Isambulo 21:15 - IBhayibhili Elingcwele LesiNdebele

¹⁵ Ingilosi eyakhuluma lami yayilomqwayi wegolide owokulinganisa idolobho, amasango alo lomduli walo.

iBhayibhili Elingcwele 1978

¹⁵ Owayekhuluma lami wayelomhlanga wegolide wokulinganisa ukuba alinganise umuzi, lamasango awo, lemiduli yawo.

Isambulo 21:15 Mawu Ofanana

UHezekhiyeli 40:3

Wangisa khonapho, ngasengibona umuntu owayengathi lithusi, wayemi esangweni esandleni ephethe intambo yelineni loluthi lokulinganisa.

UZakhariya 2:1

Ngaphakamisa amehlo, phambi kwami kwakulomuntu ophethe intambo yokulinganisa!

UZakhariya 2:2

Ngabuza ngathi, “Uya ngaphi na?” Wangiphendula wathi, “Ngiyalinganisa iJerusalema, ukubona ukuthi ibanzi njalo inde kanganani.”

Isambulo 21:12

Lalilomduli omkhulu, ophakemeyo lamasango alitshumi lambili kanye lezingilosi ezilitshumi lambili emasangweni. Emasangweni kwakulotshwe amabizo ezizwana ezilitshumi lambili zako-Israyeli.

Isambulo 21:16

Idolobho lalakhiwe lalingana inxa zonke, lilide okungangobubanzi balo. Yalilinganisa idolobho ngomqwayi yathola lingaba ngamakhilomitha azinkulungwane ezimbili lamakhulu amabili (2,200) ubude njalo libanzi liphakeme okulingana lobude balo.

Isambulo 21:21

Amasango alitshumi lambili ayengamatshe obuhlalu alitshumi lambili, isango ngalinye lenziwe ngelitshe elilodwa lobuhlalu. Umgwaqo omkhulu wedolobho wawuligolide elicengekileyo njengengilazi elibonisa okungale kwalo.

Isambulo 21:25

Akulasuku lapho amasango alo azake avalwe ngalo ngoba akuyikuba lobusuku khona.