AmaHubo 91:3 - IBhayibhili Elingcwele LesiNdebele

³ Ngempela uzakuphephisa emjibileni womthiyi lasesifeni esibi esibulalayo.

iBhayibhili Elingcwele 1978

³ Ngoba yena uzakukukhulula emjibileni womthiyi, lakuwo umkhuhlane obhubhisayo.

AmaHubo 91:3 Mawu Ofanana

2 USamuyeli 24:15

Ngakho uThixo wathumela isifo ko-Israyeli kusukela ekuseni kwamhlalokho kwaze kwafika isikhathi esasimisiwe, kwafa abantu abazinkulungwane ezingamatshumi ayisikhombisa kusukela koDani kusiya eBherishebha.

1 AmaKhosi 8:37

Nxa kufika indlala kumbe isifo elizweni, ukukhunta lengumane, isikhongwane lemihogoyi, loba behanqwa yizitha kwelinye lamadolobho abo, loba yincithakalo enganani loba ngumkhuhlane onjani ongeza,

AmaHubo 124:7

Siphunyukile njengenyoni emjibileni womthiyi; umjibila uqamukile sahle saphunyuka.

AmaHubo 141:9

Ngivikela emijibileni asebeyithiyele mina, ezifini ezithiywe yizigangi.

AmaHubo 68:21

Ngeqiniso uNkulunkulu uzawachoboza amakhanda ezitha zakhe, imiqhele eloboya yalabo abaqhubekayo ngezono zabo.

AmaHubo 91:6

kumbe ingozi ehahabela emnyameni, kumbe umkhuhlane obhubhisayo emini enkulu.

Izaga 6:5

Zikhulule njengempala ezandleni zomzingeli, njengenyoni esifini somthiyi.

Izaga 7:23

umtshoko uze uyehlaba isibindi, njengenyoni ithothela ngaphansi kwesifu, ingaboni ukuthi isizingenise ekufeni.

UmTshumayeli 9:12

Futhi kakho owaziyo ukuthi isikhathi sakhe sizafika nini: Njengezinhlanzi ezigolwa kabuhlungu ngamambule loba izinyoni zibanjwa esifini, kanjalo abantu bafikelwa yizikhathi ezimbi ezibafikela belibele.

UHosiya 9:8

Umphrofethi, ekanye loNkulunkulu wami, ungumuntu olinda u-Efrayimi, kodwa imijibila imlindele kuzozonke izindlela zakhe, kanye lenzondo endlini kaNkulunkulu.

uAmosi 3:5

Inyoni iyabanjwa emhlabathini okungelamjibila othiywe khona na? Umjibila uyathanca usuke emhlabathini kungelalutho olubambayo na?

1 uTimothi 6:9

Abantu abafuna ukunotha bawela ezilingweni lasemijibileni lasezinkanukweni ezinengi zobuthutha ezilimazayo leziwisela abantu ekufeni lasekubhujisweni.

2 uTimothi 2:26

lokuthi baphaphame, baphunyuke emjibileni kaSathane obathumbele ukuba benze intando yakhe.