AmaHubo 67:6 - IBhayibhili Elingcwele LesiNdebele

⁶ Lapho-ke umhlaba uzathela isivuno, uNkulunkulu, uNkulunkulu wethu, uzasibusisa.

iBhayibhili Elingcwele 1978

⁶ Umhlaba uthelile izithelo zawo; uNkulunkulu, uNkulunkulu wethu usibusisile.

AmaHubo 67:6 Mawu Ofanana

UGenesisi 17:7

Ngizaqinisa isivumelwano sami sibe yisivumelwano sanini lanini phakathi kwami lawe kanye lezizukulwane ezizayo ukuba nguNkulunkulu wakho, loNkulunkulu wezizukulwane zakho ngemva kwakho.

AmaHubo 48:14

Ngoba uNkulunkulu lo nguNkulunkulu wethu nini lanini; uzakuba ngumholi wethu lasekupheleni.

U-Eksodasi 3:15

UNkulunkulu wabuye wathi kuMosi, “Tshono kwabako-Israyeli uthi, ‘uThixo, uNkulunkulu waboyihlo, uNkulunkulu ka-Abhrahama, uNkulunkulu ka-Isaka, loNkulunkulu kaJakhobe ungithumile kini.’ Leli libizo lami laphakade, ibizo engizakhunjulwa ngalo kusukela kusizukulwane kusiya kwesinye isizukulwane.

U-Isaya 1:19

Nxa livuma njalo lilalela, lizakudla okuhle kwelizwe;

UJeremiya 31:1

“Ngalesosikhathi ngizakuba nguNkulunkulu wezizwana zonke zako-Israyeli, bona bazakuba ngabantu bami,” kutsho uThixo.

UJeremiya 31:33

“Lesi yiso isivumelwano engizasenza lendlu ka-Israyeli ngemva kwalesosikhathi,” kutsho uThixo. “Ngizafaka umthetho wami ezingqondweni zabo, ngiwulobe lasezinhliziyweni zabo. Ngizakuba nguNkulunkulu wabo, bona bazakuba ngabantu bami.

ULevi 25:19

Ilizwe lizathela izithelo zalo, lina lidle lisuthe, lihlale kulo livikelekile.

ULevi 26:4

ngizalehlisela izulu ngesikhathi salo, umhlabathi uthele amabele, lezihlahla zeganga zithele izithelo zazo.