UMatewu 7:7 - IBhayibhili Elingcwele LesiNdebele

⁷ “Celani lizaphiwa; dingani lizafumana; qoqodani lizavulelwa.

iBhayibhili Elingcwele 1978

⁷ Celani, lizakuphiwa; funani, lizakufumana; qoqodani, lizakuvulelwa.

UMatewu 7:7 Mawu Ofanana

UGenesisi 26:32

Ngalolosuku izisebenzi zika-Isaka zabuya zamtshela ngomthombo ezaziwugebhile. Zathi, “Sesiwatholile amanzi!”

1 AmaKhosi 3:5

Khonapho eGibhiyoni uThixo waziveza kuSolomoni ebusuku emaphutsheni lapho uNkulunkulu athi, “Cela loba yini ofuna ukuba ngikunike yona.”

AmaHubo 10:17

Uyazizwa, Oh Thixo, izifiso zabancindezelweyo; uyabaqinisa, ulalele ukukhala kwabo,

AmaHubo 10:4

Ngenxa yokuzigqaja kwakhe omubi kamdingi uThixo; kuyo yonke imicabango yakhe akulandawo kaNkulunkulu.

AmaHubo 119:12

Udumo kalube kuwe, Oh Thixo; ngifundisa izimemezelo zakho.

AmaHubo 27:8

Ithi inhliziyo yami Ngawe, “Dinga ubuso bakhe!” Ubuso Bakho, Thixo ngizabudinga.

AmaHubo 34:4

Ngamdinga uThixo wangiphendula; wangikhulula kukho konke engangikwesaba.

AmaHubo 37:4

Zithokozise kuThixo Yena uzakupha izifiso zenhliziyo yakho.

AmaHubo 50:15

njalo lize kimi mhla lisekuhluphekeni; ngizalikhulula, lani lizangidumisa.”

AmaHubo 69:32

Abayanga bazabona bajabule lina elimdingayo uNkulunkulu, sengathi inhliziyo zenu zingaphila!

AmaHubo 70:4

Kodwa akuthi bonke abakudingayo bathokoze bajabule kuwe; akuthi labo abathanda insindiso yakho bahlale besithi, “uThixo kadunyiswe!”

AmaHubo 86:5

Uyathethelela njalo ulungile, Oh Thixo, ugcwele uthando kulabo abakhuleka kuwe.

Izaga 8:17

Ngiyabathanda labo abangithandayo, labo abangidingayo bayangithola.

Ingoma 3:2

Sengivuka manje ngizulazule phakathi kwedolobho, emigwaqweni lasemagcekeni alo; ngizalibhudula ngidinga othandwa yinhliziyo yami. Kanjalo ngamdinga kodwa angaze ngamthola.

U-Isaya 30:19

Awu bantu baseZiyoni, abahlala eJerusalema, alisayikulila. UThixo uzakuba lomusa kini nxa licela usizo. Uzaliphendula khonokho nje ekulizweni kwakhe.

UJeremiya 33:3

‘Ngibiza ngizakusabela, ngikutshele izinto ezinkulu ezifihlakeleyo ongazaziyo.’

uAmosi 5:4

Nanku okutshiwo nguThixo endlini ka-Israyeli: “Dingani mina, liphile;

UMatewu 18:19

Njalo ngilitshela iqiniso ukuthi nxa ababili kini emhlabeni bevumelana loba ngalutho bani abalucelayo bazalwenzelwa nguBaba osezulwini.

UMatewu 21:22

Nxa likholwa, lizaphiwa loba yini eliyicelayo ngomkhuleko.”

UMatewu 6:33

Kodwa funani kuqala umbuso wakhe lokulunga kwakhe, kuzakuthi-ke zonke lezizinto liziphiwe lazo.

UMatewu 7:11

Nxa lina elibabi likwazi ukupha abantwabenu izipho ezilungileyo, pho uYihlo osezulwini uzabapha kangakanani izipho ezinhle labo abacela kuye!

UMatewu 7:8

Ngoba wonke ocelayo uyaphiwa; odingayo uyafumana; lalowo oqoqodayo uzavulelwa umnyango.

UMakho 11:24

Ngakho ngiyalitshela ukuthi loba kuyini elikucelayo ngomkhuleko, kholwani ukuthi selikwamukele, sekuzakuba ngokwenu.

ULukha 13:25

Angavele aphakame umninindlu avale umnyango lizakuma phandle liqoqode lincenga lisithi, ‘Nkosi, sivulele umnyango.’ Kodwa uzaphendula athi, ‘Kangilazi, kangazi njalo ukuthi livela ngaphi.’

ULukha 18:1

UJesu wasetshela abafundi bakhe umzekeliso ukubatshengisa ukuthi kumele bakhuleke kokuphela bangadinwa.

UJohane 15:16

Kalingikhethanga, kodwa yimi engalikhethayo, ngalibeka ukuze liyethela izithelo, izithelo ezizahlala isikhathi eside ukuze kuthi konke elikucela ngebizo lami uBaba alinike khona.

UJohane 15:7

Nxa lihlala kimi lamazwi ami ehlala kini, celani loba yini eliyifunayo, lizayiphiwa.

UJohane 4:10

UJesu wamphendula wathi, “Aluba ubusazi isipho sikaNkulunkulu lokuthi ungubani lowo ocela ukuthi umnathise, ngabe umcelile wakupha amanzi okuphila.”

AbaseRoma 2:7

Kulabo abaphikelela besenza okuhle bedinga inkazimulo, udumo kanye lokungabhubhi, uzakubanika ukuphila okulaphakade.

AbaseRoma 3:11

kakho ozwisisayo, kakho odinga uNkulunkulu.

AmaHebheru 11:6

Kungelakukholwa akweneliseki ukumthokozisa uNkulunkulu ngoba oza kuye kumele akholwe ukuthi ukhona lokuthi uyabanika umvuzo labo abamdinga ngobuqotho.

UJakhobe 5:15

Umkhuleko owenziwe ngokukholwa uzakwenza lowomuntu ogulayo asile; iNkosi izamvusa. Nxa enze isono, uzathethelelwa.

1 UJohane 3:22

njalo samukela kuye konke esikucelayo ngoba siyayilalela imilayo yakhe senze okumthokozisayo.