1 Goriinto 4:9 - Bibliyeeda Ghaydit

⁹ Aba gideaba naapkaachi gideaba ASEETA ghayi gwasineasa aseasa giijasoodiga eahuuwa fuga huuydeana sean, eewuurjeewana fuga sirgweaksiina miyeeda; aba gideaba sihuuyi meagheang'da aba ng'eanyiida, ea aba heeda malaykajeega ea heeda buuneeda.

NEAJEEDA EESH BEA BUUNEESSEAN

⁹ Aba gideaba naapkaachchi gideaba Aseetta ghayi gwasneasa aseasa giijasoodiga eahuuwa fuga huydeana sean, ewuurjeewana fuga sirgweaksiina miyeeda; aba gideaba suhuuyi meagheang'da aba ng'eanyiida, ea aba heeda malaykajeega ea heeda buuneeda.

1 Goriinto 4:9 Mawu Ofanana

NYIIGHEEGA 44:22

Manda, aba badaydaang'u geabwareasa askwearda sean, geehindaneasa gisilga weay eenuuseada.

NYIIGHEEGA 71:7

Naahuuyi siida sigala aba heeda fuga saang'a, aba gideaba guwoosi siida majeek ahaaghwanaan.

YEREMIYA 20:18

Ghwasaan anda aniini gearini jeeda iya heapi gearidu danyas sawanadeeda ea giiseaneega, ak geabiidi eaweega baspaseega?

Gadiyeeda Giijasoodiga 19:29

Hean ghwadaakghuyan buuneeda sean bea mujiini; ak geetkwealsa ak geeng'waay Gayo ea Aristarko saawa abeeda fuga ng'eanyiida Makedoniya nea gaba bareanagi sea Bawlo, hean geesaldeawa ea eehita heeda sideangana.

Gadiyeeda Giijasoodiga 19:31

Ak goojeaksa Bawlo fuga hees bea Asiya was fugaaschi ghayi duupchi, ak geemus nea geeyeesha, adiidu guwi heeda sideangana.

Ruumi 8:36

Gawuurji gidaghayi sing'waarda, “Aba badaydaang'u geenuuseasa askwearda sean, sinung' eewuurjeewana gisilga jea eenuuseada.”

1 Goriinto 15:19

Aba gideaba aba jeedeaba eaweesu bea ghamneawean iisindeawi rarooda aba heeda Gristo, gidabal geabwaydaneasa ea ealaabwana hoowa buuneesean.

2 Goriinto 11:23

Saawa soomjooga Gristohi? Ghaaraanyi aniini, geabalooldi siida geeska, biissa gaba gadiyeeda haw, ghaaraanyi muuchi aba ghealooniga, bea bayiiga mwoamu eeyiida, nea ghaariikghti aba miyeeda galeagasean.

2 Goriinto 6:9

ak geewuurjeewi fuga meanala, nea geanaleasa muuchi; ak geewuurjeewi fuga meewa nea ging'ulayi geewooschi majeekcheewi; ak geewuurjeewi fuga siyaaga ghoorjooda, ak ea meenuusa;

1 Desaloniikke 3:3

ak siida ea adagwahirbaban aba sawanaduutsu, aba gideaba agooga ghoanali beadi sigooneasa ng'asheanji.

Ebraniya 1:14

Neada malaykajeega gadiiyi ghayi siicheagu gagadiiyeesa, aba badahuuka fuga jea ghwanyas lealeanoodean?

Ebraniya 10:33

nea hich iissa geeng'eaweegwa nea geesawaneegwa, nea hich gookuuyi geadi sea fugiga sisima ng'asheesuun.

Ebraniya 11:36

Mwaatkwa gwasawana aba shikooda ea bayiiga, nea ghabwada geerata munyaloalajeega aba ghealooniga.