UMatewu 5:42 - IBhayibhili Elingcwele LesiNdebele

⁴² Muphe lowo ocela kuwe njalo ungamfulatheli lowo ofuna ukweboleka kuwe.”

iBhayibhili Elingcwele 1978

⁴² Mnike ocela kuwe, ungamfulatheli ofisa ukweboleka kuwe.

UMatewu 5:42 Mawu Ofanana

AmaHubo 37:21

Ababi bayaboleka kodwa kababuyiseli, kodwa abalungileyo bayapha kakhulu;

Izaga 19:17

Olomusa kubayanga upha uThixo, uzamupha umvuzo ngalokho akwenzayo.

Izaga 21:26

Ilanga lonke litshona lifisa okungapheliyo, kodwa abalungileyo bayapha bengagodli.

UmTshumayeli 11:6

Hlanyela inhlanyelo yakho ekuseni, kuthi ntambama uphumuze izandla zakho, ngoba kawukwazi okuzaphumelela, kumbe yilokhu loba yilokhuyana, langabe kokubili kuzalunga ngokufananayo.

UDanyeli 4:27

Ngakho-ke, Oh nkosi, kuhle ukuthi wamukele ukucebisa kwami: Yekela izono zakho wenze okulungileyo, lobubi bakho ube lomusa kwabancindezelweyo. Lapho-ke mhlawumbe ukuphumelela kwakho kungaqhubeka.”

UMatewu 5:41

Nxa omunye ekubamba ngamandla ukuthi uhambe ikhilomitha elilodwa, hamba laye abe mabili.

ULukha 11:41

Ngakho-ke, mayelana lokungaphakathi kwenu, wobani lomusa kwabampofu, lapho-ke konke kuzabe sekuhlanzekile kini.

AbaseRoma 12:20

Esikhundleni salokho: “Nxa isitha sakho silambile, siphe ukudla; nxa somile, sinikeni okunathwayo. Ngokwenza lokhu, lokhela amalahle avuthayo ekhanda laso.”

AmaHebheru 13:16

Njalo lingakhohlwa ukwenza okulungileyo kanye lokwabela abanye ngoba uNkulunkulu uyathokoza ngemihlatshelo enje.

AmaHebheru 6:10

UNkulunkulu ulungile, kasoke awukhohlwe umsebenzi wenu lothando elamtshengisa lona njengoba lasiza abantu bakhe njalo liyaqhubeka libasiza.

UJakhobe 1:27

Ukukholwa okwamukelwa nguNkulunkulu uBaba okuhlambulukileyo njalo kungelasici yilokhu: ukugcina izintandane labafelokazi ekuhluphekeni kwabo, kanye lokuzigcina thina ngokwethu ekungcolisweni ngumhlaba.