UMatewu 11:16 - IBhayibhili Elingcwele LesiNdebele

¹⁶ Kambe ngingasifanisa lani isizukulwane lesi na? Banjengabantwana abahlezi emikambo bememeza abanye besithi:

iBhayibhili Elingcwele 1978

¹⁶ Kodwa ngizakusifanisa lani lesisizukulwana na? Sifana labantwana abahlezi emidangeni bememeza abanye besithi:

UMatewu 11:16 Mawu Ofanana

Izililo 2:13

Kambe ngingathini kuwe na? Ngingakulinganisa lani, wena Ndodakazi yaseJerusalema? Kambe ngingakufanisa lani ukuze ngikududuze, wena Ndodakazi eGcweleyo yaseZiyoni? Inxeba lakho lizike njengolwandle. Ngubani ongakwelapha na?

UMatewu 11:15

Lowo olendlebe zokuzwa, kezwe.

UMatewu 11:17

‘Salitshayela umhubhe, kodwa kaligidanga; salihlabelela ingoma yesililo kodwa kalililanga.’

UMatewu 12:34

Lina nzalo yezinyoka, lingakukhuluma kanjani okuhle lina libabi na? Ngoba lokho okusenhliziyweni yikho umlomo okukhulumayo.

UMatewu 23:36

Ngilitshela iqiniso, konke lokhu kuzakuba phezu kwalesi isizukulwane.

UMatewu 23:7

bathanda ukubingelelwa emisikeni lokuthi abantu bababize ngokuthi ‘Rabi.’

UMatewu 24:34

Ngilitshela iqiniso, lesisizukulwane kasiyikudlula zize zenzakale zonke lezizinto.

UMakho 12:38

Wathi elokhu efundisa, uJesu wathi, “Libananzelele abafundisi bomthetho. Bathanda ukuhambahamba becece ngezembatho ezinde eziphephezelayo lokube bebingelelwa emisikeni,

UMakho 4:30

Waphinde wathi, “Sizakuthi umbuso kaNkulunkulu unjengani, kumbe sizasebenzisa umzekeliso bani ukuwuchaza?

ULukha 11:43

Maye kini baFarisi, ngoba lithanda izihlalo eziqakathekileyo emasinagogweni njalo lithanda lokubingelelwa ezindaweni zokuthengisela.

ULukha 13:18

UJesu wasebuza wathi, “Umbuso kaNkulunkulu ufana lani na? Kambe ngiwulinganise lani?