AmaHubo 32:10 - IBhayibhili Elingcwele LesiNdebele

¹⁰ Zinengi izikhalazo zababi, kodwa uthando lukaThixo olungaphuthiyo luyamzungeza umuntu othemba kuye.

iBhayibhili Elingcwele 1978

¹⁰ Zinengi izinhlupheko zomubi, kodwa uthando olungapheliyo luyamkhusela lowo othemba eNkosini.

AmaHubo 32:10 Mawu Ofanana

AmaHubo 11:6

Ababi uzabehlisela amalahle avuthayo lesalufa etshisayo; umoya otshisayo uzabahaqaza.

AmaHubo 140:11

Akuthi abahlebayo bangatholi indawo elizweni; akuthi umnyama ubahlale izithende abantu bochuku.

AmaHubo 146:5

Ubusisiwe lowo osizo lwakhe lunguNkulunkulu kaJakhobe, othemba lakhe likuThixo uNkulunkulu wakhe.

AmaHubo 147:11

UThixo uthokoza ngalabo abamesabayo, ababeka ithemba labo ethandweni lwakhe olungaphuthiyo.

AmaHubo 16:4

Labo abagijimela abanye onkulunkulu inhlupho zabo zizakwanda. Angiyi kuyithulula iminikelo yegazi kubonkulunkulu labo njalo amabizo abo kawayikuphuma kwezami izindebe.

AmaHubo 2:12

Ikhothameleni iNdodana, funa ithukuthele beselibhujiswa endleleni yenu, ngoba intukuthelo yakhe ingavutha ngesikhatshana. Babusisiwe bonke abaphephela kuye.

AmaHubo 34:8

Nambithani libone ukuthi uThixo ulungile; ubusisiwe umuntu ophephela Kuye.

AmaHubo 40:4

Ubusisiwe umuntu owenza uThixo abe lithemba lakhe, ongathembi abazigqajayo, lalabo abaqambukela kubonkulunkulu bamanga.

AmaHubo 5:12

Ngoba ngempela, Oh Thixo, uyababusisa abalungileyo; uyabazungeza ngomusa wakho njengesihlangu.

AmaHubo 84:12

Oh Thixo Somandla, ubusisiwe umuntu owethemba kuwe.

Izaga 13:21

Umnyama ulandelana loyisoni, kodwa impumelelo ingumvuzo wabalungileyo.

Izaga 16:20

Lowo olalela izeluleko uyaphumelela, njalo ubusisiwe lowo othemba uThixo.

UmTshumayeli 8:12

Loba umuntu ogangileyo engenza amacala alikhulu ajinge aphile okwesikhathi eside, ngiyazi ukuthi kuzakuba ngcono kulabo abamesabayo uNkulunkulu, abazithobayo kuNkulunkulu.

U-Isaya 3:11

Maye kwababi! Incithakalo isiphezu kwabo! Bazaphindiselwa ngalokho izandla zabo ezikwenzileyo.

U-Isaya 57:21

“Akukho kuthula kwababi,” kutsho uNkulunkulu wami.

1 uTimothi 6:10

Ngoba ukuthanda imali kuyimpande yezinhlobo zonke zobubi. Abanye abantu ngokutshisekela imali baphambuka ekukholweni bazibangele insizi ezinengi.