UDutheronomi 10:3 - IBhayibhili Elingcwele LesiNdebele

³ Ngakho ngenza ibhokisi lesivumelwano ngezigodo zesihlahla somʼakhakhiya ngasengibaza izibhebhedu ezimbili zamatshe ezifanana lezakuqala, ngasengikhwela entabeni ngiphethe lezo zibhebhedu ezimbili.

iBhayibhili Elingcwele 1978

³ Ngasengisenza umtshokotsho ngesihlahla somvagazi, ngabaza amatshe amabili anjengawokuqala, ngakhwela entabeni ngiphethe lawomatshe womabili.

UDutheronomi 10:3 Mawu Ofanana

U-Eksodasi 25:10

“Kabenze umtshokotsho ngezigodo zesihlahla somʼakhakhiya, ubude bawo kube zingalo ezimbili ezilengxenye, ububanzi kube yingalo elengxenye njalo ukuyaphezulu kwawo kube yingalo elengxenye.

U-Eksodasi 25:5

izikhumba zenqama eziphendulwe ngomphendulo obomvu, kanye lezikhumba zezinyamazana eziqinileyo, lezigodo zesihlahla somʼakhakhiya,

U-Eksodasi 34:4

Ngakho uMosi wabaza izibhebhedu zamatshe ezimbili zaba njengezakuqala, wakhwela entabeni iSinayi ekuseni kakhulu njengokulaywa kwakhe nguThixo ephethe izibhebhedu ezimbili zamatshe ezandleni zakhe.

U-Eksodasi 38:6

Imijabo bayenza ngezigodo zesihlahla somʼakhakhiya bazihuqa ngethusi.

UDutheronomi 10:1

“Ngalesosikhathi uThixo wathi kimi, ‘Baza ezinye izibhebhedu zamatshe ezimbili zifanane lezakuqala uze lazo kimi entabeni. Uphinde njalo wenze ibhokisi ngezigodo.

AmaHebheru 9:4

eyayile-alithare lokutshisela impepha elalihuqwe ngegolide kanye lomtshokotsho wesivumelwano owawuhuqwe ngegolide. Umtshokotsho wakhona wawulembizanyana yemana, lentonga ka-Aroni eyahlumayo kanye lezibhebhedu zamatshe esivumelwano.