AmaHubo 127:2 - IBhayibhili Elingcwele LesiNdebele

² Kuyize ukuvuka kwenu ngovivi liphinde libambe kuze kuhlwe, lisebenzela ukudla kokufaka emlonyeni ngoba upha ubuthongo kulabo abathandayo.

iBhayibhili Elingcwele 1978

² Kuyize kini ukuba livuke ekuseni liphuze ukuphumula, lidle ukudla kokusebenza nzima; ngoba iNkosi iyamnika ubuthongo emthandayo.

AmaHubo 127:2 Mawu Ofanana

UJobe 11:18

Uzavikeleka, ngoba ithemba likhona; uzakhangela ofuna khona uzuze ukuphumula uvikelekile.

AmaHubo 3:5

Ngilala phansi ngijumeke; ngibuye ngiphaphame, ngoba uThixo uyangilondoloza.

AmaHubo 4:8

Ngizalala phansi ngijunywe yibuthongo ngilokuthula, ngoba wena wedwa, Oh Thixo, uhlezi ungilondolozile.

AmaHubo 60:5

Sisindise, usisize ngesandla sakho sokunene, ukuze bonke labo obathandayo bakhululwe.

Izaga 10:22

Isibusiso sikaThixo siletha inotho, leyonotho ingabi lahlupho.

UmTshumayeli 1:14

Sengizibonile zonke izinto ezenziwayo ngaphansi kwelanga; zonke kazitsho lutho, kuyikuxotshana lomoya.

UmTshumayeli 4:8

Kwakulendoda eyayiyodwa zwi; yayingelandodana loba umfowabo. Yayisebenza gadalala ingaphumuli, kodwa amehlo ayo ayengasuthiswa yinotho yayo. Yabuza yathi, “Ngiginqela bani kangaka, njalo kungani ngizincitsha intokozo?” Lokhu lakho kuyize umsebenzi othelela usizi!

UmTshumayeli 5:12

Bumnandi ubuthongo besisebenzi, loba sisidla okuncane loba okunengi, kodwa isinothi asilali ngenxa yenotho yaso.

UmTshumayeli 6:7

Yonke imizamo yomuntu iya emlonyeni wakhe, kodwa iphango lakhe kaligcwali.

UJeremiya 31:26

Lapho-ke ngaphaphama ngakhangela indawana yonke. Ubuthongo bami babubemnandi kimi.

UHezekhiyeli 34:25

Ngizakwenza isivumelwano sokuthula lazo njalo ngixotshe izilo zeganga elizweni ukuze ziyehlala enkangala kuthi izimvu zihlale emahlathini zigcinakale.