UDanyeli 12:13 - IBhayibhili Elingcwele LesiNdebele

¹³ “Kodwa wena, zihambele nje kuze kube sekucineni. Uzaphumula, besekusithi ekucineni kwensuku uzavuka ukuba wamukele elakho ilifa olabelweyo.”

iBhayibhili Elingcwele 1978

¹³ Hambake kuze kube sekupheleni; usuphumule, uzavuka ukuba uzuze okufaneleyo ekupheleni kwesikhathi.

UDanyeli 12:13 Mawu Ofanana

AmaHubo 1:5

Ngakho ababi kabayikuma ekwahlulelweni, noma izoni enkundleni yabalungileyo.

AmaHubo 16:5

Thixo, usungahlukanisele isabelo sami kanye lenkezo yami; konke okwami usukumise kuhle.

AmaHubo 16:9

Ngakho-ke inhliziyo yami iyathokoza lolimi lwami luyajabula; lomzimba wami uzaphumula uvikelekile,

U-Eksodasi 33:14

UThixo waphendula wathi, “NgoBukhona bami ngizahamba lawe ngikuphumuze.”

UDanyeli 12:3

Labo abahlakaniphileyo bazakhazimula njengokubenyezela kwamazulu, lalabo abaholela abanengi ekulungeni, bazakhazimula njengezinkanyezi okwanini lanini.

UDanyeli 12:4

Kodwa wena Danyeli, vala ungcine amazwi omgoqwancwadi kuze kube yisikhathi sokucina. Abanengi bazakuya lapha lale ukwandisa ulwazi.”

UZakhariya 3:7

“Nanku akutshoyo uThixo uSomandla: ‘Nxa uzahamba ngezindlela zami ugcine izimiso zami, lapho-ke uzabusa indlu yami, uwaphathe lamaguma ami, njalo mina ngizakupha indawo phakathi kwalaba abemiyo lapha.

UMatewu 19:28

UJesu wathi kubo, “Ngilitshela iqiniso ukuthi, emhlabeni omutsha, lapho iNdodana yoMuntu isihlezi esihlalweni sobukhosi, lina elingilandelayo lani lizahlala ezihlalweni zobukhosi ezilitshumi lambili, lahlulele izizwana ezilitshumi lambili zako-Israyeli.

ULukha 21:36

Hlalani lilindile, likhulekele ukuthi liphephe kukho konke osekuzakwenzeka masinyane, lokuthi libe lamandla okuma phambi kweNdodana yoMuntu.”

2 AbaseKhorinte 5:1

Siyakwazi ukuthi nxa ithente lethu lasemhlabeni lidilizwa, silesakhiwo esivela kuNkulunkulu, indlu yaphakade ezulwini, engakhiwanga ngezandla zabantu.

2 AbaseThesalonika 1:7

alinike kanye lathi ukuhlaliseka lina elihlutshwayo. Lokhu kuzakwenzakala lapho iNkosi uJesu isibonakaliswa ezulwini phakathi komlilo ovuthayo ilezingilosi zayo ezilamandla.

Isambulo 14:13

Ngasengisizwa ilizwi livela ezulwini lisithi, “Loba ukuthi: Babusisiwe abafileyo befela eNkosini kusukela khathesi kusiya phambili.” “Yebo,” kutsho uMoya, “bazaphumula ekutshikatshikeni kwabo ngoba izenzo zabo zizabalandela.”