ULevi 22:3 - IBhayibhili Elingcwele LesiNdebele

³ Batshele ukuthi, ‘Kuzozonke izizukulwane ezizayo, nxa ekhona ozabe engahlanzekanga ngokomkhuba kodwa ajinge asondele eminikelweni engcwele, abako-Israyeli abayihlukanisela uThixo, lowomuntu kasuswe ebusweni bami. Mina nginguThixo.

iBhayibhili Elingcwele 1978

³ Tshono kibo uthi: Uba umuntu owenzalo yenu ezizukulwaneni zenu esondela esengcolile ezintweni ezingcwele, abantu bakoIsrayeli abazinikela eNkosini, lowo uzakukhutshwa phambi kwami. NgiyiNkosi.

ULevi 22:3 Mawu Ofanana

U-Ezra 8:28

Ngathi kubo, “Lina kanye lempahla lezi lingcwelisiwe eNkosini. Isiliva legolide kungumnikelo wokuzithandela kuThixo, uNkulunkulu wabokhokho benu.

AmaHubo 16:11

Usungazisile indlela yempilo; uzangigcwalisa ngokuthaba phambi kwakho, ngenjabulo engapheliyo kwesokunene sakho.

AmaHubo 51:11

Ungangilahli ebusweni bakho kumbe ususe kimi uMoya oNgcwele.

U-Eksodasi 30:33

Lowo ozakwenza amakha afana lawo kumbe agcobe ngawo umuntu ongasuye mphristi, uzasuswa ebantwini bakibo.’ ”

ULevi 22:2

“Tshela u-Aroni lamadodana akhe bahloniphe iminikelo abako-Israyeli abayinikela kimi ukuze bangadumazi ibizo lami elingcwele. Mina nginguThixo.

AmaNani 19:13

Lowo othinta isidumbu sofileyo abesesehluleka ukuzihlambulula ungcolisa ithabanikeli likaThixo. Lowomuntu kumele axotshwe kwabako-Israyeli. Ngenxa yokuthi kachelwanga ngamanzi okuhlambulula, ungongcolileyo; uzahlala engcolile.

UMatewu 25:41

INkosi izakuthi kulabo abakwesokhohlo sayo, ‘Xekani kimi lina eliqalekisiweyo liye emlilweni ongapheliyo owalungiselwa uSathane lezingilosi zakhe.

2 AbaseThesalonika 1:9

Bazajeziswa ngokubhujiswa okulaphakade, bavalelwe ngaphandle kobukhona beNkosi lasenkazimulweni yamandla ayo