Izililo 3:26 - IBhayibhili Elingcwele LesiNdebele

²⁶ kuhle ukulinda ngokuthula, ukulindela insindiso kaThixo.

iBhayibhili Elingcwele 1978

²⁶ Kuhle ukuyithemba, lokulindela ngokuthula ukukhulula kwayo.

Izililo 3:26 Mawu Ofanana

UGenesisi 49:18

Ngilindele ukuhlenga kwakho, Oh Thixo.

2 ImiLando 20:17

Aliyikuyilwa limpi. Lunganini ezindaweni; lime ngesibindi lizabona ukuhlenga kukaThixo azalenzela khona, Oh lina bakaJuda lani beJerusalema. Lingesabi, lingadangali. Phumani kusasa liyehlasela, uThixo uzakuba lani.’ ”

AmaHubo 119:166

Ngiyilindele insindiso yakho, Oh Thixo njalo ngiyayilandela imilayo yakho.

AmaHubo 119:174

Ngilangazelela insindiso yakho, Oh Thixo ngoba umthetho wakho uyinjabulo yami.

AmaHubo 130:5

Ngiyamlindela uThixo, umphefumulo wami uyalinda, ngibeka ithemba lami elizwini lakho.

AmaHubo 37:34

Lindelani uThixo ligcine indlela yakhe. Uzaliphakamisa lilithathe ilifa lelizwe; lizakubona lokhu nxa ababi sebesusiwe.

AmaHubo 37:7

Chuma phambi kukaThixo umlindele ngesineke; ungakhathazeki nxa abantu bephumelela ngezindlela zabo, nxa bephutshisa amaqhinga abo amabi.

AmaHubo 52:9

Ngizakudumisa lanini ngalokho okwenzileyo; ngizathemba ebizweni lakho, ngoba lihle ibizo lakho. Ngizakudumisa phambi kwabangcwele bakho.

AmaHubo 54:6

Ngizakwenzela umhlatshelo owomnikelo wokuzithandela; ngizalidumisa ibizo lakho, Thixo, ngoba lihle.

AmaHubo 62:2

Yena yedwa uyilo idwala lami lensindiso yami; uyinqaba yami, kangisoze ngihlukunyezwe lanini.

AmaHubo 73:28

Kodwa mina kimi kuhle ukuba seduze loNkulunkulu. Sengenze uThixo Wobukhosi isiphephelo sami; ngizafakaza ngazozonke izenzo zakho.

AmaHubo 92:1

Kuhle ukudumisa uThixo lokuhlabelela ebizweni lakho, wena oPhezukonke,

U-Eksodasi 14:13

UMosi wabaphendula abantu wathi, “Lingesabi. Manini isibindi, lizabona ukuthi uThixo uzalihlenga njani lamuhla. AmaGibhithe eliwabonayo lamuhla kalisoze liphinde liwabone futhi.

U-Eksodasi 14:14

UThixo uzalilwela; lina manini lithule.”

U-Isaya 30:15

Lokhu yikho okutshiwo nguThixo Wobukhosi, oNgcwele ka-Israyeli, ukuthi: “Ukusindiswa kwenu kusekuphendukeni lekuphumuleni, amandla enu asekuthuleni lekwethembeni, kodwa likwalile lokhu.

U-Isaya 30:7

Zisiwa eGibhithe osizo lwayo lungelamsebenzi. Ngakho ngiyibiza ngokuthi nguRahabi ivilavoxo.

U-Isaya 7:4

Lithi kuye, ‘Nanzelela, hlala ngokuthula, njalo ungesabi. Inhliziyo yakho kayingadeli ngenxa yolaka olwesabekayo lukaRezini lo-Aramu lolwendodana kaRemaliya.’ ”

UJeremiya 14:22

Zikhona yini izithombe eziyize zezizwe ezinganisa izulu na? Imikhathi yona ngokwayo iyalinisa izulu na? Hatshi, nguwe, Thixo Nkulunkulu wethu. Ngakho ithemba lethu likuwe, ngoba nguwe owenza konke lokhu.

Izililo 3:27

Kuhle ukuthi umuntu alithwale ijogwe ngesikhathi esesemutsha.

UHabhakhukhi 2:3

Ngoba isibonakaliso silindela isikhathi esimisiweyo; sikhuluma ngesiphetho njalo kasiyikuba ngamanga. Lanxa siphuza, silindele; sizafika impela njalo kasiyikuphuza.

AbaseGalathiya 4:18

Ukutshiseka kulungile nxa injongo inhle, lokuba kube njalo kokuphela, hatshi kuphela nxa ngilani.

AmaHebheru 10:35

Ngakho lingalilahli ithemba lenu; lizavuzwa ngokunengi.

AmaHebheru 3:14

Ngoba sesingabahlanganyelayo kuKhristu nxa sibambelele ngokuqina kuze kuphele ithemba esasilalo kuqala.

1 UPhethro 1:13

Ngakho-ke, lungiselani ingqondo zenu okungenziwa; zithibeni; bekani ithemba lenu ngokupheleleyo emuseni elizawuthola lapho uJesu Khristu esebonakaliswa.