1 Goriinto 1:5 - Bibliyeeda Ghaydit

⁵ ak aba naweadinga sean geeparuureegwa aba jeedeaba niny aba weaghuumeeda ea fughareeda sean–

NEAJEEDA EESH BEA BUUNEESSEAN

⁵ ak aba naweadinga sean geepparureegwa aba jeedeaba niny aba weaghuumeeda ea fughareeda sean.

1 Goriinto 1:5 Mawu Ofanana

Gadiyeeda Giijasoodiga 2:4

Hean geanyiit sean uurda Guroorooda Ghaydit ak gabalool aba iit nuut aba gidagasiida Guroorooda gwarukuteayda.

Ruumi 11:12

Asi giidiinyeanda nyaawa iiniiw baruureega jeeda ng'eanyiida, nea reanyaweega nyaawa ghoah baruureega aba jeeda Eemoojiga suurja, abeeda hidooda badiischeesiinda nyaawa majaahawi!

Ruumi 15:14

Asi neasikteawi aniini iiteang'wa, fuga eaduupcheewi, gideaba eara agooga goondeawi alooheeda haw, ak ghwanyiideagwa fughareenga sean, ak ghoamuuschi oatoabiiwa geat.

Ruumi 15:4

Aba gideaba ng'asheega sean ghayi sing'waar aba askwearjoojigeaba mwadiin geang'waar ak abeeda ghoadoabiiweasa, ak aba alooheeda ea gidamajeektaneasa ng'ooruutka abeeda geanyaschi gidasirarji.

1 Goriinto 12:10

nea nuut geataw gadiyeeda jea gwasina ng'asheega deamdeameedi, nea nuut geataw sibaneanduumeeda, nea nuut gooheeldooschi gurooruunatka, nuut heeluutka ghuusiga eemoojiga, nea nuut geataw roopiideayda ghuusiga eemoojiga.

1 Goriinto 12:8

Aba gideaba siyagi aba Guroorooda geataw gwaruku weaghuumeeda, nea geataw nuut gwaruku ng'asheega aba fughareeda aba gidabwariiyda Guroorooda,

1 Goriinto 13:2

Nea eara dandeawa uurda sibaneanduumeeda, ak ghaanali makcheamuutka sean bea fughareeda, ak geandeawi masaweega sean, ammu goobaleak giijeega, ak ea meandeawani bariinyeega, meawoosi gil.

1 Goriinto 13:8

Bariinyeega manda muudeanooda; nea iimida ramooranga gayghang'ata; gwasunu eara iita eemoojiga, gaygamuudean, ama mida fughareeda gayghang'ata.

1 Goriinto 14:26

Fuga eaduupcheewi, asi gajeeyeenaan? Iyoabwachi geat, gaba siisi mideawa duumda, ea giinealshooda, ea giidaheachta, ea iit nuut, ghana roopunooda ng'asheega.

1 Goriinto 8:11

Nea aba fughareadaang'u geenuus siida ng'arng'ar, was orjeeda giyeang'wa ghayi meah Gristo aba badaydaanyi.

2 Goriinto 4:6

Ak ea ASEETA gil dea ayi, “Nung'waada weeshinda ghoabwaay jeeda misaneeda,” nea niny ghoabwaay jeesinga gurooruunatkaasa ak ghoadaw weeshinda fughareeda giigheambiita ASEETA aba gheamamda Gristo.

2 Goriinto 6:10

geewuurjeewi fuga giisan, nea ghana geehoosanyi galeagasean; nea geewuurjeewi fuga barbari, nea ghana geeparuurji fuga saang'a; geewuurjeewi fuga mandeawana gil, nea ghana geendeawi haleanjeeda sean.

2 Goriinto 8:7

Ghamneawa iyoang'aldi aba haleanjeeda sean aba masaweega, ea rukunooda, ea fughareeda, aba jeeda gurooroosean, ea aba jeeda bariinyeegeagwa aba heedeanya, asikteawana gideaba ghoang'aldi aba gadiyeeni bea dagheerjeanduumeedean.

2 Goriinto 9:11

Gajeenung' abaruura aba naweadinga sean abeeda gwanyeaniidi jeesingeagwa muuchi, nea aba naweedeanya gayghoadaw ASEETA badiischooda;

Efeeso 1:17

ak abeeda ASEETA Ng'utamiideanya was Yesu Gristo, Bwaabeeda giigheambiita, gagasa gagooneegwa gurooroadaanyi bea weaghuumeeda ea dea giidaheachta jea analana niny,

Efeeso 2:7

nea aba seaygoojiga jea ghwahidu gwadeepa ghoahiimu meanang'oocheanduumeeda mwoamu eeteen aba dagheerjeanduumeadaanyi aba inyeanda jeeda aba heedeanya aba jeeda Gristo Yesu.

Efeeso 3:8

Aba aniini, earapeadi eawooschi mwanang'eawa fuga sean ghaydidiin, abeeda geegu dagheerjeanduumeani, ak gearukwiisi fuga Eemoojiga meanang'oocheanduumeeda meesikideawana bea Gristo,

Efeeso 6:19

ak gwasunu eara aba heedeanyu, ak abeeda ghaamuuschi darukuta iyaajaachi ghuuteanyu ak gearukuti makcheameeda funyaat bea giijasta miy,

Filippi 1:9

Nea nih ea mooshteanyu bea ASEETA gil, gideaba gwaheedu bariinyeegeagwa muuchi aba fughareeda haleanjeeda ea weaghuumeeda sean,

Golosaayi 2:3

nea jeadaanyi ea sifuysa gheaseeda bareaynata uhuuda ea fughareenga.

Golosaayi 3:10

ak gookweali searoojiga eashish, sinung' gaweeriidi ak ghoanali nea geegala ninyeeda ghayi bwaat.

Yakkobo 3:13

Nih ng'eaha aba jeedeang'wa mideawa weaghuumeeda ea fughareeda? Aba giibindaanyi miy dahiimna gadiyoojigaaschi aba garbabanda ea weaghuumeeda.

2 Betro 3:18

Ahisiina heeda aba dagheerjeanduumeeda, ea nalooda Ng'utamiideanya ea lealnoocheanda was Yesu Gristo. Headaanyi gwanda gharbeeda ghamneawa ea ghoah eaweega manda muudeanooda. Amin.