1 Goriinto 2:9 - Bibliyeeda Ghaydit

⁹ Gawuurji gissing'oarda, “Haleanjeeda manda gheang'da nidaah, ghana iita niyiiy, ghana ghoapkaat guroorooda siida, haleanjeeda nigeawiit gwasisin ASEETA aba badahuuka fuga bwariiy niny.”

NEAJEEDA EESH BEA BUUNEESSEAN

⁹ gawuurji gissung'waarda, “Haleanjeeda manda gheang'da nidaa, ghana iitta niyiiy, ghana ghoapkaat guroorooda siida, haleanjeeda nigeawiit gwasissin Aseetta appadahuukka fuga bwariiy niny.”

1 Goriinto 2:9 Mawu Ofanana

NYIIGHEEGA 31:19

Aba giteena hawunda alooheadaang'u, ak giidawi fuga bada gheawungaagu, ghayi isisi fuga mang'awsa headaang'u aba madeeda buuneeda!

ISAYA 64:4

Ghang'eada garayi manda siida nidaah, nea miighwayiiy aba iidigaaschi manda siida nidaah ASEETA uurjeeweey, sina ng'asheega aba badayda giika ghus ninyiin.

ISAYA 65:17

“Aba gideaba ng'ula aniini ghaabwachi humng'eeda eesh, ea ng'eanyiida eesh, nea ng'asheega ghayi bea madeeda ea maygudu eapkaat nea maygawa jeeda fughareengeagwa.

Mattayo 20:23

Gwayeesha Yesu, “Sawanadeedeanyu gajoomilikghteaysiina, ama duuku giipteadayda geatindeanyu bea dugwa ea geatindeanyu ghaadaam, meandeawani uurda jea dagoona, geaghus eataw fuga ghayi nibay gwararsa Bwaabwa.”

Mattayo 25:34

Ng'ata gaygwayeesha sugoocheanda fugiga mida meatkweadaanyi bea geatinda dugwean, ‘Abeeni agoogeeda ghayi nigooneegwa Bwaabwa ghawooda ahearana sugoocheanduumeeda ghayi sibay eerarseegwa ghang'eada dea ghayi sibwada ng'eanyiida;

Yohaana 3:16

Aba gideaba ASEETA ghabwariiy ng'eanyiida ea eeyi bwak ea ghoadayda Orjeedaanyi asakaleala, ak abeeda siida wassean mwas niny ea mwaroada ak abeeda ghwanyas eaweega manda muudeanooda.

Ruumi 8:28

Ak geanali gideaba aba jeeda ng'asheega sean iissa gwasin ASEETA gadiyeeda miy sea fugiga bwariiy ninyiin, fugiga ghayi siguursa aba gidagasiida ninyiin.

Ebraniya 11:16

Asi ghamneawa aba giduurji, gagaseadayi ng'eanyiida miy, nea diita bea humng'eedean. Hean ASEETA ea moamu ghabwaspwas aba gideaba geeguura ASEETA nyaawa, aba gideaba nisissa saawa mujiini.

Yakkobo 1:12

Ng'wanaweagaaschi siida riyeang'da iisimsim, aba gideaba iing'ata nea nijoar simsimda gayghwanyas shiipka eaweega mamuudeana ghayi bay gwaheeleesa ASEETA fugiga bwariiy ninyiin.

Yakkobo 2:5

Oaleaydiit fuga eaduupcheewi aabwariinyi. Heapi ASEETA ghayi mii ghwaloat fuga barbari bea muunda ng'eanyiida ak ghwanung' gabaruura masaweega nea gwahearan sugoocheanduumeeda ghayi heeleesa fuga bwariiyi?

1 Betro 1:12

Hean geetaheachsa saawa gideaba magadiyeesiina badahuuka nyaawa, aba badahuuka haleanjeeda ghamneawa rukuneegwa fuga ghayi rukuneegwa giijasta miy aba naweeda Guroorooda Ghaydit siicheagu leabu humng'eedean, ng'asheesu ghayi gagaseadayi malaykajeega ghwadaah.

1 Yohaana 4:19

Aseasa geabwariinyi, aba gideaba goosheeda niny ghabwariinyeasa.