UNehemiya 8:5 - IBhayibhili Elingcwele LesiNdebele

⁵ U-Ezra wayivula incwadi. Bonke abantu babembona ngoba wayemi ekuphakameni ngaphezu kwabo; kwathi lapho eyivula abantu basukuma.

iBhayibhili Elingcwele 1978

⁵ UEzra waluvula ugwalo phambi kwabo bonke abantu, wayemi ngaphezu kwabo bonke; nxa eluvula, bonke basukuma.

UNehemiya 8:5 Mawu Ofanana

Abahluleli 3:20

U-Ehudi wayilanda isihlezi yodwa ekamelweni langaphezulu elipholileyo endlini yayo yobukhosi wathi, “Ngilelizwi lakho elivela kuNkulunkulu.” Kwathi inkosi isukuma esihlalweni sayo,

1 AmaKhosi 8:14

Kwathi ibandla lonke lako-Israyeli lisemi khonapho, inkosi yaphenduka yalibusisa.

1 AmaKhosi 8:12

Ngakho uSolomoni wathi, “UThixo utshilo ukuba uzahlala eyezini elimnyama;

UNehemiya 8:3

Wafunda kakhulu kusukela ekuphumeni kwelanga kwaze kwaba semini enkulu ekhangele egcekeni leSango laManzi phambi kwamadoda, labafazi labanye ababelokuzwisisa. Bonke abantu balalelisisa ukuzwa iNcwadi yoMthetho.

UNehemiya 8:4

U-Ezra umbhali wayemi phezu kwethala eliphakemeyo elalenziwe ngezigodo lenzelwe umkhosi lo. Eceleni kwakhe kwesokunene kwakumi uMathithiya, loShema, lo-Anaya, lo-Uriya, loHilikhiya, loMaseya; kwathi kwesokhohlo kunguPhedaya, loMishayeli, loMalikhija, loHashumi, loHashibhadana, loZakhariya loMeshulami.