bibliyeeda Ghaydit

⁸ Asi eesina ghweelmeeda, nea mii dea matawanda ghayi bea garayi was matawanda bwada geawunda gheang'da ea munyinda, gagasa gaba mukaateeyda meamwatawiida, nih weeshinda jeeda gil ea huumwa.

NEAJEEDA EESH BEA BUUNEESSEAN

⁸ Asi esna ghweelmeeda, nea mii dea mattawanda ghayi bea garayi was mattawanda bwada geawunda gheang'da ea munyinda, gagasa gaba mukkatteyda meammwattawiida, nii weeshinda jeeda gil ea huumwa.

1 Goriinto 5:8 Mawu Ofanana

NYIIGHEEGA 32:2

Ghang'wana siida mayiita NG'UTAMIIDA giidiinyeanyeekaaschi manda jeeda gurooroadaanyi munyinda.

NYIIGHEEGA 42:4

Ng'asheesu ghoapkaachi; ak ghabwaasha gurooroodeanyu, aba damanda eadeayeewi eemeeda jeeda gheeda ASEETA, ak ghaadoabiiwji saawa nea gaweay goojuur aba hooseaneega ea sarmeeda badiischooda, ea giigheambiita ASEETA nea gwanda eemeeda jeeda ghweelmeeda.

RITEAYDA 12:15

Gajayaaga mukaateeyda meamwatawiida eawooji ispwa, eaweeda madeeda bea eawoojisu asispwaan ageandeawana gidamwataw jeeda gealgeagwa, siida wassean jea ghwaak mukaateeyda mwataw ghang'eada eaweeda madeeda ea ghwahita eaweedeaba ispwa, siida sunu ooruuteawana jeeda fuga Israeli.

RITEAYDA 12:19

Aba jeemba eawooji ispwa adagoobiida gidamwataw jeeda gealgeagwa, ak siida was sean ak gidamwataw, abeeda gagasa eang'aamwa jeeda fuga Israeli, ea rabascheanda gil ghana ea siida ng'eanyiida gil.

RITEAYDA 12:8

Ak gajeayaak banyeega eaweedida, nea sibeash, sea mukaateeyda miyeamwatawiit, geayaak sea nyeanyiida ng'weani.

RITEAYDA 13:6

Gajayaaga mukaateeyda meamwatawiida eawooji ispwa, ak eaweedeaba ispwa gajea ghweelmeeda NG'UTAMIIDA gil.

RITEAYDA 13:7

Mukaateeyda meamwatawiida gajeayaak eawoojisu asispwaan, ak mukaateeyda simwatawiit, adeedeaksa headaang'u, eara gidamwataw adeedeaksa headaang'u, ghana heeda wassean aba jeeda ng'eanyiidaang'u.

ISAYA 25:6

Ak aba uhuudeaba giijeeni NG'UTAMIIDA bea lugweega gaygwasissa buuneesean ghweelmeeda, haleanjeeda riisheadi, ea ghweelmeeda difaayeeda miy, ea banyeega miyaas, ea nagheeda, ea difaayeeda miyaas.

ISAYA 30:29

Ak gajasarmana gawuurji eaweeda ghweelmeeda ghaydit siing'wearu eaweesean, ak gajandeawana hooseaneega aba gurooruunatkeagwa, gawuurji siida ghuut furiimbu nea gawa uhuuda giijeeda NG'UTAMIIDA, was lagheaneeda Israeli.

NG'ASHEEGA LAWI 23:6

Ama eaweeteaba damanamuut bea sheeni ea eaweeda ghweelmeeda mukaateeyda meamwatawiida bea NG'UTAMIIDA; gajayaaga mukaateeyda meamwatawiida eawooji ispwa.

Mattayo 16:12

Gwajeeng'u gideaba gwachi mabaloolana gideaba mayeeshiina ashageada geat aba gidamwataw, gabaloola giinealshooda Farisaayajeega ea Sadukayajeega.

Mattayo 16:6

Gwayeesha Yesu, “Ang'ula nea gooshageachi geat aba gidamwataw bea Farisaayajeega ea dea Sadukayajeega.”

Marko 8:15

Iidu gwareekusa Yesu ginealangaaschi nea gwayeesha, “Ashageada matawanda Farisaayajeega ea dea Herode.”

Lukka 12:1

Damandida bwadeewa geat eemeeda nyiit sagalamnyoojiga ea gooleabi geadiin hean gwayeesha niny ginealangaaschi, “Afura geat aba hamiirayda fuga Farisaayajeega was giimiituunoodeaba geadiin.

Yohaana 1:47

Ghwadaah Yesu Natanaeli nea ghwaan headaanyi, ak gwayi, “Ng'ula, Israelajeanda huumwa, manda jeadaanyi ng'uyeega eara gil!”

1 Goriinto 3:3

aba gideaba agooga gudabeaha saseeda. Nea iimida jeedeang'wa lachng'eanyiida ea ng'alealeeda, abeeda moowoosi fuga saseeda, nea ghoabeadi fuga gealaani?

1 Goriinto 5:1

Gwanda iita huumwa nighayda bea gideaba jeedeang'wa gwanda fuga mideawa searoojiga munyas, ak gabiissa ea muy ea manda eara aba jeeda Eemoojiga; bea gideaba iissa siida gwaluudayi gatmooda ghwaan.

1 Goriinto 5:6

Ghwaroodeang'wa bwaageat miimiy. Moanali gideaba gidamwanang' mwataw ghoamu ghoamwatawiit murmurjeanda seani?

2 Goriinto 1:12

Aba gideaba aseasa geaghwari geat ng'asheanji, nea gidida muuwu fughareengaasaan gil ak ghoah gissibeadi aba jeeda ng'eanyiida, ak gabiissa ghwaraanya muuchi aba heedeang'wa, aba ghaydidanda ea badita ASEETA bea huumwa, nea mii aba weaghuumeeda ng'eanyiida gil geaghus aba dagheerjeanduumeeda ASEETA.

2 Goriinto 2:17

Aba gideaba aseasa meewuurjeewani buuneeda suurja saang'a, fuga sheahiida ng'asheanda ASEETA; gagasa eewuurjeewana fuga mideawa doobiiwnata, was fuga adaw ASEETA gadiyeeda, aba madeeda ASEETA iissa geebalooli aba badayda Gristo.

2 Goriinto 8:8

Asi gearugu ng'asheanji nea mii gideaba geagoonyi diigheanda, geagasayi asikteawana aba dagheerjeanduumeeda buuneeda suurja ak abeeda bariinyeegeagwa earada gaygaba huumwa.

Efeeso 6:24

Gagasa gagooneegwa ASEETA dagheerjeanduumeeda sea fuga sean bwariiy Ng'utamiida was Yesu Gristo, aba bariinyeega manda muudeanooda.

GIIPKEATA DIIGHEANDA 16:16

“Niba samwagu aba jeeda gweayda gayghapka headiga sean madeeda NG'UTAMIIDA was ASEATAANG'U was heeda jea ghwaloat niny, aba ghweelmeeda mukaatajeega meematawiita ea ghweelmeeda lajita booga ea ghweelmeeda udahabeaschajeega. Adiidu ghapka madeeda NG'UTAMIIDA nea ghaghus geatinga;

GIIPKEATA DIIGHEANDA 16:3

Adiidu giyeaguudayi sea mukaateeda siimatawiidi; eawooji ispwa gajagudayeewana mukaateeda meamwatawiida, mukaateeda hang'weanidooda aba gideaba girini ng'eanyiida Misri nea gilamwajaani, hean abeeda aba jeeda eaweagaagu gajapkaada eaweeda irini jeeda ng'eanyiida Misri.

YOSHUWA 24:14

“Asi biissa asisiina mureeda NG'UTAMIIDA, ak googadiyeesi niny aba huumeanda ea doobiiwnata; oang'aamwana heedeang'wa aseecheeka ghayi gadiyeesa ghweanigeagwa aba giigheawda eenda Furati, ea aba ng'eanyiida Misri, agadiyeesiina NG'UTAMIIDA.

1 Betro 4:2

nea heesinung' abiideewa siida badayda ng'eanyiida aba ng'asheega gasa saseeda nea mii gidagasiida ASEETA gil.