UMatewu 17:17 - IBhayibhili Elingcwele LesiNdebele

¹⁷ UJesu waphendula wathi, “Oh, lina sizukulwane esingakholwayo lesonakeleyo. Ngizahlala lani kuze kube nini na? Ngizalibekezelela kuze kube nini na? Mletheni lapha kimi umfana lowo.”

iBhayibhili Elingcwele 1978

¹⁷ UJesu waphendula wathi: O sizukulwana esingakholwayo lesonakeleyo, koze kube nini ngilani na? Koze kube nini ngilibekezelela na? Iletheni kimi.

UMatewu 17:17 Mawu Ofanana

AmaHubo 95:10

Okweminyaka engamatshumi amane ngangisizondele lesosizukulwane; ngathi, “Bangabantu onhliziyo zabo ziyahlanhlatha, njalo kabazazanga izindlela zami.”

U-Eksodasi 10:3

Ngakho oMosi lo-Aroni baya kuFaro bathi kuye, “Nanku okutshiwo nguThixo, uNkulunkulu wamaHebheru: ‘Uzakwala kuze kube nini ukuzithoba phambi kwami? Yekela abantu bami bahambe ukuze bayengikhonza.

U-Eksodasi 16:28

UThixo wasesithi kuMosi, “Kuzaze kube nini lisala ukulandela imithetho lemilayo yami na?

Izaga 1:22

“Koze kube nini lina zithutha lithanda ubuthutha benu na? Koze kube nini izideleli zikholisa ukudelela leziphukuphuku zizonda ulwazi na?

Izaga 6:9

Uzalala khonapho kuze kube nini, vila ndini? Uzavuka nini ebuthongweni bakho?

U-Isaya 19:14

UThixo usethele umoya wesiyezi phakathi kwabo; benza iGibhithe ibhadazele kukho konke ekwenzayo, njengesidakwa sidiyazela emahlanzweni aso.

UJeremiya 4:14

We Jerusalema, geza ububi obusenhliziyweni yakho usindiswe. Koze kube nini ugcine imicabango emibi na?

AmaNani 14:11

UThixo wasesithi kuMosi, “Koze kube nini abantu laba bengeyisa na? Kuzaze kube nini bengangikholwa, loba sengenze izinto ezimangalisayo phakathi kwabo na?

AmaNani 14:27

“Koze kube nini lababantu abangalunganga bekhonona bengisola na? Sengizwile ukusola lokukhonona kwabako-Israyeli.

UMatewu 13:58

Kasenzanga izimangaliso ezinengi khona ngenxa yokusilela kwabo ekukholweni.

UMatewu 16:8

UJesu wakwazi abakukhulumayo wasebuza wathi, “Lina elilokholo oluncinyane, kungani likhulumisana ngokungabi lasinkwa na?

UMatewu 17:16

Ngiyilethile kubafundi bakho kodwa behlulekile ukuyisilisa.”

UMatewu 17:18

UJesu walikhuza idimoni laphuma emfaneni wahle wasila ngalesosikhathi.

UMatewu 6:30

Nxa kuyiyo indlela uNkulunkulu ahlobisa ngayo utshani beganga, obukhona namuhla kodwa kusasa sebuphoselwa emlilweni, pho lina kazukuligqokisa ngcono yini, lina bokukholwa okuncinyane?

UMatewu 8:26

Waphendula wathi, “Lina bokukholwa okuncinyane, kungani lisesaba kangaka?” Wasephakama wawukhuza umoya kanye lamagagasi, kwasekuthula cwaka.

UMakho 16:14

Ngemva kwalokho uJesu wabonakala kwabalitshumi lanye besidla; wabakhuza ngokungakholwa kwabo langobulukhuni benhliziyo zabo bengabakholwa labo ababembonile ngemva kokuvuka kwakhe.

UMakho 9:19

UJesu waphendula wathi, “Oh, lina sizukulwane esingakholwayo, ngizahlala lani kuze kube nini na? Ngilibekezelele kuze kube nini? Mletheni kimi umfana.”

ULukha 24:25

Wathi kubo, “Uthi liyizithutha ezinjani, njalo lilezinhliziyo ezithundubeleyo ekukholweni konke lokho okwakhulunywa ngabaphrofethi!

ULukha 9:41

UJesu waphendula wathi, “Oh, sizukulwane esingakholwayo, esixhwalileyo, ngihlale lani kuze kube nini ngilokhu ngilibekezelela na? Ilethe lapha indodana yakho.”

UJohane 20:27

Wasesithi kuThomasi, “Faka umunwe wakho lapha; bona izandla zami. Yelula isandla sakho usibeke ehlangothini lwami. Yekela ukuthandabuza ukholwe.”

Imisebenzi 13:18

wababekezelela ekuhambeni kwabo okweminyaka engamatshumi amane besenkangala.

Imisebenzi 2:40

Wabaxwayisa langamanye amazwi amanengi; njalo wabancenga wathi, “Zisindiseni kulesisizukulwane esonakeleyo.”

2 AbaseKhorinte 11:1

Ngithemba lizabekezelela okuncane kobuthutha bami; kodwa livele selikwenza lokho.

UDutheronomi 32:5

Sebenze okubi phambi kwakhe; balihlazo kabase bantwabakhe, kodwa isizukulwane esixhwalileyo lesingaqondanga.