UMatewu 13:24 - IBhayibhili Elingcwele LesiNdebele

²⁴ UJesu wabatshela omunye umzekeliso wathi, “Umbuso wezulu unjengomuntu owahlanyela inhlanyelo enhle ensimini yakhe.

iBhayibhili Elingcwele 1978

²⁴ Wabeka phambi kwabo omunye umfanekiso esithi: Umbuso wezulu ufaniswa lomuntu owahlanyela inhlanyelo enhle ensimini yakhe;

UMatewu 13:24 Mawu Ofanana

U-Isaya 28:10

Ngoba kumi kanje: Yenza lokhu, yenza lokhuya, umthetho walokhu, umthetho walokhuya; ingcosana lapha, lengconsana laphayana.”

U-Isaya 28:13

Ngakho ilizwi likaThixo kubo lizakuba ngelithi: Yenza lokhu, yenza lokhuya, umthetho walokhu, umthetho walokhuya, ingcosana lapha, ingcosana laphaya, ukuze bahambe bawe nyovane, balimale, bathiywe, bathunjwe.

UHezekhiyeli 17:2

“Ndodana yomuntu, yenza umzekeliso utshele indlu yako-Israyeli umfanekiso.

UMatewu 13:19

Nxa umuntu esizwa ilizwi ngombuso kodwa engabambisisi, omubi uyeza ahwithe lokho obekuhlanyelwe enhliziyweni yakhe. Yiyo le inhlanyelo eyahlanyelwa endleleni.

UMatewu 13:25

Kodwa kwathi ngesikhathi wonke umuntu elele, isitha sakhe seza sahlanyela ukhula phakathi kwengqoloyi, sahamba.

UMatewu 13:31

Wabatshela omunye umzekeliso wathi, “Umbuso wezulu ufana lentanga yemastadi eyathathwa ngenye indoda yayihlanyela ensimini yayo.

UMatewu 13:33

Waphinda wabatshela omunye umzekeliso wathi, “Umbuso wezulu ufana lemvubelo eyathathwa ngowesifazane wayixubanisa lempuphu enengi, yabila yagcwala inhlama yonke.”

UMatewu 13:37

Waphendula wathi, “Lowo owahlanyela inhlanyelo enhle yiNdodana yoMuntu.

UMatewu 13:47

“Futhi umbuso wezulu ufana lomambule owehliselwa phansi echibini wagola zonke inhlobo zezinhlanzi.

UMatewu 18:23

Ngakho umbuso wezulu unjengenkosi eyayifuna ukuqeda izikwelede zayo lezinceku zayo.

UMatewu 20:1

“Ngoba umbuso wezulu unjengomlimi owaphuma ekuseni kakhulu wayaqhatsha amadoda okusebenza esivinini sakhe.

UMatewu 21:33

“Zwanini omunye umzekeliso: Kwakukhona umnini wesiqinti owahlanyela isivini. Wasihonqolozela ngomduli, wagebha isikhamelo sewayini phakathi, wasesakha isilindo. Waseqhatshisa isivini leso kubalimi wasuka wathatha uhambo.

UMatewu 22:2

“Umbuso wezulu unjengenkosi eyalungisela indodana yayo idili lomthimba.

UMatewu 25:1

“Kulesosikhathi umbuso wezulu uzakuba njengezintombi ezigcweleyo ezilitshumi ezathatha izibane zazo zaphuma ukuyahlangabeza umyeni.

UMatewu 3:2

esithi, “Phendukani ngoba umbuso wezulu ususondele.”

UMatewu 4:23

UJesu wahamba kulolonke iGalile efundisa emasinagogweni abo, etshumayela izindaba ezinhle zombuso, esilisa zonke izifo lemikhuhlane ebantwini.

ULukha 13:18

UJesu wasebuza wathi, “Umbuso kaNkulunkulu ufana lani na? Kambe ngiwulinganise lani?

ULukha 13:20

Waphinda wabuza wathi, “Ngiwufanise lani umbuso kaNkulunkulu na?

AbaseKholose 1:5

Ukukholwa lothando okuvela ethembeni eligcinelwe lina ezulwini, eselezwa ngalo elizwini leqiniso, elilivangeli

1 UPhethro 1:23

Ngoba selizelwe kutsha, kungasikho ngenhlanyelo ebolayo, kodwa ngengaboliyo, ngelizwi eliphilayo eliqinileyo likaNkulunkulu.