AmaHubo 39:5 - IBhayibhili Elingcwele LesiNdebele

⁵ Usuwenze insuku zami zaba lobubanzi besandla; ububanzi beminyaka yami kabusilutho kuwe. Impilo yabantu ingumoya kuphela, kanye lalabo abakhanya behlalisekile.

iBhayibhili Elingcwele 1978

⁵ Khangela, insuku zami wazenza zaba ngangobubanzi besandla, lensuku zokuphila kwami kazisilutho kuwe; impela ilowo lalowomuntu ungumoya nje.

AmaHubo 39:5 Mawu Ofanana

UGenesisi 47:9

UJakhobe wathi kuFaro, “Iminyaka yokuhamba kwami ilikhulu lamatshumi amathathu. Iminyaka yami ibimilutshwana njalo ibinzima, njalo kayifiki iminyaka yokuhamba kwabokhokho bami.”

2 USamuyeli 19:34

Kodwa uBhazilayi wayiphendula inkosi wathi, “Mingaki eminye iminyaka engisezayiphila, ukuba ngiye eJerusalema lenkosi na?

UJobe 7:6

Insuku zami ziyaphangisa kulosungulo lomaluki, zisuka ziphele kungekho ithemba.

AmaHubo 144:4

Umuntu unjengomphefumulo; insuku zakhe zinjengesithunzi esidlulayo masinyane.

AmaHubo 39:11

Abantu uyabakhuza ubajezisele isono sabo; ucikiza inotho yabo njengenondo ngempela umuntu ngamunye ungumoya nje.

AmaHubo 62:9

Abantukazana bangumoya nje, izikhulu ziyinkohliso nje; aluba belinganiswa esikalini kabasilutho; bonke ndawonye bangumoya kuphela.

AmaHubo 89:47

Khumbula ukwedlula masinyane kwempilo yami. Ngoba wabadalela ize nje abantu!

AmaHubo 90:12

Sifundise ukubala kuhle insuku zethu, ukuze sizuze inhliziyo yenhlakanipho.

UmTshumayeli 1:2

“Ize! Ize!” kutsho uMtshumayeli. “Ize elipheleleyo! Konke kuyize.”

UmTshumayeli 2:11

Kanti lanxa ngahlolisisa konke okwenziwa yizandla zami lalokho engangibhensela ukukuzuza, konke kwakuyize, yikuxotshana lomoya; kwakungela nzuzo ngaphansi kwelanga.

U-Isaya 40:17

Phambi kwakhe zonke izizwe zinjengeze; yena uzikhangela njengento engasi yalutho njalo zingaphansi kweze.

UJakhobe 4:14

Kungani ngoba phela kalikwazi okuzakwenzakala kusasa. Ukuphila kwenu kuyini na? Liyinkungu ebonakala okwesikhatshana ibe isinyamalala.

2 UPhethro 3:8

Kodwa, bangane abathandekayo, lingakhohlwa into le eyodwa ukuthi: KuThixo usuku lunjengeminyaka eyinkulungwane leminyaka eyinkulungwane injengosuku olulodwa.