1 Goriinto 15:1 - Bibliyeeda Ghaydit

¹ Asi fuga eaduupcheewi, ghamneawa gaydeapkeaneegwa Giijastida miy ghayi earukuneegwean, ghayi oang'waanyi was dea oamiinaadawi,

NEAJEEDA EESH BEA BUUNEESSEAN

¹ Asi fuga eaduupcheewi, ghamneawa gaydeapkeanneegwa Giijastida miy ghayi earukuneegwean, ghayi oang'ng'waanyi was dea oamiinaadawi,

1 Goriinto 15:1 Mawu Ofanana

1 Betro 5:12

Geang'oorneegwa barawajeanji nea ghaweadan Silwano, niny ghaadaayi orjeediyya doabiiwaat gil, ak geang'ayiichi ng'asheesu bea reekusiindean nea gearugu gideaba nih dagheerjeanduumeeda huumwa gil bea ASEETA; amiinaada aba badaydeaba nih nea goowooschi majeekcheewi.

1 Desaloniikke 1:6

Ak ghoahuuyi fuga adeascheeweasa geat ea geeshta Ng'utamiida, iing'ata nea noang'waanyi ng'asheanda aba sawanadeeda haw, sea hooseaneega Guroorooda Ghaydit;

2 Goriinto 1:24

Nea mii gideaba geegasayi eepala masaweegeagwa; geegadiiyi sea agooga aba hooseaneegeagwa, aba gideaba ghoamiinaadi muuchi aba masaweegeagwa.

2 Desaloniikke 3:6

Fuga eaduupcheewi, geegoonyeegwa diigheanda, aba gheawunga Ng'utamiida was Yesu Gristo, ooheeleewana geat orjeeda giyeang'wa wassean bea ghaleehu nea masina ng'asheega ghayi siing'waanyaan heedeanya.

1 Desaloniikke 4:1

Aba huuydeanda, fuga eaduupcheewi, geemuscheegwa nea geamiinyi gheang'deang'wa aba jeeda Ng'utamiida was Yesu, ak gawuurji gissiinaaldaneegwa aba heedeanya gidanisindaneegwa oopiideata nea goohoosanyi ASEETA, ak gawuurji gidoosindi agooga, ak gagasa agooga asina muuchi ea ghwanaawa.

1 Desaloniikke 2:13

Nea iissa geebadiischeesi ASEETA galeagasean aba badaydeaba ng'asheanji, gideaba dea noang'waanyi ng'asheanda ASEETA ghayi ooyiing'si heedeanya, ea moang'waaydani ng'asheanda buuneeda ghoanung' gawuurji ng'asheanda ASEETA, biissa gagadiiy aba jeedeang'wa agoogeeda mideawa masaweega.

Ruumi 2:16

nea aba eaweedida aba ginyaashta giijasteanyu miy, goorgweaksa ASEETA makcheamuutka buuneeda aba naweeda Gristo Yesu.

Gadiyeeda Giijasoodiga 11:1

Iidu ghwayiiy giijasoodiga ea fuga siduupcheewi mida ng'eanyiida Yahudi gideaba eara fuga Eemoojiga nimwas ng'asheega ASEETA.

Yohaana 12:48

Siida jaktanean nea moang'waanya ng'asheegeasu gwandeawa dea jea goorgweaksa; ng'asheandida earguun dea jea goorgweaksa gil eaweeda huuydean.

1 Goriinto 3:6

Aniini ghayi geahisti, ak ghwayiin Apolo beega, nea dea aruudu ea ASEETA.

Ruumi 5:2

Nea aba badaydeaba niny ea sinyaschi naweeda dagheerjeanduumeeda ghamneawa simiinaadawiin, nea geehoosanyi aba rarooda giigheambiita ASEETA.

Gadiyeeda Giijasoodiga 2:41

Hean fugiga mwas ng'asheandaanyiin geepaatiisan, ak ghoahaada eaweedida fih sagalamnyooji samwagu.

Ruumi 11:20

Asi huumwa. Gealach aba nyoota masaweega nyaawa, nea gimiinaadi aba masaweega. Adighwari geaw, ghang'wana gibeali.

1 Goriinto 4:15

Aba gideaba earapeadi oondeawi giinealshoodiga manda mooneeda aba jeeda Gristo, ea moondeawani ghweaniga saang'a. Aba gideaba aniini naahuuyi ghweandeang'wa aba jeeda Gristo Yesu aba naweeda giijasta miy.

1 Goriinto 16:13

Oang'wearni, nea ghoamiinaadi muuchi aba jeeda masaweegeagwa, adaruusiita nea ghoanyaschi uurda.