UmTshumayeli 8:13 - IBhayibhili Elingcwele LesiNdebele

¹³ Kodwa ngenxa yokuthi izixhwali kazimesabi uNkulunkulu, kakuzukuzilungela, lezinsuku zazo kaziyukweluleka njengesithunzi.

iBhayibhili Elingcwele 1978

¹³ Kodwa ababi kakuyikubalungela; futhi kabayikuhlala insuku ezinengi; umuntu ongamesabiyo uNkulunkulu unjengesithunzi.

UmTshumayeli 8:13 Mawu Ofanana

UJobe 14:2

Uyaqhakaza njengeluba aphinde abune; njengesithunzi esithi tshazi, akemi.

UJobe 18:5

Isibane somubi siyacima; ilangabi lomlilo wakhe liyaphela ukubhebha.

UJobe 20:5

ukuthi injabulo yomubi imfitshane, intokozo yongakholwayo ngeyomzuzwana nje.

UJobe 21:30

ukuthi umuntu omubi uyaphepha ngosuku lokubhujiswa na, ukuthi uyakhululwa ngosuku lwesiphithiphithi?

AmaHubo 11:5

UThixo uyabahlola abalungileyo, kodwa ababi lalabo abathanda udlakela uyabazonda ngomoya wakhe wonke.

AmaHubo 144:4

Umuntu unjengomphefumulo; insuku zakhe zinjengesithunzi esidlulayo masinyane.

AmaHubo 37:1

Ungazikhathazi ngabantu ababi loba uhawukele labo abenza okungalunganga;

AmaHubo 39:5

Usuwenze insuku zami zaba lobubanzi besandla; ububanzi beminyaka yami kabusilutho kuwe. Impilo yabantu ingumoya kuphela, kanye lalabo abakhanya behlalisekile.

AmaHubo 55:23

Kodwa wena, Nkulunkulu ababi uzabawisela egodini lokungcola; abantu abomele igazi njalo abakhohlisayo kabasoze bayiphile ingxenye yezinsuku zabo. Kodwa mina, ngithemba kuwe.

UmTshumayeli 3:14

Ngiyazi yonke into eyenziwa nguNkulunkulu izakuba khona kokuphela; akulalutho olungengezwa kukho loba kususwe kukho. UNkulunkulu uyenza lokho ukuze abantu bamkhonze.

UmTshumayeli 5:7

Ukuphupha kanengi lamazwi amanengi kuyize. Ngakho mesabe uNkulunkulu.

UmTshumayeli 6:12

Kambe ngubani okwaziyo okulungele umuntu ekuphileni kwakhe ngensuku ezimbalwa ezingatsho lutho adlula kuzo njengethunzi na? Ngubani ongamtshela okuzakwenzeka ngaphansi kwelanga yena esedlule?

UmTshumayeli 7:15

Kuyonale impilo yami eyize sengizibonile izinto lezi zombili: umuntu olungileyo uyafa elungile enjalo, lomuntu omubi uba lempilo enhle emubi enjalo.

UmTshumayeli 7:18

Kuhle ukuthi uthi ubambe lokhu ungayekeli uphunyukwe ngokunye. Umuntu owesaba uNkulunkulu kedlulisi amalawulo.

UmTshumayeli 8:8

Njengoba kungelamuntu olamandla phezu komoyo ovunguzayo Akulamuntu olamandla phezu kosuku lwakhe lokufa. Njengoba ibutho lingakhululwa ngesikhathi sempi, kunjalo ukuxhwala akuyikubakhulula labo abaphila ngakho.

U-Isaya 3:11

Maye kwababi! Incithakalo isiphezu kwabo! Bazaphindiselwa ngalokho izandla zabo ezikwenzileyo.

U-Isaya 30:13

isono lesi kini sizafana lomduli ophakemeyo, olomnkenke njalo ohlephukayo, odilika masinyane, ngesikhatshana nje.

U-Isaya 57:21

“Akukho kuthula kwababi,” kutsho uNkulunkulu wami.

U-Isaya 65:20

Kulo akusayikuba khona futhi usane oluphila insuku ezilutshwane kumbe umuntu omdala ongaphelelisi iminyaka yakhe; lowo ofa elekhulu leminyaka uzakhangelwa njengomntwana nje; lowo ongafikiyo ekhulwini uzakhangelwa njengoqalekisiweyo.

UJeremiya 44:10

Kuze kube lamhla kabazithobanga kumbe batshengise ukuhlonipha, kumbe balandele imithetho yami lezimiso engalibekela zona lina labokhokho benu.

UMalaki 3:18

Njalo lizawubona umahluko phakathi kwabalungileyo lababi, phakathi kwalabo abamkhonzayo uNkulunkulu lalabo abangamkhonziyo.”

UJohane 5:29

baphume, labo abenze okuhle bazavuka baphile, lalabo abenze ububi bazavuka balahlwe.

UJakhobe 4:14

Kungani ngoba phela kalikwazi okuzakwenzakala kusasa. Ukuphila kwenu kuyini na? Liyinkungu ebonakala okwesikhatshana ibe isinyamalala.

2 UPhethro 2:3

Ngobugovu babo abafundisi laba bazakwenza inzuzo ngani ngezinganekwane zokuzibumbela. Ukulahlwa kwabo kubengamile, lokubhujiswa kwabo akuzange kukhohlakale.