UMatewu 20:3 - IBhayibhili Elingcwele LesiNdebele

³ Waphuma njalo ngehola lesificamunwemunye ekuseni wabona abanye bezimele nje emsikeni bengenzi lutho.

iBhayibhili Elingcwele 1978

³ Waphuma ngeawa yesificamunwemunye ekuseni, wabona abanye bemi emdangeni bengelamsebenzi;

UMatewu 20:3 Mawu Ofanana

Izaga 19:15

Ubuvila buletha ubuthongo obukhulu, njalo umuntu owehluleka ukuzenwaya uyalamba.

UHezekhiyeli 16:49

Isono sikadadewenu uSodoma sasiyilesi: Yena lamadodakazi akhe babezigqaja, badla bedlulisa njalo bengakhathali; kababasizanga abayanga labaswelayo.

UMatewu 20:2

Wathembisa ukubaholisa idenari okwalolosuku wasebathumela esivinini sakhe.

UMatewu 20:4

Wabatshela wathi, ‘Lani hambani liyesebenza esivinini sami, ngizaliholisa okufaneleyo.’

UMakho 15:25

Kwakulihola lesithathu isikhathi abambethela ngaso.

Imisebenzi 16:19

Abanikazi bentombazana bathi ngokunanzelela ukuthi ithemba labo lokuzuza imali laselinyamalele, bababamba, uPhawuli loSayilasi babadonsela enkundleni yokuthengisa ukuba bayeqondana leziphathamandla.

Imisebenzi 2:15

Amadoda la kawadakwanga njengokucabanga kwenu. Kuseselihola lesificamunwemunye nje ekuseni!

1 uTimothi 5:13

Langaphandle kwalokho, basuka babe lomkhuba wokuvilapha batshone benquma ngemizi. Njalo kababi ngamavila nje kuphela kodwa bangabanyeyayo labathandi bezindaba zabanye besitsho izinto okungafanelanga bazitsho.

AmaHebheru 6:12

Kasifuni ukuba libe ngamavila kodwa ukuba lilingisele labo okwathi ngokukholwa langokubekezela bathola ilifa lalokhu okwakuthenjisiwe.