UmTshumayeli 8:14 - IBhayibhili Elingcwele LesiNdebele

¹⁴ Kukhona njalo enye into eyize eyenzakalayo emhlabeni: abantu abalungileyo abazuza okufanele ababi, labantu ababi abazuza okufanele abalungileyo. Ngithi lokhu lakho kudida ingqondo.

iBhayibhili Elingcwele 1978

¹⁴ Kukhona okulize okwenzekayo emhlabeni ukuthi bakhona abalungileyo abazuza okwezenzo zabantu ababi, bakhona lababi abazuza okwezenzo zabantu abalungileyo. Ngathi lokho lakho kulize.

UmTshumayeli 8:14 Mawu Ofanana

UJobe 1:22

Phakathi kwakho konke lokhu uJobe kazange enze isono ngokubeka umlandu wokuthi athi uNkulunkulu wonile.

UJobe 21:7

Kungani ababi bephila impilo ende, baluphale nje amandla abo esanda?

UJobe 27:12

Lonke lizibonele lokhu ngokwenu. Pho, ngeyani inkulumo yonke le eyize na?

AmaHubo 73:3

Ngasuka ngahawukela abaklolodayo ngibona ukuphumelela kwezigangi.

UmTshumayeli 10:5

Bukhona ububi esengibubonile ngaphansi kwelanga, kuliphutha elenziwa ngumbusi:

UmTshumayeli 2:14

Umuntu ohlakaniphileyo ulamehlo ekhanda, ikanti isiwula sihamba ebumnyameni; kodwa ngacina sengibona ukuthi isiphetho sabo bonke sinye.

UmTshumayeli 4:4

Ngasengibona ukuthi konke ukusebenza lokuphumelela konke kuvela emhawini womuntu ngomakhelwane wakhe. Lokhu lakho kuyize, kuyikuxotshana lomoya.

UmTshumayeli 4:8

Kwakulendoda eyayiyodwa zwi; yayingelandodana loba umfowabo. Yayisebenza gadalala ingaphumuli, kodwa amehlo ayo ayengasuthiswa yinotho yayo. Yabuza yathi, “Ngiginqela bani kangaka, njalo kungani ngizincitsha intokozo?” Lokhu lakho kuyize umsebenzi othelela usizi!

UmTshumayeli 7:15

Kuyonale impilo yami eyize sengizibonile izinto lezi zombili: umuntu olungileyo uyafa elungile enjalo, lomuntu omubi uba lempilo enhle emubi enjalo.

UJeremiya 12:1

Wena ulungile izikhathi zonke, Oh Thixo, lapho ngiletha indaba kuwe. Ikanti ngingakhuluma lawe ngokulunga kwakho: Kungani indlela yababi iphumelela na? Kungani abangathembekanga behlezi kuhle na?

UMalaki 3:15

Kodwa manje isiqholo sithi singobusisiweyo. Ngeqiniso izigangi ziyaphumelela, kanye lalabo abamhwedelayo uNkulunkulu kabenziwa lutho.’ ”