Izililo 1:13 - IBhayibhili Elingcwele LesiNdebele

¹³ Wehlisa umlilo uvela phezulu, wawehlisela phakathi kwamathambo ami. Wangithiya ezinyaweni ngomambule, wangibuyisela emuva. Wangenza ngaba lesizungu, ngaswela amandla ilanga lonke.

iBhayibhili Elingcwele 1978

¹³ Iphezulu ithumele umlilo, yawehlisela emathanjeni ami. Yathiya inyawo zami ngembule, yangibuyisela emuva. Yangitshiya ngithithibele, ngiphele amandla usuku lonke.

Izililo 1:13 Mawu Ofanana

UJobe 18:8

Inyawo zakhe zimbeka emambuleni acine esemthandele.

UJobe 19:6

yazini ukuthi uNkulunkulu ungonile wangithandela ngomambule wakhe.

UJobe 30:30

Isikhumba sami siba mnyama, siyaxathuka; umzimba wami uyatshisa ngomkhuhlane.

AmaHubo 129:5

Akuthi bonke abayizondayo iZiyoni babuyiselwe emuva beyangekile.

AmaHubo 140:5

Abantu abazigqajayo bangifihlele isifu; sebewanwebile amambule abo bangithiya lapha lalapha endleleni yami.

AmaHubo 22:14

Ngiyathululeka njengamanzi, njalo amathambo ami wonke akhumukile. Inhliziyo yami isiphenduke yaba yingcino; isincibilikile ngaphakathi kwami.

AmaHubo 31:10

Impilo yami incitshiswa yikukhathazeka, leminyaka yami yikububula; amandla ami ayadeda ngenxa yokuhlupheka kwami, lamathambo ami aphela amandla.

AmaHubo 35:4

Sengathi labo abazingela impilo yami bangayangiswa bathelwe ngehlazo; sengathi labo abazama ukungidiliza bangabuyiselwa emuva bedumazekile.

AmaHubo 38:8

Sengibuthakathaka, sengicikizekile; ngiyabubula ngobuhlungu benhliziyo.

AmaHubo 66:11

Wasingenisa entolongweni waseleka ngemithwalo emihlane yethu.

U-Eksodasi 12:9

Lingayidli inyama iluhlaza loba iphekwe ngamanzi, kodwa yoseni emlilweni konke lenhloko yakhona lamangqina kanye lezangaphakathi.

U-Isaya 42:17

Kodwa labo abathemba izithombe, abathi kuzifanekiso, ‘Lingonkulunkulu bethu,’ bazabuyiselwa emuva beyangeke impela.”

UJeremiya 44:6

Ngakho ulaka lwami olwesabekayo lwaphuphuma; lwavutha emadolobheni akoJuda lasemigwaqweni yaseJerusalema, lwakwenza kwaba ngamanxiwa achithekileyo ayikho lamhlanje.

Izililo 1:22

Abuvele kuwe bonke ububi babo; yenza kubo konke okwenzileyo kimi ngenxa yezono zami zonke. Kunengi ukububula kwami, lenhliziyo yami iphela amandla.”

Izililo 3:11

wangihudulela eceleni kwendlela, wangifohloza, wangitshiya ngingelamsizi.

Izililo 5:17

Ngenxa yalokhu inhliziyo zethu zibuthakathaka; ngenxa yalezizinto amehlo ethu ayafiphala,

UHezekhiyeli 12:13

Ngizamendlalela imbule lami, njalo uzabanjwa yisifu sami; ngizamusa eBhabhiloniya ilizwe lamaKhaladiya, kodwa kasoze alibone, njalo uzafela khona.

UHezekhiyeli 17:20

Ngizamendlalela imbule lami, njalo uzabanjwa yisifu sami. Ngizamusa eBhabhiloni, ngenzele khona ukumahlulela kwami ngoba wayengathembekanga kimi.

UHezekhiyeli 32:3

Nanku okutshiwo nguThixo Wobukhosi: Ngoquqaba olukhulu lwabantu ngizaphosela imbule lami phezu kwakho njalo bazakudonsela phezulu ngomambule wami.

UHosiya 7:12

Lapho sebehamba, ngizaphosa umambule wami phezu kwabo; ngizabadonsela phansi njengezinyoni zasemoyeni. Ngizabezwa behamba bonke, ngizababamba.

UNahume 1:6

Ngubani ongamelana lentukuthelo yakhe na? Ngubani ongalumela ulaka lwakhe oluvuthayo na? Ulaka lwakhe luthululeka njengomlilo; amadwala ayaqhekezeka phambi kwakhe.

UHabhakhukhi 3:16

Ngezwa, inhliziyo yami yatshaya, izindebe zami zabikizeliswa ngumsindo; amathambo ami angenwa yikubola, imilenze yami yaqhaqhazela. Kodwa ngizalindela ngesineke usuku lomonakalo ukuba lufike esizweni esihlasela esethu.

UDutheronomi 28:65

Phakathi kwalezozizwe kaliyikufumana ukuphumula, kumbe indawo yokuphumuza inyawo zenu. Khonapho uThixo uzalipha ingqondo ekhathazekileyo lamehlo akhatheleyo ngokufisa, kanye lenhliziyo ethuthumelayo.

2 AbaseThesalonika 1:8

Izabajezisa labo abangamaziyo uNkulunkulu labangalilaleliyo ivangeli leNkosi yethu uJesu.

AmaHebheru 12:29

ngoba “uNkulunkulu wethu ungumlilo oqothulayo.”