1 Goriinto 13:4 - Bibliyeeda Ghaydit

⁴ Bariinyeega iissa ghamilikghta nea inya jih; bariinyeega mandeawana lachng'eanyiida ghana ghwarjeeda;

NEAJEEDA EESH BEA BUUNEESSEAN

⁴ Bariinyeega iissa ghamilikghta nea innya jih; bariinyeega mandeawana lachng'eanyiida ghana ghwarjeeda;

1 Goriinto 13:4 Mawu Ofanana

GIING'EETA 30:1

Hean nea ghwadaah Raheli mii gwajiilsa Yakobo baleanda, iidu gwashissa ghaang' huda ghaamwat; ak gwayeesha Yakobo, “Goonean diibiga, ghana iimaygoona abeeda ghang'wana ghaameayi!”

GIING'EETA 37:11

Ng'ata gwashissa ghaang' orjooga ghaamwat, nea ghwayiin ghwaan ng'asheanji jeadaanyi.

NEHEMIYA 9:17

ak ghaheawa gwasissa mureeda, nea moapkaada ng'asheega deamdeameadi ghayi iisini aba bugusta nyaawa; ak ea mararsiina gil ghoahang'waay iheenga nyaawa nea ghwaloat ashoohooda uurji gili jea ghoaghuumda soomjeandumeeda Misri. Ak ang'iing'i guwoosi ASEETA hidaat aba samsiinda, ea dagheerjeanduumeeda ea samsiinda, nea mii wusis nyaras nea mayghwayamwa bariinyeagaaschi, ak ea miigwanung'usa heeda saawa.

NYIIGHEEGA 10:5

Naweadingaaschi sean ea miyaasiin damanyoojiga sean; girgweaguutkaagu gwanda humng'eeda heeda mwadaaha; ak gooleechiisa ghuut weajoodigaaschi sean.

GHWASIILDEANGA 10:12

Sicheeda gaygweadu jaliida, ak bariinyeega gwadukuta giidiinyeanyeeka sean.

GHWASIILDEANGA 13:10

Ghwarjeeda gaygweadu jaliida ak ghwahit, nea gea mideawa weaghuumeeda gayghamwas girgweaksiinda.

GHWASIILDEANGA 17:14

Giing'eeta jaliida gawuurji siida sin seawadeeda aba dabascheanda beega, asi anung'waada jaliida heeda mii gaguldeawa.

GHWASIILDEANGA 17:9

Siida bwayda giidiinyeanda gwasin duupcheeda, nea dea apkeasa giidiinyeanda ghwasach duupcheeda.

GHWASIILDEANGA 19:22

Gidasigasa aba heeda siida doobiiwnata, ghang'wana siida bwarbwar mwasamwa siida ng'uyeega.

GHWASIILDEANGA 31:20

Ak gootin geatingaaschi ghaweat fuga barbari, nea ghoahaakta geadi ghaweat fuga gasa weeta.

GHWASIILDEANGA 31:26

Ghwajaat ghuutaanyi aba weaghuumeeda, nea deaweedeeda miy gwanda ghuutaanyi.

REEKUSIINDA 10:4

Guroorooda siida ambaliischi iinyareekseey, ea adibay ng'amwana heeda indi; Aba gideaba guroorooda garbabu iissa ghwanung' ghahawda ng'asheega hees munyas.

Mattayo 27:18

Ghoanyaashtaaydunu nea ghwanal gideaba geayaat headaanyi aba lachng'eanyiida.

Gadiyeeda Giijasoodiga 7:9

“Nea orjoosu inyeesa gwashissa ghaang' Yosefu, ak geeshaayda aba ng'eanyiida Misri; nea ASEETA gwandeayi sea niny,

Ruumi 1:29

Ninyiit jeesinga nyaawa ng'asheega sean munyas, munyinda, ea shidoodeaba ghaang'; geawunda gheang'da. Lajoodeaba ghuut, ea nuusta buuneeda, ea jaleadinga, ea reengaweega, sicheeda, fuga aga badahuukeaba geat,

Ruumi 13:13

asi eara aseasa gagasa eabeada fuga mida heedeesh, mii geawunda gheang'da gil ea booktuumeeda, mii ng'asheega munyas gil ea hiseadayeanduumeeda, mii jaliida gil ea lajoodeaba ghuut.

1 Goriinto 3:3

aba gideaba agooga gudabeaha saseeda. Nea iimida jeedeang'wa lachng'eanyiida ea ng'alealeeda, abeeda moowoosi fuga saseeda, nea ghoabeadi fuga gealaani?

1 Goriinto 4:18

Asi buuneeda mwaatkwa ning'ut ghwarjeeda nea ghaghay gil maydoan heedeang'wa.

1 Goriinto 4:6

Ak geamuschi haleanjeeni seaniin sea Apolo ak abeeda ghoanyagaadi, fuga eaduupcheewi, ak abeeda ghoanaalaneasa ea moanaawani gidida ghayi sing'waariin, ak abeeda ea maghwara geaw sih aba jeedeang'wa aba giiduuksiindeaba geaw bea siinuut.

1 Goriinto 5:2

Ak ghoaghwarji geat! Gwachi mang'wana googiisanyi? Siida nisin ng'asheanji oang'aamwana jeedeang'wa.

1 Goriinto 8:1

Asi ghamneawa aba iita hamichoojiga siitaw ASEETA; geanali gideaba “Aseasa eesa sean geandeawi fughareeda.” “Fughareeda” iissa ghaghwar geaw, nea bariinyeega iissa gwadeegu.

2 Goriinto 12:20

Aba gideaba ghaawali dahidu ak ea moowuurjeewani gida eagasiidi dahidu nea goowuurjeewi, ak ea moahiimni nea geewuurjeewi gidida moogassiidaniin; ea gideaba gwadeepa gwanda jaliida, geawunda gheang'da, ea nyarasta, shidoodeaba ghaang', giiheakteayda, soomeanda baloolda, reengaweega ea deakghuyandeeda.

2 Goriinto 6:6

ea aba alooheeda, ea fughareeda, ea giihang'ooyda, ea inyeanda jeeda, ea aba Guroorooda Ghaydit, ea bariinyeega huumwa,

Galattiya 5:26

Adeegwaray geat mwadaagha, ak ea adeesadayi geat, nea adeeng'uli geat gheanyanga munyas.

Efeeso 4:2

nea gooyeadayi geat ng'eanyi ak goowooschi garbapi, nea ghoahang'waanyi nea goomilikideaysi geat aba bariinyeega,

Efeeso 4:32

asi awoosa inyeani jeesin aba heeda buuneeda suurja, bayiida buuneeda, samiisa geat, gawuurji gidasamsiindaneegwa ASEETA aba jeeda Gristo.

Filippi 1:15

Aba huumwa gwanda fuga inyeessa gwarukwiida iita Gristo aba lajoodeaba ghuut ea foolayda, nea suuk geerukwiida aba gidamiy sigasa.

Golosaayi 1:11

Gagasa gagooneegwa giimuusta sean bea uurdaanyi ghaambiidaat, jea oamuusa nea ghoamuughu haleanjeeda sean nea goobeayi hooseaneega,

Golosaayi 2:18

Asi adaghaweadaneegwa sih gil, aba giimajeekta eateaba geaw bea ng'eanyi ea ghadoowanda malaykajeega, nea ghamiinaada aba giidaheachteaba geaw, nea ghaghwar geaw mwadaagha aba fughareadaanyi bea saseeda,

Golosaayi 3:12

Asi ookwealsheata fuga niloat ASEETA, ghaydidi sibwariiy, bea jeesinga bayiida buuneeda, ea ng'eeninda, eatoodeaba geat bea ng'eanyi, miyinda ea milikghteayda,

1 Desaloniikke 5:14

Ak geemuscheegwa, fuga eaduupcheewi, oowoowsiina gheanyanga fuga ghaleehooda, oomajeega fuga giyoonyi, aweada fuga ng'arng'ari, ak gimilikghti sea buuneesean.

1 Dimotteo 6:4

nih ning'ut ghwarjeeda ak ea manda gil nal, ak gaba geeska giiteemshooda badayda giinyaashteayda ng'asheega ea galeadayda ng'asheega nea aba jeedeaba suh gwarina ng'ulooda siida aba gheang'da muy, jaliida ea giing'weaka ea meanyooda muy bea siida,

2 Dimoteo 2:25

Aba damandida reekusiina fuga mamwasa ng'asheagaaschiin, gammiisa ea garbabu aba gideaba iideepa gwasa gwadeepa ghoadaw ASEETA fiisu duukuunooda ak ghwanal huumeanda.

2 Dimoteo 3:10

Ak ang'iing'i ea niyaadi geeshta giinealshoodeanyu ea gideabadiiniidi ea gideagasiidi ea masaweega ea milikghteayda,

2 Dimoteo 4:2

rukwiida giijasta woosa hidaat (damanda miiseey ea damanda mamiiseey), awoowsiina ajuursiina nea gireekusi aba milikghteayda sean ea giinealshooda.

Ditto 3:3

Aba gideaba ghayi aba mwadi geewooschi dasheahi, ak ea meendeawani mureeda ak geewooschi roodanga, ea giing'oonyanga aba miyeenooda muunda ng'eanyiida, nea geepiidi jeeda ng'asheega munyas, ea lajoodeaba ghuut, nea ghwasteagwa buuneeda nea goostayi geat agooga;

Yakkobo 4:5

Ghana oaghanyi gilirugu ng'ooruutka mwadaagha nea gwayi, “Gurooroani abiita jeedeanyean iissa gagasseasa nea ghwalajaneasa ghuudi”?

1 Betro 2:1

Asi ageandeawana geat munyinda sean ea milmilanda sean ea nyoota doobiiwnata ea shidoodeaba ghaang' ea beeshta sean.

1 Betro 3:8

Ng'asheanda huuydean nih gil, awoosa gilagi, ak goobayiidi geat nea ghoabwariiydi geat orjoospa ghaamwadagi, nea goowooschi ng'eeni ak gooyeadayi geat ng'eanyi.

1 Betro 4:8

Aba badaydeaba suh seaniin asina badiida muuchi ak ghoabwariinyi geat, aba gideaba bariinyeega gwadukuta riing'eega saang'a.

2 Betro 1:7

nea alooheeda ghoabwadi bariinyeega orjooga giyeang'wa, ghoabwadi bariinyeega orjooga giyeang'wa bariinyeega.

1 Yohaana 4:11

Fuga aabwariinyi, iinukwa ghabwariiyduneasa ASEETA, gammiisa gideaba gajeebariinya geat.