Izililo 3:43 - IBhayibhili Elingcwele LesiNdebele

⁴³ Uzigubuzele ngolaka waxhumana lathi; ubhubhisile ungelazwelo.

iBhayibhili Elingcwele 1978

⁴³ Wena uthukuthele, waxotshana lathi, wasibulala ungelasihawu.

Izililo 3:43 Mawu Ofanana

AmaHubo 44:19

Kodwa wasichoboza saba yikudla kwamaganyane, wasembesa ngomnyama omkhulu.

AmaHubo 80:5

Usubafunzile ngesinkwa sezinyembezi; ubenze banatha inyembezi ezigcwele umganu.

AmaHubo 83:15

kanjalo basukele ngesivunguvungu sakho ubethuse ngesiphepho sakho.

Izililo 2:17

UThixo usekwenzile ayekuhlosile; useligcwalisile ilizwi lakhe, alikhuluma kudala. Ukuwisile engakuzweli usizi, uvumele isitha santela phezu kwakho, uluphakamisile uphondo lwezitha zakho.

Izililo 2:21

Abatsha labadala babhazalele ndawonye ebhuqwini lwemigwaqo; izinsizwa zami lezintombi zibulewe ngenkemba. Ubabulele ngosuku lokuthukuthela kwakho; awaze waba lesihawu lapho ubabulala.

Izililo 3:66

Xhumana labo ngolaka, ubabhubhise ngaphansi kwamazulu kaThixo.

Izililo 3:8

Kuthi lanxa ngimemeza loba ngidinga usizo, awuvalele phandle umkhuleko wami.

UHezekhiyeli 7:9

Kangiyikulikhangela ngesihawu, kangiyikuliyekela, ngizalinika umvuzo ngokumayelana lezenzo zenu kanye lokwenza okunengekayo phakathi kwenu. Lapho-ke lizakwazi ukuthi yimi mina Thixo otshayayo.

UHezekhiyeli 8:18

Ngakho ngizabaphatha ngentukuthelo; angiyikuba lesihawu kubo ngibayekele. Lanxa sebeklabalalela ezindlebeni zami, kangiyikubalalela.”

UHezekhiyeli 9:10

Ngakho angiyikuba lesihawu kubo kumbe ngibayekele, kodwa lokhu abakwenzileyo ngizakwehlisela phezu kwamakhanda abo.”