UMatewu 15:32 - IBhayibhili Elingcwele LesiNdebele

³² UJesu wabiza abafundi bakhe wathi, “Ngibazwela usizi lababantu; sebehlale lami insuku ezintathu bengadlanga lutho. Angifuni kubakhulula belambile funa bayathe endleleni.”

iBhayibhili Elingcwele 1978

³² UJesu wasebabiza abafundi bakhe, wathi: Ngiyalihawukela ixuku ngoba selilami insuku ezintathu, lingelalutho lokudla. Kangithandi ukuba ngibadabulele belambile, funa baphelelwe ngamandla endleleni.

UMatewu 15:32 Mawu Ofanana

2 AmaKhosi 4:42

Kwafika indoda ethile ivela eBhali-Shalisha, iphathele umuntu kaNkulunkulu izinkwa zebhali ezingamatshumi amabili, zibhekhwe ngezilimo zakuqala. U-Elisha wathi, “Nikani abantu badle.”

UMatewu 12:40

NjengoJona owahlala insuku ezintathu lobusuku obuthathu esiswini senhlanzi enkulu, kanjalo iNdodana yoMuntu izahlala insuku ezintathu lobusuku obuthathu phansi komhlabathi.

UMatewu 14:13

UJesu wathi ekuzwa lokho okwenzakalayo wathi nyelele ngesikepe waya endaweni engelabantu. Amaxuku athi ekuzwa lokhu asuka emadolobheni amlandela ngenyawo.

UMatewu 15:33

Abafundi bakhe bamphendula bathi, “Singakuthatha ngaphi ukudla okwaneleyo endaweni ekhatshana kanje ukuba sisuthise ixuku elingaka na?”

UMatewu 20:34

UJesu wawazwela isihawu wawathinta emehlweni. Masinyane nje ahle abona asemlandela.

UMatewu 27:63

Bathi, “Nkosi, siyakhumbula ukuthi esaphila umkhohlisi loyana wathi yena, ‘Ngemva kwensuku ezintathu ngizavuka kwabafileyo.’

UMatewu 9:36

Wathi ebona amaxuku abantu wawazwela usizi ngoba ayehlukuluzekile njalo ephelelwe, enjengezimvu ezingelamelusi.

UMakho 9:22

Kuhlezi kumphosela emlilweni loba emanzini kufuna ukumbulala. Kodwa nxa kukhona ongakwenza ake usihawukele usisize.”

ULukha 7:13

Kwathi uJesu embona umfelokazi, wamhawukela wathi kuye, “Ungakhali.”

Imisebenzi 27:33

Sekubanga emathathakusa, uPhawuli wabakhuthaza bonke ukuthi badle. Wathi, “Okwensuku ezilitshumi lane ezidluleyo belihlezi libambe amaphaphu enu; lisehluleka lokudla; kalizange lidle lutho.

AmaHebheru 4:15

Ngoba kasilamphristi omkhulu onganelisiyo ukusizwela ebuthakathakeni bethu kodwa silaye oseke walingwa ngezindlela zonke njengathi kodwa akazange one.