AmaHubo 7:2 - IBhayibhili Elingcwele LesiNdebele

² ngoba bazanginithiza njengesilwane bangiklebule iziqanyana kungekho ongangilamulela.

iBhayibhili Elingcwele 1978

² funa bangidabule njengesilwane, bangiklebhule, kungekho osizayo.

AmaHubo 7:2 Mawu Ofanana

2 USamuyeli 14:6

Mina ncekukazi yakho ngangilamadodana amabili. Alwa egangeni njalo akulamuntu owayelapho ukuba awalamule. Enye yatshaya enye yayibulala.

UJobe 10:7

loba wena ukwazi ukuthi angilacala lokuthi kakho ongangikhulula esandleni sakho?

AmaHubo 10:9

Uyacathama njengesilwane ekusithekeni; ucathamela labo abangelamandla; uyabadumela abahudulele emambuleni akhe.

AmaHubo 11:1

Mina ngiphephela kuThixo. Pho ungatsho kanjani kimi ukuthi: “Balekela entabeni yakho njengenyoni.

AmaHubo 16:1

Ngilondoloza, Oh Nkulunkulu, ngoba ngiphephela kuwe.

AmaHubo 17:12

Banjengesilwane silambele loba yini esingayidumela, njengesilwane esesabekayo siquthile sicatshile.

AmaHubo 22:13

Izilwane ezibhongayo ezibamba zidabudabule zingikhamisela imilomo yazo.

AmaHubo 31:2

Ngilalela, woza ngokuphangisa ungihlenge; woba lidwala lami lokuphephela, inqaba eqinileyo yokungisindisa.

AmaHubo 35:15

Kodwa ngathi sengikhubekile baqwebana bokha insini; abahlaseli bangihlanganyela ngilibele. Bangichothoza okungapheliyo.

AmaHubo 50:22

Nanzelelani lokhu, lina elikhohlwa uNkulunkulu, funa ngilidabudabule, kungekho ongalilamulela:

AmaHubo 59:2

Ngikhulula kubenzi bobubi ungisindise ebantwini abomele igazi.

Izaga 19:12

Ukuthukuthela kwenkosi kunjengokubhonga kwesilwane, kodwa ukuthandwa yiyo kunjengamazolo etshanini.

U-Isaya 38:13

Ngalinda ngokubekezela kwaze kwasa, kodwa amathambo ami uwephule wonke njengesilwane; emini lebusuku ungenze ngaphela.

UDutheronomi 33:20

NgoGadi wathi: “Ubusisiwe lowo oqhelisa umbuso kaGadi! UGadi uhlala khona njengesilwane, edlithiza engalweni loba ekhanda.

2 uTimothi 4:17

Kodwa iNkosi yema phansi kwami yangipha amandla ukuze kuthi ngami ilizwi litshunyayelwe ngokupheleleyo njalo labeZizweni bonke balizwe. Ngempela ngasindiswa emlonyeni wesilwane.

1 UPhethro 5:8

Zithibeni, liqaphele. Isitha senu uSathane, siyazulazula njengesilwane esibhongayo sidinga esingamudla.

Abahluleli 18:28

Kakho owayengabahlenga ngoba babehlezi khatshana kakhulu leSidoni bengelabuhlobo lamuntu. Idolobho lalisesigodini eduze leBhethi-Rehobhi. AbakoDani balakha kutsha idolobho lelo bahlala kulo.