UHosiya 10:3 - IBhayibhili Elingcwele LesiNdebele

³ Ngakho bazakuthi, “Thina kasilankosi ngoba kasimhloniphanga uThixo. Kodwa loba sasingaba lenkosi, kuyini eyayingasenzela khona?”

iBhayibhili Elingcwele 1978

³ Ngoba khathesi sebezakuthi: Kasilankosi thina, ngoba kasiyesabi iNkosi uNkulunkulu; inkosike ingasenzelani na?

UHosiya 10:3 Mawu Ofanana

UGenesisi 49:10

Intonga yobukhosi kayiyikusuka kuJuda, loba umqwayi wombusi phakathi kwezinyawo zakhe, aze ayofika kumnini wayo lokulalela kwezizwe kukuye.

2 AmaKhosi 15:13

UShalumi indodana kaJabheshi waba yinkosi ngomnyaka wamatshumi amathathu lesificamunwemunye ka-Uziya inkosi yakoJuda, yena wabusa eSamariya okwenyanga eyodwa.

AmaHubo 118:9

Kungcono ukuphephela kuThixo kulokuthemba amakhosana.

AmaHubo 12:4

oluthi, “Sizanqoba ngendimi zethu; izindebe zethu zizasilwela ngubani oyinkosi yethu na?”

U-Isaya 5:19

kulabo abathi, “UNkulunkulu kaphangise, kaphangisise umsebenzi wakhe ukuze siwubone. Kalisondele icebo loNgcwele ka-Israyeli kalize ukuze silazi.”

UHosiya 10:15

Kuzakwenzakala kanjalo lakuwe, wena Bhetheli, ngoba ukuxhwala kwakho kukhulu. Lapho lolosuku lusisa, inkosi yako-Israyeli izachithwa okupheleleyo.”

UHosiya 10:7

ISamariya lenkosi yakhona kuzabhujiswa kuzakhukhulwa kuhambe njengogatshanyana phezu kwamanzi.

UHosiya 11:5

Kabayikubuyela eGibhithe na, njalo i-Asiriya kayiyikubabusa na njengoba besala ukuphenduka?

UHosiya 13:10

Ingaphi inkosi yakho, ukuba ikusize na? Bangaphi ababusi bakho kuwo wonke amadolobho akho, bona owathi ngabo, ‘Ngipha inkosi lababusi’?

UHosiya 13:11

Ngakho ngakunika inkosi ngithukuthele, njalo ngolaka lwami ngayisusa.

UHosiya 3:4

Ngoba abako-Israyeli bazahlala insuku ezinengi bengelankosi kumbe inkosana, bengelamhlatshelo kumbe amatshe angcwele, bengelasembatho semahlombe kumbe isithombe.

UMikha 4:9

Kungani khathesi usukhala kakhulu, kawulankosi na? Umeluleki wakho usebhubhile na, ukuba uphathwe yibuhlungu obunjengowesifazane ohelelwayo?

UJohane 19:15

Kodwa amemeza athi, “Msuse! Msuse! Mbethele!” UPhilathu wabuza wathi, “Ngibethele inkosi yenu na?” Abaphristi abakhulu bamphendula bathi, “Kasilankosi ngaphandle kukaKhesari.”

1 USamuyeli 12:25

Kodwa lingaphikelela ukwenza okubi, lina lenkosi yenu lizakhukhulwa.”