Izililo 2:16 - IBhayibhili Elingcwele LesiNdebele

¹⁶ Zonke izitha zakho zikukhamisele imilomo; ziyakuhleka zikugedlela amazinyo zisithi, “Sesimnqobile. Selize lafika ilanga esasililindele; kade salilindela.”

iBhayibhili Elingcwele 1978

¹⁶ Zonke izitha zakho ziyakuklolodela, ziyancifa, zigedle amazinyo azo zithi: Siwuchithile; lolu yilo usuku ebesilulindele; sesilufumene, silubonile.

Izililo 2:16 Mawu Ofanana

AmaHubo 109:2

ngoba abantu ababi abalenkohliso bayivulile imilomo yabo bekhuluma ngami; bakhuluma bengigcona ngendimi zabo zamanga.

AmaHubo 112:10

Umuntu omubi uzakubona lokhu afuthelane, uzagedla amazinyo akhe, acikizeke emzimbeni; izinkanuko zababi zizaphetha ziyize.

AmaHubo 124:3

lapho ulaka lwabo lwalutshisa ngathi ngabe basiginya siphila;

AmaHubo 22:13

Izilwane ezibhongayo ezibamba zidabudabule zingikhamisela imilomo yazo.

AmaHubo 35:16

Bakloloda ngomona njengabangakholwayo; bangigedlela amazinyo abo.

AmaHubo 35:21

Bangikhamisela imilomo bathi, “Hiya belo! Sizibonele ngawethu amehlo la.”

AmaHubo 35:25

Ungabayekeli bacabange bathi, “Ehe, yikho ebesikufuna!” loba bathi, “Sesimginyile.”

AmaHubo 37:12

Ababi baceba ukulimaza abalungileyo babagedlele amazinyo;

AmaHubo 41:8

“Usengenwe ngumkhuhlane omubi; kasoze asile avuke futhi.”

AmaHubo 56:2

Labo abangigconayo baxotshana lami ilanga lonke; abanengi bangihlasela bekloloda.

AmaHubo 57:3

Uyathumela esezulwini angisindise, abakhwazele labo abafuna ukungilimaza. UNkulunkulu uyehlisa uthando lwakhe lokwethembeka kwakhe.

U-Isaya 49:19

Lanxa nje wadilizwa waba lunxiwa lelizwe lakho lachithwa, khathesi uzakuba mncane kakhulu ebantwini bakho; lalabo abakuchithayo bazakuba khatshana.

UJeremiya 26:6

ngizakwenza indlu le ibe njengeShilo ledolobho leli libe yinto yokuqalekiswa phakathi kwezizwe zonke zomhlaba.’ ”

UJeremiya 29:18

Ngizaxotshana labo ngenkemba, ngendlala langesifo njalo ngizabenza benyanyeke kuyo yonke imibuso yasemhlabeni njalo babe yinto yokuqalekiswa lokwesatshwa, ukuklolodelwa lokuthukwa, phakathi kwezizwe zonke engibaxotshela kuzo.

UJeremiya 50:17

U-Israyeli ungumhlambi ohlakazekileyo oxotshwe yizilwane. Owaqalayo ukumudla yinkosi yase-Asiriya; owacinayo ukuqhoba amathambo akhe nguNebhukhadineza inkosi yaseBhabhiloni.”

UJeremiya 50:7

Loba ngubani owabatholayo wabadla; izitha zabo zathi, ‘Kasilacala, ngoba benza okubi kuThixo, idlelo labo eliqotho, uThixo, ithemba laboyise.’

UJeremiya 51:34

“UNebhukhadineza inkosi yaseBhabhiloni usesidlile, usesenze saphambana amakhanda, usesenze saba yimbiza engelalutho. Usesiginyile njengenyoka, wagcwalisa isisu sakhe ngezibiliboco zethu, wasesihlanza futhi.

Izililo 1:21

Abantu bakuzwile ukububula kwami, kodwa kakho ongangiduduza. Zonke izitha zami zikuzwile ukuhlupheka kwami; ziyathokoza ngalokhu okwenzileyo. Sengathi ungalufikisa lolusuku owalumisayo, ukuze labo babe njengami.

Izililo 3:46

Izitha zethu zonke zivule imilomo yazo zezwakala zisihoza.

UHezekhiyeli 23:32

Nanku okutshiwo nguThixo Wobukhosi: Uzanatha inkezo kadadewenu, inkezo enkulu ezikileyo futhi; izaletha ukuhlekwa lokuklolodelwa, ngoba ithwele lukhulu.

UHezekhiyeli 25:15

“Nanku okutshiwo nguThixo Wobukhosi: ‘Ngoba amaFilistiya enza impindiselo njalo aphindisela ngolunya ezinhliziyweni zawo, njalo ngenzondo yasendulo afuna ukuchitha uJuda,

UHezekhiyeli 25:3

Tshono kuwo uthi, ‘Zwanini ilizwi likaThixo Wobukhosi. Nanku okutshiwo nguThixo Wobukhosi: Ngoba lina lathi “Aha!” ngendlu yami engcwele lapho yayingcolisiwe langelizwe lako-Israyeli lapho lalichithiwe kanye langabantu bakoJuda lapho babethunjiwe,

UHezekhiyeli 25:6

Ngoba nanku okutshiwo nguThixo Wobukhosi: Ngoba liqakeze izandla zenu lagida langezinyawo zenu, lithokoza ngabo bonke ububi benhliziyo yenu ngelizwe lako-Israyeli,

UHezekhiyeli 36:3

Ngakho-ke phrofetha uthi, ‘Nanku okutshiwo nguThixo Wobukhosi: Ngoba baliphanga njalo balixotsha bevela ezinhlangothini zonke laze laba yilifa lezinye izizwe lento yokunyeywa lokuchothozwa ngabantu,

UHezekhiyeli 5:15

Uzakuba lihlazo lenhlekisa, isixwayiso lento eyesabekayo ezizweni ezikuhanqileyo lapho sengibeka isijeziso phezu kwakho ngentukuthelo langolaka, ngikhuza kabuhlungu. Mina Thixo sengikhulumile.

UHosiya 8:8

U-Israyeli useginyiwe; khathesi phakathi kwezizwe unjengento engelasizo.

UMikha 4:11

Kodwa khathesi izizwe ezinengi zikujamele. Zithi, “Kangcoliswe, lamehlo ethu kawahawukele iZiyoni!”

Imisebenzi 7:54

Amalunga eSanihedrini esekuzwile lokhu azonda, afuthelana, amgedlela amazinyo.