UMatewu 9:38 - IBhayibhili Elingcwele LesiNdebele

³⁸ Ngakho celani iNkosi yokuvuna ukuba ithumele izisebenzi ensimini yokuvuna.”

iBhayibhili Elingcwele 1978

³⁸ Ngakhoke celani eNkosini yokuvuna ukuba ithumele izisebenzi ekuvuneni kwayo.

UMatewu 9:38 Mawu Ofanana

AmaHubo 68:11

INkosi yalikhupha ilizwi, kwaba labanengi kakhulu abalimemezelayo besithi,

AmaHubo 68:18

Wathi ekukhuphukeni kwakho uqansa, wakhokhela abathunjiweyo; wemukela izipho ebantwini, lakulabo abahlamukayo ukuze wena, Oh Thixo Nkulunkulu, uhlale khona.

UJeremiya 3:15

Lapho-ke ngizalinika abelusi abathandwa yimi, abazalikhokhela ngokwazi langokuqedisisa.

UMikha 5:7

Insalela zabakoJakhobe zizakuba phakathi kwezizwe ezinengi njengamazolo avela kuThixo, lanjengemkhizo phezu kotshani, okungalindeli muntu kumbe kuhlalele abantu.

UMatewu 9:37

Wasesithi kubafundi bakhe, “Isivuno sinengi kodwa izisebenzi zimbalwa.

UJohane 20:21

UJesu waphinda wathi, “Ukuthula kakube kini! Njengoba uBaba engithumile, lami ngiyalithuma.”

UJohane 4:35

Kanti angithi lithi, ‘Kusele izinyanga ezine ukuthi kufike isikhathi sokuvuna’? Ngithi vulani amehlo enu likhangele amasimu! Amabele aselungele ukuvunwa.

Imisebenzi 13:2

Kwathi beyikhonza iNkosi njalo bezilile uMoya oNgcwele wathi, “Ngahlukaniselani uBhanabhasi loSawuli baye emsebenzini engibabizele wona.”

Imisebenzi 8:4

Labo ababehlakazekile balitshumayela ilizwi loba kungaphi abaya khona.

1 AbaseKhorinte 12:28

Ebandleni uNkulunkulu wabeka abapostoli kuqala kulabo bonke, okwesibili abaphrofethi, okwesithathu abafundisi, kwaba labenza izimangaliso, lalabo abalezipho zokusilisa, abalezokusiza abanye, abalezipho zokuthungamela, kanye lalabo abakhuluma inhlobo zezindimi ezehlukeneyo.

Abase-Efesu 4:11

UKhristu nguye owanika abanye ukuba babe ngabapostoli, abanye babe ngabaphrofethi, abanye babe ngabavangeli, abanye babe ngabaphathi labanye babe ngabafundisi,

2 AbaseThesalonika 3:1

Okokucina bazalwane, sikhulekeleni ukuba ilizwi leNkosi liqhubeke ngokuphangisa njalo lihlonitshwe njengalokhu okwenzeka kini.