Isambulo 18:4 - IBhayibhili Elingcwele LesiNdebele

⁴ Ngabuya ngezwa elinye ilizwi livela ezulwini lisithi: “ ‘Bantu bami, phumani kulo,’ ukuze lingahlanganyeli ezonweni zalo ukuze lingehlelwa yizifo zalo;

iBhayibhili Elingcwele 1978

⁴ Ngasengisizwa elinye ilizwi livela ezulwini lisithi: Phumani kulo, bantu bami, ukuze lingahlanganyeli kanye lalo, izono zalo lezifo zalo;

Isambulo 18:4 Mawu Ofanana

UGenesisi 19:14

Ngakho uLothi waphuma wayakhuluma labakhwenyana bakhe, labo abasebethembise ukulobola amadodakazi akhe. Wathi, “Phangisani, phumani kulindawo, ngoba uThixo usezalibhubhisa idolobho leli!” Kodwa abakhwenyana bakhe bacabanga ukuthi wenza amahlaya.

AmaHubo 50:18

Lithi lingabona isela lihle libambane lalo; lisuka lingenelane lezifebe.

U-Isaya 48:20

Sukani eBhabhiloni, libalekele amaBhabhiloni! Bikani lokhu lihlaba umkhosi ngentokozo njalo likumemezele. Kufikiseni emikhawulweni yomhlaba; lithi, “UThixo uyihlengile inceku yakhe uJakhobe.”

U-Isaya 52:11

Sukani, sukani, phumani lapho! Lingathinti lutho olungcolileyo! Phumani kulo libe ngabahlambulukileyo, lina eliphatha izitsha zikaThixo.

UJeremiya 50:8

Balekelani ngaphandle kweBhabhiloni; sukani elizweni lamaKhaladiya, libe njengembuzi ezikhokhela umhlambi.

UJeremiya 51:45

Bantu bami, phumani kulo iBhabhiloni! Balekelani ukufa! Balekelani ulaka olwesabekayo lukaThixo.

UJeremiya 51:50

Lina eliphephileyo enkembeni, sukani njalo lingalibali! Khumbulani uThixo elizweni elikude, licabange langeJerusalema.”

UJeremiya 51:6

Balekani eBhabhiloni! Sindisani impilo yenu! Lingabhujiswa ngenxa yezono zayo. Yisikhathi sokuphindisela kukaThixo; uzaphindisela kuyo ngokufaneleyo.

UJeremiya 51:9

‘IBhabhiloni kade singayelapha kodwa kayelapheki; kasiyitshiyeni kuthi lowo lalowo aye elizweni lakibo, ngoba ukwahlulela kufika emikhathini kuqonga kuze kufike emayezini.

UMatewu 23:30

Beselisithi, ‘Ngabe saphila ngezinsuku zabokhokho bethu sasingeyikuhlanganyela labo ekuchitheni igazi labaphrofethi.’

2 AbaseKhorinte 6:17

Ngakho, “phumani kubo lehlukane labo, kutsho iNkosi. Lingathinti lutho olungcolileyo, mina ngizalemukela.”

1 uTimothi 5:22

Ungaphangisi ukubeka izandla emuntwini njalo ungahlanganyeli ezonweni zabanye. Zigcine uhlambulukile.

2 UJohane 1:11

Lowo omamukelayo uyahlanganyela emisebenzini yakhe emibi.