UHosiya 13:3 - IBhayibhili Elingcwele LesiNdebele

³ Ngakho bazakuba njengenkungu yekuseni, njengamazolo ekuseni anyamalalayo, njengamakhoba asuka ezizeni, njengentuthu iphuma ewindini.

iBhayibhili Elingcwele 1978

³ Ngalokhoke bazakuba njengenkungu yasekuseni, babe njengamazolo aphela ekuseni, njengomule ophephuka esizeni, njengentuthu ethunqa ngetshimini.

UHosiya 13:3 Mawu Ofanana

UJobe 21:18

Kukangaki besiba njengomule emoyeni na, njengamakhoba ephetshulwa yisivunguzane?

UJobe 30:15

Ukwesaba okukhulu kungiphethe; isithunzi sami sobuntu singathi siphethwe ngumoya, ukuvikeleka kwami kunyamalala njengeyezi.

AmaHubo 1:4

Ababi kabanjalo! Banjengamakhoba aphetshulwa ngumoya.

AmaHubo 68:2

Njengentuthu iphetshulwa ngumoya lawe baphephulele kude; njengengcino encibilikiswa ngumlilo, ababi kababhubhe phambi kukaNkulunkulu.

U-Isaya 17:13

Lanxa izizwe zihuba njengokugubhuza kwamanzi, nxa ezikhuza zibalekela khatshana, njengamakhoba ephetshulwa ngumoya emaqaqeni, lanjengothuli olubangwa yisivunguzane.

UDanyeli 2:35

Kwasekusithi insimbi, lebumba, lethusi, lesiliva kanye legolide kwachobozeka kwaba yizicucu kanyekanye kwaba njengomule esizeni ehlobo. Umoya waziphephula izicucu wazikhucula du. Kodwa ilitshe elagxoba isithombe laba yintaba enkulu yagcwala umhlaba wonke.

UHosiya 6:4

“Ngingenzani ngawe, Efrayimi na? Ngingenzani ngawe, Juda na? Uthando lwenu lunjengenkungu yekuseni, lunjengamazolo ekuseni anyamalalayo.

UZefaniya 2:2

isikhathi esimisiweyo singakafiki losuku ludlule njengamakhoba, ukuthukuthela okwesabekayo kukaThixo kungakafiki kuwe, usuku lolaka lukaThixo lungakafiki kuwe.

UZakhariya 8:12

“Inhlanyelo izakhula kuhle, ivini lizakhupha izithelo zalo, umhlabathi uzakhulisa amabele, lamazulu azakwehlisa amazolo awo. Zonke lezizinto ngizazinika njengelifa kwabayinsalela yalababantu.